الاء ابو العز

بقدوم رسالة ما 
عمرو ايه الناس الرخمة دى هاتى الموبايل ده 
ملك هشوف بس المسج وخده 
عمرو مازحا تلاقيهم حد من صحابك بجد ناس رخمة الطيور على اشكالها تقع 
ملك ع فكرة دى سمية وبتقوللى لو فاضية كلمينى ها اكلمها ولا 
عمرو يحك رأسه جيتى ع الوتر الحساس كلميهها امرى لله 
ملك نفسى اعرف سر العلاقة بينك وبين سمية بجد انت عارف لو انا مش عارفة انكم اخوات كنت افتكرتك بتحبها بجد 
عمرو يا لهوى عليكى 
كلميها الاول بس وهحكيلك 
ملك بعند لا احكيلى الاول 
عمرو لا هتكلميها الاول عمرها مهتبعت مسج دلوقتى غير لما يكون فى حاجة كلميها اطمنى ووعد هحكيلك 
ملك حاضر قوم امشى لان ممكن يكون فيه اسرار هههه
عمرو اسرار كده مااااشى يا ملك لينا حساب ع العموم انا قايم اصللى العشا خدى راحتك
كانت سمية تتمشى بعيدا عن الحفل تنتظر مكالمة من اختها كانت تبدو منزعجة حائرة لا تدرى ترى ماذا سيحدث لها باكرا هل ستمر عملية والدها بسلام هل حياتها ستستمر هكذا ام هناك ما يجلى عنها تلك الغيمة لا تدرى كانت سمية غارقة فى تلك الافكار جائتها مكالمة ملك 
سمية السلاام عليكم ازيك يا ملك ن
ملك وعليكم السلامورحمة الله وبركاته انا تماااااااااااام كويسة جدا ازيك انتى يا سمسمة 
سمية الحمد لله مال صوتك 
ملك عندى شوية برد بس ايه جامدين اوى 
سمية تلاقيكى لابسة هدوم خفيفة كالعادة 
ملك ايوة 
سمية بنبرة حزينة مليئة بالشوق ملك 
ملك نعم يا سمية 
سمية وحشتينى اوى يا ملك 
ملك بقلق سمية انتى كويسة 
سمية بصوت ټخنقه العبرات امممم
ملك انتى فىن 
سمية فى فرح مى 
ملك يااااااااه نسيت خالص اعتذرلها ممكن تزعل
سمية لا متقلقيش انا هحل الوضوع ده المهم انتى كويسة 
ملك الحمد لله سمية مالك بجد 
سمية مفيش يا ملك بس حسيت ان انا محتاجة اسمع صوتك من حق هتنزلى الكلية ولا لا 
ملك براحتك يا سمية تقريبا مش هنزل الاسبوع ده 
سمية طيب والسكاشن 
ملك سكاشن يا بنتى احنا كتير جدا محدش بياخد باله مين حضر ومين محضرش
سمية براحتك بس متهمليش دراستك ده اخر ترم ليكى ربنا يعديه ع خير عمرو عامل ايه 
ملك عامل فيها دكتور كويس الحمد لله 
سمية مازحة مع اختها بس يا بت متقوليش كده على اخويا المهم سلميلى عليه وخللى بالك منه عمرو بجد مفيش زيه 
ملك الله يسلمك وهو كمان بيسلم عليكى انا عارفة واله يا سمسمة بجد ربنا يخليه ويا ستى هخللى بالى منه حاضر عقبالك كده لما اقولك خللى بالك 
سميو بسخرية هخللى بالى من دراستى حاضر
ملك انتى شربتى حاجة اصفرة 
سمية لا يا خفيفة المههم روحى انتى بأى معلش يا ملك ازعجتك بجد انا اسفة انا عارفة الوقت ممكن يكون متاخر وكده فانا اسفة بجد وقولى لعمرو معلش الغلاسة اخدت حقها معايا 
ملك انا بقول انتى شاربة حاجة بردو انتى بتقولى ايه يا بنتى انا اختك فى اى وقت هتلاقينى جنبك المهم انتى تكونى كويسة 
سمية الحمد لله متقلقيش المهم روحى بأى ربنا يسعدكم يارب 
ملك واياكى يا حبيبتى سلميلى ع اللى عندك مع السلامة 
عمرو مالك يا بنتى سرحانة كده ليه 
ملك سمية صوتها معججبنيش 
عمرو متقلقيش هى تلاقيها بس متدايقة من الجو اللى هناك مش اكتر
ملك لا معتقدش فى حاجة يا عمرو انا متاكدة 
عمرو طيب ان شاء الله كلها يومين وتشوفيها فى الجامعة وتطمنى عليها 
ملك ان شاء الله احكيلى بأى 
عمرو طب تعالى احكيلك جوه 
ملك هههههه لا انت هتدحك عليا قولهالى هنا 
