حكايه فاطمة

اللي هتكسرهم يا حرااام انا مكنتش اعرف انك معروف بين ملكات الجمال !!
نظر لها ببرود ونقل عينيه ليديها الممسكتان بملابسه نزعهما بقوة و همس بصوت بارد لكن مهدد 
ايدك لو اتمدت تاني هكسرهالك و اخليكي تتحسري عليها فاهمة انتي ملكيش حق تستجوبيني محدش بيسأل ليث الشافعي على حاجة اوعى تنسي الكلام ده.
ابتسمت بسخرية وكادت تتكلم لكن جاءت منال و مساعداتها و عرضن عليها التصاميم و اختارت أسيل مجموعة منها لتحضرها احدى الفتيات...... ظلت تتطلع للفساتين البيضاء الناصعة ب انبهار فهي حقا رائعة لفت نظرها فستان طويل ضيق من الاعلى وواسع قليلا من الاسفل به حبات من اللؤلؤ في الصدر لحد الخصر اظهرت بريقا ملفتا و جميلا ابتسمت و طلبت تجربته ودخلت لإحدى الغرف.....
بقي ليث ينتظرها خارجا و يتخيل لو انهم يعيشون ظروفا غير هذه سيكون سعيدا وهو يختار مع حبيبته فستان زفافهما وهو في فمة الفرح لكنه ليس سوى شخص محتار في تصرفاته..... افاق من شروده على صوت منال 
مستر ليث المدام عايزاك تدخل تشوفها بالفستان.
تعجب ليث ووافق بمضض ودخل بمفرده وجدها مستديرة للمرآة و شعرها الاسود الطويل منسدل على ظهرها ابتسم و تقدم منها و ادارها اليه لينبهر بجمالها في هذا الفستان لاحظت أسيل انبهاره فقالت 
ايه رايك عجبك 
ليث بحب 
ايوة طالع بيجنن عليكي..... كأنه متصمم علشان انتي تلبسيه.
ابتسمت أسيل 
ميرسي..... ممكن ناخد صورة يا ليث علشان خاطري مترفضش.
كان سيعترض لكنه عندما رأى رجاءها
قال باستسلام 
ماشي صورة واحدة بس مش اكتر.
اومأت و استدارت و رفعت هاتفها فوق ابتسم ليث و احاطها من الخلف هامسا 
كده احسن 
اغمضت أسيل عينيها 
اممم احسن التقطت عدة صور لهما كذكرى اخيرة بينهما فهي متأكدة من انهما سينفصلان عاجلا ام آجلا ابتعد ليث عنها اخيرا وهو يتنفس بقوة من فرط مشاعره اللي اجتاحته وهو يحيط جسدها بيده حمحمت أسيل و لتخفي خجلها قالت 
اانا.... انا عجبني الفستان ده.
تمام.
التف ليخرج لكن أسيل امسكت يده و هتفت ب 
انت ليه بتتهرب مني طب بصلي على الاقل وكلمني انا عملتلك ايه عشان تتجاهلني كده 
ابتسم بسخرية منها 
عملتي ايه قولي انا معملتش ايه يا... يا مدام.
أسيل
بانفعال 
بس بقى يا ليث بطل تتكلم بالالغاز كده واجهني وقولي في ايه انت عرفت انا ليه خبيت عنك و عارف ليه طلبت الطلاق منك كنت مضطرة افهم انا....
قاطعها ليث بعصبية وقد نفذ صبره 
افهم ايه هااا افهم ايه افهم انك كدبتي عليا من الاول لحد ما خليتيني اكتب كتابي عليكي و افهم انك خبيتي اسم حبيبك عليا افهم اني كنت زي الاهبل بينك و بين الضابط اللي بيشتغل معايا هااا انا كنت بشتغل مع حبيب مراتي ومش عارف وهو كان مخليني قصة بتضحك قدام الكل ودخلت السچن و ماما تعبت كله منك انتي و بدل ما تقفي معاها جيتي طلبتي الطلاق و بتقوليلي مضطرة انتي
كدبتي عليا كام مرة يا أسيل قوليلي انتي مخبية عليا ايييه تاااني !!
انتفضت ونزلت دموعها هامسة 
مش مخبية عليك حاجة ولا هخبي.... مدام انت مضايق للدرجة ديه ومش طايقني قولي انت حاي معايا ليه ها مكمل معايا ليه ولا عايز ټنتقم و تذلني قولي يا ليث من الاخر احنا هننفصل ولا لأ القرار ليك قول !!
نظر لها ليث مطولا وشعر بأنه في دوامة اغمض عينان بقوة ثم فتحهما وقال 
الفصل التاسع والعشرون قسۏة
نظر لها ليث مطولا وشعر بأنه في دوامة اغمض عيناه بقوة ثم فتحهما وقال 
لأ مش هسيبك انا هكمل الزواج ده يا أسيل.
