حكايه فاطمة

فارس ظلمها و ابنها ماټ قبل ما تشوفه و مع ان مبقالهاش يومين معانا بس والله لما عرفت ان أسيل تعبت خاڤت اوي و اصرت انها تجي معانا بس فارس مسمحلهاش عشان لسه تعبانة.
زهرة بأسف 
دايما الناس الطيبة هي اللي بتعاني في الدنيا ديه..... فريدة ايه رايك نعمل فرح فارس و نور مع أسيل و ليث فنفس
اليوم منها الفرحة تبقى فرحتين ومنها نمنع كلام الناس اللي هيتحكى لو عرفو ان فارس اتجوز بالسر الفكرة حلوة صح 
فريدة بتفكير 
اه والله معاكي حق ده حتى الفرح بقاله شهر واحد يعني مدة قصيرة و انا عايزة الناس تعرف ف اقرب فرصة ان فارس متجوز...... ايه رايك يا أسيل.
قالتها وهي تنظر اليها لكنها لاحظت انها تطالع ليث بصمت وهو ايضا..... حمحمت لتقول بجدية 
اعملي اللي انتي عايزاه يا مامي مش مهم.
استغربت كلامها وقبل ان تتكلم دخل فارس فأشارت لزهرة بالصمت و عدم التحدث في الموضوع مرت مدة و هم جالسين معها حتى اعطاها الطبيب تصريحا بالخروج غادرت أسيل المستشفى و ذهبت لمنزلها مع عائلتها الا ليث الذي ادعى بأنه مشغول. 
دخلت أسيل غرفتها و استلقت على سريرها تبكي على ما تعرضت له من ظلم من اقرب الناس اليها حتى صديقتها التي كانت تعتبرها اختها.... همست بصوت مخټنق عاجز 
كنت بتوقع الأڈى من الكل الا انتي يا سارة معقول انتي اللي تعملي فيا كده و تشوهي سمعتي و تقولي عليا كلام محصلش كل ده عشان بتحبي ليث بعتي صاحبة عمرك عشان واحد مش بيبادلك الحب اصلا !! حتى ليث انا مش هقدر اقوله ان جاسر هو اللي دمرلي حياتي لاني خاېفة عليه انا متأكدة من انه هيسيبني و هفضل وحيدة طول عمري....
نزلت دموعها فمسحتها سريعا و اغمضت عينيها كي تهرب بالنوم من واقعها الأليم.....
في وقت متأخر من الليل. 
في تلك الساعة المملوءة بسحر الهدوء....الموحدة بين ارواح النيام..... و احلام الانهاية....كان واقفا في شرفة غرفته يطالع القمر المضيء وسط ظلام الليل الدامس ومن حوله النجوم و يفكر فيما يفعله فهو الان بين نارين و مازاد غضبه و غيظه هو انها تخفي شخصية حبيبها السابق ذلك الذي احبته زوجته في السابق كلما تذكر هذا الكلام يشعر ببركان ينفجر بداخله فهو مثل اي رجل شرقي لا يتحمل تخيل من يحبها انها مش شخص غيره !!
زفر بضيق و نظر لإصبعه البنصر الموجود فيه خاتم الخطوبة نزعه و بدأ يتمعن فيه كأنه يرى الاجابة بداخله ثم ضغط عليه وهمس 
حياتي كانت احسن قبل ما تظهري فيها يا أسيل حياتي متلخبطة ولاول مرة بقف عاجز وكله بسببك..... حبك خلاني ضعيف يا أسيل لا انتي اللي خليتيه ضعيف انا كنت مستعد اعمل كل حاجة علشانك بس انتي.....
سمع طرق الباب فأعاد الخاتم سريعا و استدار ليجد امه.... اقتربت منه زهرة وقالت 
هو ايه اللي بيحصل بينك و بين أسيل قبل ما تعمل نفسك مش فاهم احب اقولك اني لاحظت نظراتكم لبعض في المشفى بصاتك ليها كانت غريبة ومتغيرة مش زي زمان انت كنت بتتكلم معاها بس بتتجنب تبص فوشها في ايه انتو مټخانقين.
صمت قليلا ثم اشاح وجهه عنها 
مفيش حاجة زي ديه انتي بتتوهمي.
نظرت له بتدقيق و قالت 
اها ماشي.... طب بالنسبة للأزاز اللي في الصالة انا جيت لقيت كل حاجة مکسورة ترابيزات فازات حتى الډم كان ع الارض لدرجة اني حسيت في حرب كانت هنا !! و لما جيت اتصل اسألك انت اللي اتصلت و قولتلي أسيل تعبانة و في المشفى و لما روحنا شوفت
علامات ضړب على وشها قولي انت عملت فيها ايه !!
