رواية وهم كاملة

رامز وقول أنت عايز إيه وبلاش المقدمات الكتيرة دي اللي ملهاش داعي أنت قولتلي لما اتصلت بيا أن عندك معلومات مهمة تخصني وعايز تبلغني بيها وأنك لازم تقابلني وأنا بناءا على الكلام ده سمحتلك تيجي مكتبي فلازم أنت تقدر الجميل ده وتتكلم على طول في الموضوع اللي جاي عشانه.
أخفى رامز ضيقه من عنجهية ونرجسية مختار في الحديث فهو يتصرف على أساس أنه في مرتبة عالية ويجب على الجميع الانحناء أمامه احتراما له.
تحدث رامز بجدية قائلا
أنا جايلك عشان أتكلم معاك بخصوص الفيديوهات إياها اللي اتسربت لمعاليك من سبع سنين ولولا أنك قدرت تتصرف وقتها وتدفع أكوام رشاوي عشان كل الناس وأولهم مراتك يصدقوا أنها فيديوهات متفبركة كان زمانك خسړت كل حاجة.
احتدت نظرات مختار قائلا بصرامة بعدما تذكر تلك الفترة العصيبة التي عاشها والتي كاد يخسر خلالها كل شيء سعى لتشييده على مدار خمس وعشرون عاما
وأنت إيه علاقتك بالموضوع ده وليه جاي تفتحه دلوقتي بعد ما خلاص اتقفل والناس نسيته!
همس رامز بنبرة ماكرة
عندك حق يا باشا الناس فعلا نسيت الڤضيحة اللي حصلت زمان بس أنت لسة فاكر ومش قادر تنسى وأكيد عايز تعرف مين اللي عملها عشان ټنتقم منه.
رفع مختار حاجبيه هاتفا باستخفاف
وأنت بقى عرفت مين اللي عمل معايا كده!
أومأ رامز وابتسم قائلا بثقة
أيوة طبعا عارف مين المسؤول عن الڤضيحة إياها اللي عمل فيك كده يبقى عزام الصاوي ومهاب رشوان.
ضحك مختار بشدة قبل أن يهتف بحدة لأنه سمح لشخص مثل رامز بمقابلته وظن أنه قد يفيده ولكن اتضح له أنه قد أتى لمقابلته حتى يستغفله ويستغله لتصفية حساباته القديمة مع عزام
أنت شكلك كده مستغني عن عمرك وشايف أن حياتك ملهاش قيمة.
هز رامز رأسه بنفي وتحدث بجدية وهو يضع هاتفه على سطح مكتب مختار
أنا بتكلم بجد ومش بحاول أستغلك
خالص في موضوع خلافي مع عزام وتأكيدا على صحة كلامي اتفضل اسمع بنفسك صوت مهاب وهو بيتكلم مع عزام بخصوص الڤضيحة اللي عملوهالك زمان بغرض أنهم يخلوك تخسر الانتخابات قدام شريكهم لطفي المداح واللي فاز وقتها وبقى عضو في مجلس النواب بسبب تراجع شعبيتك.
قام رامز بتشغيل مقطع صوتي فسمع مهابا وهو يخبر عزاما بالطريقة التي تمكن بها من ڤضح مختار ونصحه بتطبيق تلك الطريقة مع منافسهما عبد الرحمن متولي حتى تتدمر سمعته بين المستثمرين.
اتسعت عينا مختار ولمعت عيناه ببريق الڠضب بعدما سمع عزاما وهو يقول
الفكرة دي يا مهاب مش هتنفع خالص مع عبد الرحمن لأنه بني آدم نضيف ومحترم وملتزم دينيا وماشي على الصراط المستقيم وتقدر تقول كده أن انطبق عليه المثل اللي بيقول امشي في طريقك عدل يحتار عدوك فيك وعشان كده صعب نزق عليه واحدة ونصوره معاها زي ما عملنا مع مختار اللي هو أصلا بيريل لما بيشوف ست حلوة قدامه.
أغلق رامز التسجيل وقال
أظن أن معاليك عرفت دلوقتي أني مش جاي ألعب عليك زي ما كنت مفكر أنا فاعل خير جيت أعرفك حقيقة الناس اللي بتخدعك عشان تاخد بالك منهم عن إذنك.
خرج رامز من المكتب وهو يبتسم بتشفي ويفكر فيما سيحصل لعزام فقد انقلب عليه مختار وصار عدوا له بعدما كان في الأمس صديقه المقرب.
اتصل رامز بوسام وأخبره بكل ما جرى فابتسم الأخير بشدة لأنه يدرك جيدا أن بمعرفة مختار لهذه الحقيقة سوف تشتعل حرب طاحنة بين العديد من أرباب الدمار والفساد في المجتمع.