تعجبت من كلامه وفي نفس الوقت شعرت بالسعادة لكنها اجابته بحدة 
ليه ان شاء الله مدامك بقيت تكرهني عايزنا نتجوز ليه ها مش انا بنت كذابة و بخبي عليك ليه
بقى عايز تكمل ولا انت مخطط ټنتقم مني مثلا..... اقولك حاجة انا اللي هنهي العلاقة ديه لاني مش هطمن على نفسي بعد ما بقيت بالقسۏة ديه.
جز على اسنانه و فجأة امسكها من كتفيها ودفعها على الحائط و التصق بها هامسا 
مش بمزاجك على فكرة هنتجوز يعني هنتجوز حتى لو ڠصبا عندك
اما على قسۏتي ف انا حذرتك من بداية علاقتنا انك متكذبيش عليا ولا تعملي حاجة غلط عشان مضطرش اوريكي وشي التاني بس انتي مسمعتيش الكلام استحملي بقى اللي هيحصلك.
ابتسمت بسخرية وقربت وجهها منه مردفة بتحدي 
قولتلك مليون مرة ان اللي حصل و اللي عملته كان ڠصب عني بطل تلومني كل شويا ولو فاكر اني هخاف من تهديداتك تبقى غلطان انا مبخافش من حد واكيد انت عارف شخصيتي كويس .
رفع ليث يده لتغمض أسيل عينيها من سحر هذه اللحظة..... اخفض ليث رأسه و همس 
مسيري اكسرلك غرورك و تمردك ده يا أسيل.
ابتسمت بخفة 
مش هتقدر.... صدقني مش هتقدر انت اصلا اكتر حاجة بتحبها فيا هي غروري يا.... فتحت عيناها وتابعت 
My Hasbant.
رفع حاجبه بإعجاب كالعادة من كبريائها لكنه رسم البرود على وجهه و قال 
هنشوف.... 
اتسعت عيناها بدهشة 
افندم 
اشار برأسه للفستان وقال 
اقلعي الفستان اكيد مش هتروحي وانتي لابساه.
ها اه ماشي اانا هقلع بس اطلع لو سمحت. 
قالتها بارتباك وهي ټلعن عقلها على تفكيره الأحمق طالعها ليث ثم تحرك وقبل ان يخرج استدار اليها ليجدها تقف امام المرآة و اقترب منها و عندما رأته هتفت بتوتر 
في ايه 
لم يجبها بل امسك كتفيها و ادارها لتقابل المرآة و يظهر انعكاسهما عليها مد يده و ابعد خصلات شعرها تلون وجه أسيل بالأحمر القاني و شعرت بنبضات قلبها تكاد تخرج من شدة عنفها و سرعتها تنحنحت وهمست بصوت متحشرج 
م م ميرسي...... شهقت و التفتت اليه 
تقدر تطلع انا هلبس هدومي و اجيلك.
حمحم وعاد للخلف وهو يتنفس بعمق خرج من الغرفة ليجد منال فقال لها 
الفستان عجبنا هناخده.
اوك بس سعره غالي على فكرة.
تمتم بدون مبالاة 
عادي الفلوس مش مهمة الفستان عجب خطيبتي عشان كده هشتريه مهما كان تمنه. اللهم عريس زي ده .
ابتسمت و اقتربت منه هامسة 
انت جنتل اوي..... ازاي تقدر تكون كده عارف لو مكنتش متجوز كنت هخطفك و اتجوزك.
ضحك ليث و فجأة سمع صوت أسيل المغتاظ من خلفه 
سوري يا بيبي فات الاوان بس مدامك معجبة بيه اوي كده ليه محاولتيش تتجوزيه وانتي بتعرفيه من زمان.... صحيح انتو بتعرفو بعض من امتى و ازاي.
منال بدلال 
كنا جيران في المنصورة و مع بعض في الثانوية و
اخويا درس معاه في الكلية فتلاقيني بعرفه كويس جدا و الصراحة كان مجنن كل البنات..... وانا واحدة منهم و همست 
و لسه مجنني.
نظر لها ليث و اكتفى بالابتسام بينما فقدت أسيل اعصابها المتبقية و اقتربت منها لټصفعها لكن مساعدتها انقذتها عندما قالت 
مدام أسيل الفستان جاهز.
نظرت لها شزرا و اجابتها 
ماشي شكرا..... ثم وجهت كلامها لليث 
مش يلا 
حمحم و رد عليها بإيجاز 
هدفع الحساب و اجي... يلا يا منال وانتي يا أسيل لو عايزة روحي استنيني في العربية.
تقدمت أسيل و امسكت يده برقة مصطنعة 
لا هجي معاك ياحبيبي مش معقول اسيبك لوحدك.
منال بضيق 
مفيش داعي يا مدام مستر ليث مش ه.....
قاطعتها بجفاء 
والله محدش طلب رأيك.
