حكايه فاطمة
المحتويات
فتنهد بحړقة وهو يشعر بتأنيب الضمير يعاوده من جديد يا الهي لماذا بات يشعر بالحزن اتجاهها
و الشفقة و.... و الحب !
لقد وعد نفسه بأن يغلق قلبه لكن كلما رآها يشعر بدقات قلبه تزداد في الخفقان و رؤية ابتسامتها تجعله يشعر بالسعادة لكن هذه الابتسامة هو من سيقضي عليها و يدمرها و يقضي على شرفها لكي تهدأ ڼار قلبه..... ضغط على يده وهو يفكر اقترب كثيرا من نجاح خطته لم يعد هناك الا القليل و سيحرص على نجاح مخططه و تدنيسها هي و عائلتها لينتقم لحبيبته سهر و ليذهب ضميره الى الچحيم !!!
افاق من شروده على صوتها المستغرب
في ايه يا فارس انت شردت ف ايه
نظر اليها و ابتسم
انا بفكر ف انه علاقتنا ديه لازم تترسم انا عايز اجي لبيتك اطلبك بس....
بس ايه
تابع فارس بحزن مصطنع
انا خاېف ان اهلك يرفضوني انتي عارفة انا مستوايا اقل من مستواكي اه مش فقير الحمد لله بس كمان مش غني زيكم و اكيد باباكي مش هيوافق يجوز بنته لراجل اقل منها.
نور بنفي
لا ياحبيبي بابا اكيد هيعرف ان سعادتي الحقيقية بوجودي معاك ومش هيرفض طبعا لانك راجل بجد والفلوس مش كل حاجة في الدنيا و متأكدة ان عمرك ما هتأذيني و هتحطني فعيونك...... صح
اومأ و امسك يدها مقبلا اياها بحب و تابع بترقب
بس لو مثلا اهلك رفضو علاقتنا هنعمل ايه
نظرت اليه وصمتت قليلا ثم تشدقت بجدية
وقتها هنتجوز ڠصب عنهم.
في سيارة جاسر.
كانت أسيل مستندة على كتفه وهي تردد
حبيبي احنا خلصنا امتحانات من زمان و حفلة التخرج قربت و عايزاك تحضر البارتي.
نظر اليها جاسر بابتسامة
طبعا هحضر ياقلبي بس قبل كده لازم تحضري حفلتي.
حفلة ايه
قالتها وهي تعتدل فأجابها جاسر وهو يعبث بخصلات شعرها
حفلة عيد ميلادي بعد يومين و عايزاكي تبقي معايا في اللحظة ديه.
أسيل بسعادة
طبعاااا انا هحضر يا جاسر انت عارف اني بحب الحفلات كتير و بمۏت عشان احضر واحدة منهم هههههه.
ضحك و همس لها
بحبك.
اغمضت عيناها تحاول اقناع نفسها
بأنه حبيبها وهمست هي ايضا
وانا كمان بحبك.... بحبك اوووي.
تنهد وهو يبتسم بمكر ويحدث نفسه
الحفلة ديه هتنهي الموضوع ده انا تعبت معاكي كتير وزهقت بس اوعدك ان بعد يومين انتي اللي هتبقي تلحقيني عشان اعبرك بدل ما انا اللي كنت بلحقك
الفصل العاشر الجزء الاول خبث !!
في غرفة الاستخبارات.
كان ليث جالسا مع بقية الضباط يتناقشون حول القضية حتى قال عبد الرحيم بجدية
احنا قربنا نوصل للرأس المدبر كل العمليات اللي عملناها كانت ناجحة و الفضل كله بيرجع ليك انت.
قالها مشيرا لليث فإبتسم قائلا
حضرة الضابط انا معملتش غير واجبي ولولا مساعدتكم بعد ربنا مكناش هنحقق الانجاز العظيم ده.
طارق بضحكة
يابني انت هكرت كل شبكات ومواقع المنظمة مسبتلهمش حاجة خالص.
ضحك الجميع بينما ردد زياد وهو ينظر اليه
مش جه الوقت عشان تبين هويتك الكل.... يا ليث.
ابتسم و اومأ برأسه ثم رفع يده لينزع الماسك الذي كان يغطي وجهه و العدسات ايضا لتظهر ملامحه الحقيقية اتسعت عيون الاخرين پصدمة وهم يحدقون به فضحك ليث و اردف
حقكم استغربو.... انا كنت مضطر اخفي وشي خوفا من الجواسيس اللي هنا ومكنش من مصلحتي ان حد يشوفني عشان كان ممكن يشوفني فمكان تاني و يعرفني و لان المهمة ديه كانت سرية اوي سيادة اللواء أمرني ب اني مقولش اسمي ل اي حد الا زياد لانه كان متعاون معانا من الاول.