مسح على شعره ثم فقد اعصابه لېصرخ 
يوووووه ليه كتر الكلام ده انتي شايفاني مضايق بس مش
مبطلة زن لسه اسئلة مبتخلصش ايوة يا ستي انا و أسيل مټخانقين بس اطمني انا معملتلهاش حاجة ولا ضړبتها تمام !!
زهرة بحدة 
بغض النظر عن انك بتزعق ل امك بس خناقة ايه ديه اللي تخليك تقلب البيت كده ها انا عارفة كويس ان أسيل تعبت بسببك قولتلك مليون مرة اتحكم فعصبيتك و فتصرفاتك مش هينفع كل مرة ټأذي اللي يجي جمبك بسبب عصبيتك ديه...... ليث انا مش هسألك على سبب الخناق بس هقولك لسه فاضل على فرحكم شهر واحد بس يا تحسن تصرفاتك يا تنتهي علاقتكم لاني شايفة ان حماسك للجواز اختفى.
نظر لها بسرعة عند حديثها عن الانفصال و انفعل بشكل كبير لكنه تمالك نفسه مغمغما بصوت قاتم 
انا تعبان يا ماما لو سمحتي عايز ارتاح.
حدجته زهرة قليلا ثم تحركت و غادرت الغرفة شرب ليث باب الشرفة بقبضته بقوة و همس 
انا حتى مش عارف اذا لازم انهي علاقتي معاها او لأ.... بس اللي اعرفه اني مش هسامحها عشان خبت هوية الحقېر ده عليا.
بعد مرور اسبوع لم يتواصل فيه كل من ليث و أسيل و سارة.
في غرفة نور كانت تكلم والدتها على الهاتف دخل فارس ليسمعها تقول 
قعدتي هنا مؤقتة يا ماما انا كنت بجاريه عشان كده قبلت اجي اعيش مع اهله بس مش هفضل هنا كتير............... ايوة شهر كده و هطلق منه او هخلعه لو رفض يطلقني المهم انتي اخبارك ايه............ تنهدت و اجابتها 
انا كويسة يا مامي هكون عاملة ايه بعد ما خسړت حبي اللي اتخدعت فيه و خسړت ابني و خسړت اهلي الحمد لله على كل حال اا.....
توقفت عندما استدارت ووجدته يقف امامه ووجهه لا يبشر بالخير اطلاقا تنحنحت بتوتر مردفة 
اوك يا مامي هبقى اكلمك بعدين باي.
اغلقت الخط و تجاهلت وجوده تماما و انشغلت بترتيب الغرفة ليقول بصرامة 
بقى انتي على اخر الزمن هتخلعيني لو مرضتش اطلقك يا نور !!
ردت عليه ببرود 
لو مفهمتش بالراحة هتفهم بالعافية اوعى تفكر اني نسيت اللي عملته انا ساكتة بس عشان مليش مزاج للخناق و القرف انما اني افضل عايشة معاك لاني عايزة كده لا شيل الفكرة ديه من دماغك انا لا يمكن اعيش مع واحد زيك 
صاحت پألم عندما شعرت به يمسك ذراعها پعنف حتى كاد يسحقه جذبها فارس نحوه وهمس مهددا 
نور التزمي حدودك احسن مش معنى اني ساكتلك يعني تسوقي فيها لا فوقي كده انا ممكن اعمل فيكي حاجة مبتقدريش تتصوريها لو تجاوزتي حدودك..... فاهماني !!
نور بۏجع 
سيب دراعي هتكسرها.... فاارس انا فعلا بتوجع سيبني حرام عليك !
قالتها بدموع فأزاح يده بسرعة و زفر بغيظ من كلامها المستفز دائما..... استدار ليذهب لكنها اوقفته 
فارس استنى. 
عايزة ايه 
حدجته بتوتر و قالت 
هو انت عرفت مين اللي..... مين اللي ضړبني اليوم اياه و قتلي ابني ولا الموضوع مش فبالك اصلا.
رمقها فارس بنظرات حادة 
اوعى تتجرأي و تقولي ان موضوع ابني مش هاممني انا لسه منستش ازاي خبيتي عليا خبر حملك لو كنت اعرف مكنتش
هسمحلك تطلعي من البيت لوحدك وممكن الحاډث ده مكنتيش هتتعرضيله..... عمتا انا متابع الموضوع و هفضل وراه لحد ما الاقي الراجل و اعرف مين اللي بعته.
نور بدهشة 
انت بتقصد ان في حد بعته لا مستحيل !!
ابتسم بتهكم معلقا
امال هيجي يضربك كده من نفسه وانتي مبتعرفيهوش يا ذكية !!
تجاهلت سخريته و قالت 
بس هيضربني ليه وانا عمري ما شوفته وعمري مغلطت فحد فحياتي طب ليه مبتطلبش المساعدة من الشرطة.