استغرب ليث وشعر بأنه دمية يتشاجر عليها طفلان و عندما رأى عصبية أسيل تنحنح و اردف 
يلا احنا اتأخرنا.
اومأت و ذهبت معه و دفع ثمن الفستان ثم غادرا جلست أسيل بجانبه في السيارة وقررت عدم البوح من ضيقها لكي لا يعرف نقطة ضعفها اما ليث فكان يدرك جيدا انها على وشك الانفجار فاستغل الموقف و قال 
منال بنت شيك وزوق جدا صح.
رمقته بطرف عينها مهمهمة باستنكار 
سبحان الله ده نفس رأيها فيك بردو مش قالت عليك جنتل و حلو ومجنن البنات.
ضحك بمكر واردف 
افهم انك غيرانة يعني.
تهكمت بسخرية منه 
اغار ليه بقى بالعكس حاجة حلوة ان جوزي يكون وسيم ولا انت ايه رايك.
تنهد ليث بسخط من كلامها فبدل ان يستفزها هي من استفزته كيف تستطيع السيطرة على مشاعرها هكذا بينما هو لا يجيد التحكم في اعصابه ابدا.
بعد مدة وصلا للمنزل ليجدا زهرة هناك ايضا جلسا معهم و الجميع اشاد بجمال الفستان مر الوقت سريعا و حل الليل دخلت أسيل لغرفتها و غيرت ملابسها وعند تذكر يد ليث وهي تمر على وجهها و شفتيها ابتسمت و همست 
اسبوعين بس و هبقى مراتك رسميا اما نشوف ايه اللي هيحصل.
في اليوم التالي. 
في منزل سارة.
كانت جالسة في غرفتها تقرأ احدى الكتب عندما دخلت والدتها وقالت لها 
انتي لسه قاعدة يا سارة قومي روقي البيت العريس جاي المسا.
اجابتها بهدوء دون ان تنظر اليها 
والله يا ماما البيت لو اتنظف اكتر من كده هيختفي من اللمعان اضافة الى اني وافقت اقابله علشانكم بس كده كده هرفض.
أمها پغضب 
يعني ايه تضيعي وقتنا ووقت الراجل و ترفضي عيب كده والله عيب.
تنهدت و نظرت اليها بابتسامة 
اوك خدو منه الجاتوه و قولوله انت مرفوض اهو بالمرة مضطرش اشوف خلقته و ناكل جاتوه كمان متشوقة اعرف هيجيب معاه ايه.
هزت رأسها بوعيد 
اتريقي كويس يا سارة يا فرحتي بيكي... انا مش عارفة انتي رافضة كل العرسان ليه افضلي رافضة الجواز لحد ما تعنسي قدامي.
اعنس ياستي هو في زي العنوسة..... ماما قلت من قبل اني مش عايزة اتجوز دلوقتي اضافة ل اني لما بستخير مبرتاحش ل اي عريس يرضيكي اتجوز واحد مش مستريحاله.
الأم وهي تحاول اقناعها 
طب ما يمكن المرة ديه ترتاحي ومين عارف يمكن عريس النهارده يكون من نصيبك اصلا هو كويس اوي و شغال مع ابوكي ضابط و....
قاطعتها سارة 
مش عايزة اعرف عنه حاجة بابا طول عمره عايز يجوزني لضابط ايه
الجديد طب ماشي انا هقابله و استخير واشوف هيحصل ايه بس لو قلت لأ يعني لأ بلاش دراما تمام 
ابتسمت برضا وقبلت جبينها هامسة 
تمام ياحبيبتي .... يلا جهزي نفسك.
اومأت بمضض وحدثت نفسها 
يلا اهو عريس زي اللي قبله و هيترفض.
في منزل أسيل.
شهقت نور بدهشة مما تسمعه 
اتجوز تاني ازاي يعني 
فريدة بابتسامة 
زي الناس انتي و فارس اتجوزتو بالسر ومحدش عارف ولازم نعملكم فرح اهو يبقى اشهار للناس.
فارس بهدوء 
يا ماما بدل الفرح ده قولي للناس انك جوزتي ابنك و عملتي حفلة صغيرة و خلصينا ليه الغلب ده بس.
تحدثت أسيل بامتعاض 
و فيها ايه مامي عايزة تشوفك عريس وتفرح بيك من حقها يا سيدي محدش قالك اتجوز من غير ماتعرف حد و متتحججش بالوقت عشان كل حاجة جاهزة شقتك جاهزة و العروسة موجودة مش فاضل غير فستان للفرح ونعزم الناس وتابعت بضحكة 
اهو نتجوز فنفس اليوم و مامي تخلص مننا ايه رايك يا نور.
رفعت رأسها و قالت بحيرة 
اانا مش عارفة.... الصراحة كل بنت بتتمنى يتعملها فرح و انا ظروفي مسمحتليش اعمله نن قبل بس.....
فريدة بحنان 
حبيبتي ده حقك ومحدش هيحرمك منه قولو اه