عمرو طفلة والله طفلة بصى يا ستى سمية فعلا بعزها جدا زى اختى بالضبط يعنى بحسها كده دماغ لوحدها كنا زمان واحنا صغيرين كنا بنلعب عندكم فى الجنينة كانت لسة فى الحضانة وانتى كان عندك سنة المهم كنا فى الجنينة وآسر ابن عمك كان اكبر منناطبعا وبعدين كان فى عصفور تقريبا حد اصطاده فوقع عند السور سمية شافته فضلت تجرى ناحيته وهى مخضۏضة انا افتكرت فى حاجة جريت وراها وكان آسر معايا لقيتها قاعدة عند السور وبتعيط وماسكة العصفورة دى قلتلها ايه يا سمية بتعيطى ليه 
سمية حد ضړب العصفور وقعها وعمال ينزل ډم تلاقيه ماټ انا فضلت اجرى عشان انقذها لكن هى ماټت
آسر انتى عشان كده بتعيطى 
عمرو معلش يا سمسمة متعيطيش تعالى ندخل نتغدى 
سمية لا مش داخلة انت عايزنى ادخل اكل واسيب العصفورة دى انت عارف يا عمرو تلاقيها كانت عمالة تدور على مامتها هى لسة صغيرة اوى واكيد مكنتش عارفة ان حد هيموتها 
آسر اكل ايه ومامة ايه 
عمرو استنى بس يا آسر طيب هى ماټت هنعمل ايه دلوقتى 
سمية مازالت تبكى معرفش انا هستنى هنا لحد ما مامتها تيجى تاخدها هى هتحس انها هنا وهتيجى 
آسر لااااا انتى مچنونة بجد انا داخل يا عمرو 
عمرو كده احسن طيب سيبيها هنا لحد مامتها تيجيلها 
سمية لا مامتها لما تييجى لازم تشوفنى جنبها عشان تعرف انها ممتتش لوحدها وان كان فى حد عايزها تعيش وكان عمال يطبطب عليها لما كانت بتقول أى 
عمرو طيب بطلى عياط 
سمية عمرو هو احنا ممكن حد يصطادنا كده 
عمرو

ليه بتسالى السؤال ده 
سمية معرفش بس زى ما احنا بڼموت حاجات اكيد فى حاجات هتموتنا كده 
عمرو مين اللى قالك كده 
سمية ماما كانت قالتلى متعمليش حاجة وحشة فى حد عشان متلاقيش حد يعمل فيكى نفس الحاجة عشان كده ممكن حد يموتنا 
عمرو بس ربنا هو اللى بيبعت ملك المۏت عشان ياخد روحنا وده ربنا هو اللى بيحدده بس 
سمية طيب وبنحس بالۏجع ده اللى حسته العصفورة 
عمرو حك رأسه معرفش بصى تعالى ندخل لان الجو بدأ يمطر وهاتى العصفورة دى انا هوديها مكان لمامتها 
سمية بجد انت طيب اوى يا عمرو انت اخ جميل خالص ا
عمرو يا سلام وانتى اطيب بكتيرر يا سمية يلا بأى يا اختى الطيوبة ندخل 
سمية انت عارف يا عمرو انا هفضل اقولك كل حاجة انت بتساعدنى وانت كمان اعمل زيي 
عمرو ماشى يا ستى يلا بأى 
عمرو ومن يومها حسيت ان سمية دى غريبة جدا كنت كل يوم بكتشف انها حساسة اكتر وانها طيبة بجد برائتها مشفتش زيها ومتغيرتش حتى لما كبرنا سمية اختك محتاجة معاملة خاصة بجد هى متعرفش تتعامل بوشين ليها وش واحد تصدق اى حد كده بسهولة اختك عايشة فى عالم غير العالم عشان كده بقولك مفيش زيها وعندها كده مبادئ انتوا بتقولوا عليها جد وبتاع وملهاش فى الرومانسية والكلام ده بس هى عكس كده تماما وهى حالمة 
ملك يااااااه انا مكنتش فاكرة انها كده اى نعم طيبة وقلبها ابيض لكن مش للدرجة اللى انت بتحكيهالى بس كويس انها اختك لانى كنت هجهز نفسى لچرح
عمرو يا بنتى شخصية سمية معرفش اتعامل معاها كزوجة ابدا وعمرى مفكرت فيها غير كاخت صغيرة ممكن بأى ندخل ننام 
ملك ههههه ممكن
كان هناك شخص ما يستمع لها كان يستمع لصوتتها للمرة الاولى كان صوتا رقيقا كالناى عندما يملأ قلبك بالحزن كانت تتكلم بهمس لم يفهم من كلامها شيئا سوى انها تتصل بشخص ما يسمى ملك وتسال عن آخر يسمى عمرا اذن لها صوت ليست خرساء لكنها لم ترد عليه عندما رمى لها حجرا خفيفا ترى هل سترد عليه عندما ياتى بقذيفة هاون لكنها !لكنها اختفت مرة اخرى مر عرس مى بسلام على الجميع عائلة خليل ذهبت لبيتها ومأواها وذهبت عائلة أحمد الى منزلهم وبلدتهم 