جلس آدم على سطح اليخت الخاص به يشاهد النجوم التي تتلألأ في السماء فقد كان حبه لنادين شبيها بضوء هذه النجوم التي تنير عتمة الليل ولكن انتهى كل هذا الحب وحل محله الألم بعدما رأى أقراص منع الحمل التي تتناولها حتى لا تنجب منه طفلا يربطها به.
تمتم آدم بحزن وهو يزفر بأسى
ياه يا نادين للدرجة دي أنت مكنتيش طايقة حياتك معايا وليه ده كله عشان خاطر ابن خالتك اللي اتخلى عنك!
لمعت عينا آدم ببريق الڠضب والاڼتقام وهو ينظر إلى صور رامز التي يضعها على صفحته الشخصية وهتف بغل
أنا نفسي أفهم البني آدم ده فيه إيه أحسن مني عشان تفضلي تحبيه أوي كده يا نادين حتى بعد كل الألم اللي سببه ليك!
أصدر الهاتف صوت رنين فزفر آدم بحنق بسبب كثرة الاتصالات الني تلاحقه من رقم ابن عمه منذ ساعتين عندما قرر أن يفتح الهاتف ويشاهد صور غريمه الذي أسر قلب زوجته دون أن يفعل أي شيء.
لم يتجاهل آدم هذا الاتصال مثلما فعل مع الاتصالات السابقة بل قرر أن يجيب بنبرة حادة تخفي خلفها الكثير من الۏجع الذي يشعر به في قلبه
أيوة يا محمد عايز إيه! هو الواحد مينفعش يقعد لوحده شوية في جو هادي من غير ما حد يزعجه ولا بند الخصوصية ملغي من عندك أنت وسمية اللي مش مبطلة هي كمان رن على موبايلي عشان خاطر صاحبتها!
سأله محمد بهدوء بعدما تجاهل حديثه الذي يتعمد من خلاله إثارة غضبه حتى يتوقف عن الاتصال به
قول بسرعة أنت فين دلوقتي يا آدم لأن الكل بلا استثناء قلقانين عليك ومراتك مش مبطلة عياط من ساعة ما أنت طلقتها وخرجت
زفر آدم هاتفا باستفزاز وهو يسعل بشدة فقد اشتد عليه دور الانفلونزا الذي يمر به ولم يعد قادرا على السيطرة على حالته بسبب عدم تناوله للدواء
ملكش دعوة بيا يا محمد ابعد عني وسيبني في حالي لو سمحت عشان أنا فيا اللي مكفيني ومش طايق نفسي دلوقتي.
أنهى آدم المكالمة وأغلق الهاتف مرة أخرى حتى يرتاح من إزعاج ابن عمه ولكنه لم يكن يعلم أن محمدا قد استطاع معرفة مكانه بعدما سمع عبر سماعة الهاتف صوت السيد معاذ صاحب الصوت الجهوري وهو مالك اليخت المجاور لليخت الذي يمتلكه آدم.
الفصل السادس والعشرون
جلست داليا على مائدة العشاء ولكنها لم تتناول أي شيء فكل ما كان يشغل تفكيرها هو كلام رامز بشأن تلك الفتاة التي تزوج بها عزام عرفيا.
قلبت داليا الأمر في رأسها وتأكدت من حقيقة أن كل ما سعت لبنائه طوال السنوات الماضية من الممكن أن يضيع منها في لمح البصر بسبب تلك الفتاة الغريبة التي استحوذت على اهتمام عزام في وقت قصير.
حسنا عليها أن تعترف بأن رامزا محق في كلامه ويجب عليها بالفعل أن تتصرف بسرعة وتنقذ ما يمكن إنقاذه قبل فوات الأوان.
عليها الآن أن تساير مختارا وتفعل المستحيل حتى تجعله خاتما في إصبعها وحينها سوف تتحقق أحلامها وهذه المرة ستضمن أن تستحوذ على أكبر قدر من ممتلكاته حتى تضمن لنفسها حياة كريمة في حين قرر أن يخرجها من حياته مثلما ينوي عزام أن يفعل بها.
انتبهت داليا لحقيقة أنها لا يمكنها تعليق جميع آمالها على مختار لأنه توجد مشكلة في هذا الحل وهي أنها
لا يمكنها التنازل والقبول بالزواج العرفي منه ولهذا السبب ستحاول أن تحصل على تعويض كبير من عزام لأن هذا الأمر سوف يكون أفضل بكثير من الحياة التي ستعيشها في حال صارت زوجة ثانية لمختار الذي ېخاف