خالد باستغراب
و ايه اللي خلاك تكشف هويتك دلوقتي
اجابه بغموض
مبقدرش اقولكم السبب بس اللي اقدر اقوله اني متأكد من اخلاصكم للشغل و ديه كانت مهمتي من الاول اني اعرف مين الجاسوس منكم.
عقد طارق حاجبيه بتساؤل
انت كنت شاكك فينا
نفى برأسه موضحا
مش ف حد معين بس من خلال المداهمات اللي كانت بتفشل و المعلومات اللي كانت بتتسرب عرفت ان في وسطينا.
و عرفت مين هو
هتف بها خالد فأجابه زياد هذه المرة
لأ لسه متعرفش بس هنعرفه قريبا.
عبد الرحيم بحيرة
انت مش قولت ف اول لقاء انك عرفت مين الجاسوس ليه اا....
قاطع كلامه صوت الباب وهو يفتح ليظهر جاسر الذي لف انظاره حولهم و عندما رأى ليث همهم باستغراب
مين الأخ
ليث بابتسامة حادة وهو يقف امامه
الذئب...... اقصد ليث الشافعي.
رفع حاجبيه ثم ابتسم بجانبيه قائلا
اااه يعني انت كنت متخبي ورا قناع مزيف و ورا اسم مزيف كمان برافو.
صمت قليلا يفكر لماذا يشعر بأنه رآه من قبل مرة او مرتين على الاقل ثم تابع
بس انت كده طالع احلى بكتير من الاول.
ضحك زياد وهو يقول
ايه ده انا مش مصدق ان جاسر بيقول كلام حلو كده لحد غير البنات انت متغير جدا اهه.
جاسر بمكر
مفيش حد مبيتغيرش كلنا بنتغير للاحسن او للاسوء بس بالحالتين مفيش حد بيفضل على طبيعته.
ساد الصمت قليلا في الغرفة ثم تابعوا التخطيط للمداهمة القادمة و من حين ل اخر ينظر جاسر لليث بحسابية فهو متأكد من رؤيته له من قبل لكن لا يدري اين.
قبل قليل.
تفاجأ فارس من كلامها فسألها بتعجب
انتي عارفة نفسك بتقولي ايه
اجابت متمتمة بشرود
ايوة انا مستعدة اكون معاك لو رفضو.... بص يا فارس انا طول حياتي كان وجودي زي عدمه فحياتي محستش بالاهتمام من اهلي بابا كان دايما مهتم بشغله و ماما مهتمة بالحفلات و هالة سيدات المجتمع اللي كانت مسيطرة عليها الاتنين معتقدين ان التربية و الاهتمام مرتبط بالفلوس يعني بدل ما يقعدو معايا زي اي ام و اب مع ولادهم كانو بيوفرولي كل حاجة ماديا فاكرين ان ده كفاية ليا.... بس عمرهم ما فهمو ان الحب مش بالفلوس الحب هو بالاهتمام بالمشاركة في الفرح و الحزن و انا للاسف معشتش اي حاجة منهم.
فارس بترقب
و اخوكي
ابتسمت نور بۏجع
جاسر كان عكسي تماما من صغره بيحوز على اهتمام و حب الجميع حتى مع اغلاطه الكتيرة ماما مكنتش بتعاقبه او تزعل منه خالص كان بتقول انا موجودة عشان اصلح اغلط مدامتي عايشة اعمل اللي انت عايزه.... ببساطة جاسر عاش اللي انا معشتوش.
طالعها قليلا وهو يشعر بالحزن اتجاهها ثم نفض ذلك الشعور و همس ب
انا هحاول اعوضك على الفراغ ده فحياتك يا نور و لو باباكي رفضني مش هستسلم هفضل مصر عليكي لحد ما يوافق ثم تابع بمزاح
وبعدين انتي ليه متوقعة الۏحش اتفاءلي ياستي شويا انتو البنات نكديين فعلا.
ضحكت نور من كلامه
البنت مش نكدية يا فارس بس مزاجها بيكون على حسب الشخص اللي هي عايشة معاه يعني لو كانت مع راجل بيحبها و مفرحها اكيد مش هتبقى نكدية يا فارس ولا ايه رايك.
فارس
اممم يعني الراجل بيتحكم فحياة البنت
نور بابتسامة
لا مفيش حد بيتحكم فحياة البنت غير نفسها بس الجانب العاطفي بيلعب دور في حياتها دور مهم انت اكيد فاهمني صح
كاد يتكلم لكن قاطعه رنين هاتفه و كان صديقه وليد فهتف ب
انا اسف بس لازم اروح دلوقتي عندي شغل مهم في الجريدة.
تنهدت نور متفهمة
ماشي لما تخلص شغلك رن عليا.