أحمد يااه اجازة نص السنة دى عدت هوا 
سميو للاسف يا بابا 
مها اه والله بس كانت اجمل اجازة كلها افراح كده عقبالك يا سمسمة بس الاجازة الجاية 
سمية بوجه تكسوه حمرة الخجل طيب انا استاذن عايزة انام عن اذنكم 
أحمد تصبحى على خير يا سمسمة واعملى حسابك هنروح القاهرة بكرة فجهزى حاجتك 
سمية حاضريا بابا على كا ان شاء الله 
أحمد على 10 كده 11 ان شاء الله 
سمية حاضر عن اذنكم 
أحمد وانت يا مالك اطلع انت ورهف يلا ناموا الوقت اتاخر
مالك حاضر يلا يا رورو 
مها انت بتتكلم بجد انت مسافر بكرة 
أحمد ايوة وتعالى نطلع عشان فى موضوع مهم عايزك فيه
صعدت مها برفقة زوجها لاعلى دخلا الحجرة وكان هذا حديثهما 
أحمد كلمتى سها تيجى تقعد مع الاولاد
مها ايوة كلمتها وقلتلها انا رايحين عمرة لان موضوع الشغل ده مكنتش هتصدقه واحتمال ملك وعمرو ييجوا كمان
أحمد طيب ليه ملك وعمرو ييجوا دول لسة عرسانقولى لسها تخليهم براحتهم
مها حاضر يا حبيبى هوو ده الموضوع المهم 
أحمد لا محمود طلب ايد سمية وانا رفضت بس قولتله هسال البيت 
مها والله احسن هو انا هرمى بنتى الرمية دى 
أحمد هو انا محمود اخويا رمية 
مها بسرعة لا والله مقصدش انا اقصد ميرفت 
أحمد انا قلتله هاخد رأيكم الاول بما انتى رافضة هسال سمية وهشوف رايها ده حقها بردو ويارب توافق
مها انا مش عارفو تطمن عليها فى ايه مية مرة اقولك مش بالجواز يا احمد احنا ربيناها بما يرضى الله وعلى سنة الله ورسوله يا حبيبى الله خير حافظا وهو ارحم الراحمين يعنى انا اللى هقولك 
أحمد وجود الراجل جنب الست يا حبيبتى بيفرق وخصوصا فى حالة سمية بنتك دى وان جيتى للحق آسر راجل وراكز كده فيه كذا حاجة سمية تقدر تظبطهم ومحمود هيحطها فى عينه 
مها يووووووووه بأى يا احمد هى هتتجوز محمود ولا ابنه هو وميرفت بص نتكلم فى الموضوع ده بعدين 
أحمد طيب يلا بس ننام وربنا يسهل
كان الحوار لا يختلف كثيرا عن حوار آخر لكنه كان بين الوالد والابن كان محمود بداخل حجرة المكتب 
محمود انت شوفت ولاد أحمد 
آسر ايوة شوفت مالك وكان معاه بنتين 
محمود اكيد شوفت سمية 
آسر لا كان معاه اخته الصغيرة وبنت عمو خليل المهم انا مسافربعد اسبوع ان شاء الله وكنت عايز افاتح حضرتك فى موضوع كده 
محمود تصدق وانا كمان بس خير 
آسر هو موضوع حواز 
محمود متعجبا بجد 
آسر ايوة بجد يا بابا انا كبرت خلاص 
محمود انت عارف كنت عايزك فى نفس الموضوع انا نقيتلك العروسة ومستنى الرد 
آسر متعجبا نعم عروسة ايه ورد ايه ا
محمود ايوة سمية بنت عمك دكتورة ومثقفة ومحترمة 
آسر بعصبية شديدة سمية مين دى ان شاء الله لا طبعا مش هى 
محمود انا خلاص طلبتها ومستنى رد أحمد
آسر لااااااااا لا يمكن انا مش طفل يا بابا ولا عيل صغير عشان حضرتك تعمل حاجة زى دى من غير ما تاخد رايى
انا لا يمكن هوافق حتى هما لو وافقوا زمبقاش فاضل غيرها كمان ده انا معرفهاش ولا عمرى شوفتها انا مش موافق ولما ييجى عمو احمد انا اللى هقوله 
محمود ايااااك تعملها يا افندى انا قولت هتتجوز سمية يعنى هتتجوزها 
آسر بعند شديد انا مش هتجوز غير ميرنا سمية دى لا 
محمود بعصبية