غمغم بغموض وهو يطالعها بنظرات اربكتها 
انا شاكك فحد معين عشان كده مبقدرش اطلب مساعدة الشرطة لانهم هيبعدوني عن الحقيقة.
تفاجأت من كلامه و سألته 
تقصد ايه !
ابتسم و اقترب منها بحنان وهمس 
انا هلاقي اللي حرمنا من ابننا صدقيني و هعاقبه هاخدلك حقك و هخليه يندم ثقي فيا.
اغمضت عينيها وهمست بدون شعور 
انا بثق فيك اكتر من نفسي يا فارس.... حتى لما وجعتني وعرفت ان حبك ليا كان كدبة رجعت ثقتي فيك لما قررت تاخدني على بيتك خوفا عليا من اهلي.
ابتسم فارس 
يعني انتي عارفة السبب الحقيقي صح امال ليه كنتي بتقولي اني هعذبك اكتر.
و ردت 
كنت فاكرة كده فعلا بس لما قعدت مع نفسي و افتكرت الموقف و خۏفك و قلقك عليا فهمت ليه عملت كده و..... توقفت فجأة عندما ادركت انجراف مشاعرها ابتعدت عنه بسرعة و قالت بارتباك 
احم اانا..... انا رايحة الحمام عن اذنك.
تركته و غادرت بسرعة فضحك فارس محدثل نفسه 
هتسامحيني عن قريب و ب ارادتك كمان و بتشوفي.
عبث بشعره ثم غادر الغرفة و خرج ليجد والدته جالسة مع اخته تتناولان الغداء كانت أسيل تعبث في صحنها دون ان تأكل فجلس بجانبها و داعبها بمشاكسة 
احنا رجعنا لايام الدايت يا أسيل مش كنتي بطلتيه من سنة افهمي بقى انك رفيعة ولو خسيتي اكتر من كده هتختفي.
فريدة بيأس 
لا فعلا أسيل خست يا حبة عيني ووشها المنور ذبل و بعد ماكانت فرحانة و بتضحك طول اليوم بقت سرحانة و زعلانة ديه اكيد عين صابتك يابنتي.
نظرت اليها بهدوء 
عين ايه بس يا مامي انا بس متوترة الايام ديه ومش جاييلي نفس للأكل.
همهم فارس وهو يشرب كأس العصير الخاص به 
طب ما تروحي لسارة صاحبتك اهو تخفف عنك شويا مش هي اختك اللي من غير ام ولا اب.
توقفت أسيل عن تحريك الملعقة و تجهمت ملامحها بشدة 
فعلا انا قررت اروحلها النهارده يا فارس.... في كام حاجة عايز اتكلم فيهم معاها.
فريدة باستغراب من نبرتها 
طيب ياحبيبتي روحيلها اهو بتتسلو شويا..... فارس هي نور فين.
انا هنا يا طنط. 
قالتها نوروهي تقترب منهم و تجلس بجانب فارس واكملت 
سوري عشان اتأخرت.
ابتسمت وهي تسكب لها 
ولا يهمك ياحبيبتي بصي عملتلك مكرونة بيشاميل هتحبيها اوي جربيها.
نور بخجل 
ليه تعبتي نفسك كده يا طنط والله مينفعش تطبخيلي كل يوم.
مررت يدها على كتفها بحنان و ردت 
انتي مرات ابني الوحيد ولو مدلعتكش انتي و بنتي هدلع مين يعني.
نهضت أسيل فجأة مرددة 
هدخل البس هدومي عشان اروح لسارة مامي انا ممكن اتأخر شويا.
فارس ببساطة 
عادي اتأخري انتي مع سارة يعني مش هخاف عليكي.
رفعت نور رأسها ونظرت له باقتضاب وغيرة 
سارة مين ديه اللي مش هتخاف عليها وهي معاها ان شاء الله !!
ضحكت فريدة واجابتها 
سارة ديه صاحبة أسيل المقربة ودايما يا هي بتجيلنا يا أسيل بتروحلها و اتعودنا علينا وبقت من العيلة عشان كده فارس بيقول كده.
ابتسم بخبث و غمزها 
يسلملي الغيران.
مطت شفتها باستهجان و
تجاهلته دخلت أسيل لغرفتها و ارتدت ملابسها ثم خرجت متجهة لمنزل سارة فلقد حان وقت المواجهة !
نزلت دمعتها وهي تقول 
ليه عملتي فيا كده يا سارة انتي دمرتيلي حياتي و قضيتي على سمعتي الناس كلها بقت تبصلي كأني بنت و و اهلي مبقوش يبصولي و ليث اللي حبيته سابني وكل اللي كانو بيحترموني كلهم بقو يحتقروني
ليه عملتي فصاحبتك