ودعها وذهب للشاطئ و هناك التقى بوليد الذي سأله بقلق
في ايه يا فارس انت ليه بعتلي رسالة ة قولتلي اني اتصل بيك بحجة الشغل في ايه
مسح على وجهه و صاح بانفعال
مش عارف !! انا مش عارف ولا فاهم حاجة يا وليد انا بقيت بحس اني بختنق كل ما اكون قاعد مع نور انا مش زي جاسر الو مبقدرش اكسر قلب بنت حبتني انا فرحان لان كل اللي بخططله بيتحقق بس تأنيب الضمير ده بيموتني بېخنقني لما اتخيل ان ممكن نور تكون مكان سهر او ربنا يعاقبني ب اختي أسيل !!!
وليد وهو يحاول تهدئته بعدما لاحظ انتباه الناس اليهما
طب اهدى شويا يا فارس علشان نعرف نتكلم.... بص انت مش زي اللي اسمه جاسر عشان كده ضميرك بيوجعك و اللي بتعمله ده اصلا غلط فغلط والدليل هو احساسك ان ممكن أسيل تتعرض لنفس الموقف مع ان ربنا مش بيعاقب حد على حساب التاني انا حاسي ان مشاعر مش مجرد تأنيب ضمير انا حاسس انك بدأت تحبها و يمكن اا....
قاطعه فارس بحدة
انا محبتش فحياتي غير سهر ومش هحب بنت غيرها ابدا و بعدين نور قالت انها مستعدة نتجوز بالسر و ده دليل على انها مش محترمة محترمتش اهلها ولا ثقتها فيهم فهي هتحترم علاقتنا ازاي.
وليد بضيق
ايه الكلام ده !! هو اه العلاقة بين البنت و الولد غلط فكل الاحوال بس ده ميعنيش انها قليلة احترام احيانا الحب بيخلينا نعمل حاجات غلط و نغض نظر عن كل حاجة و نبطل نفرق بين الصح و الغلط و ده ملوش علاقة بموضوعنا لان حيث كده سهر كمان مش محترمة لانها مشيت مع واحد
رفع فارس رأسه ورمقه بنظرات حادة مشټعلة هامسا
سهر شريفة الكلب جاسر خدعها بس هي ندمت
و....
قاطعه بابتسامة
ده اللي بحاول اشرحهولك.... فارس انت صاحبي وزي اخويا عشان كده بنصحك فوق قبل فوات الاوان ومتعملش حاجة ممكن ټندم عليها.
زفر بخنق وصمت قليلا ثم نفى برأسه مغمغما ب
انا مش هتراجع عن اللي بعمله.... ابدا.
في المساء.
دخلت أسيل مع سارة للمول وهي تردد
الفستان لازم يبقى حلو اوي يا سارة عشان الحفلة انا لازم اطلع احلى واحدة.
ابتسمت سارة بخفة
انتي حلوة من غير حاجة ياحبيبتي.
ههههه ميرسي ميرسي انا عارفة.
في نفس الوقت دخل ليث مع زياد للمول ليبتاعوا ملابس جديدة و قي اثناء اقتنائهم اختار زياد طقما انيقا و قال
ليث انا رايح اجربه و راجع مش هتأخر.
همهم ليث بنبرة جادة
ماشي لو اتأخرت انا همشي و اسيبك.
ضحك و ذهب لغرفة تبديل الملابس كان يمشي بسرعة و فجأة اصطدم في احدهم تراجع للخلف وهو يردد بسخط
انتي مش شايفة قدامك اا...
قطع كلامه عندما رأى سارة امامه و التي قالت پغضب
انا بعرف ان الناس بتمشي وهي باصة قدامها بس بحالتك رافع راسك لفوق و شايف نفسك و ماشي تخبط فخلق الله و فوق كل ده رجعت الغلط عليا انا !!
حمحم زياد بأسف
انا اسف ثم ابتسم غامزا
بقولك ايه انتي ليه مبقتيش تجي تزوري باباكي اقصد اللواء ليكي وحشة والله.
جزت على اسنانها بغيظ ثم رفعت اصبعها في وجهه بتحذير
اولا متعملش الحركة ديه تاني و تغمزلي ثانيا هو انت بتعرفني عشان اوحشك بص يا استاذ متتجاوزش حدودك معايا والا.....
والا ايه
تأفأفت و تحركت لتذهب لكنه قطع طريقها
على فكرة انا مش قصدي اضايقك بس صدقيني انا من اول مرة شوفتك فيها مغبتيش عن بالي لحظة كنت بحاول اوصلك بس معنديش الجرأة اني اسأل سيادة اللواء عليكي ولا عندي الجرأة اني ادور عليكي بنفسي مع اني ضابط مخابرات و بقدر اعرف مكانك
متابعة القراءة
