اسكريبت بقلم نيرة السيد

انت ماتتكلمش معايا اصلا 
حاضر هاخد بالي في الكلام معاك بس اني ماتكلمش معاك خالص لأ في دي ما اوعدكيش
حد قالك انك بجح 
لأ يوسف وانت
ده انت جاي تشقط 
عيبك إنك لامحة
طب حتى خلي عندك دمك واكدب عليا
واكدب ليه ما دي الحقيقة 
رديت بذهول تام
الحقيقة إنك جاي تشقطني!!
ابتسم وخرج ايده من جيبه وهو بيقول بعبث وضحكة خبيثة
تؤ تؤ مش بتتقال كده 
حطيت ايديا على وسطي ورديت بسخرية
امال بتتقال إزاي 
إني جاي اتجوزك اصل انا ما قولتلكيش ما هو انا عريس الغفلة اللي انت لطعاه بره بقالك ساعتين وانت هنا بتدوري على حاجة في علم الغيب 
المرة دي انا اللي اتجمدت مكاني وعقلي بيحاول يترجم جملته بس للاسف ما اسعفنيش بأي رد وفضلت ساكتة
انت ساكتة ليه ما تقولي اي حاجة ما انت كنت بلسانين من شوية ما هو ما تقنعنيش انك فقدتي النطق من الفرحة عشان دي مش ريأكشنات واحدة فرحانة دي ريأكشنات واحدة بتتشل 
ماقتدرش امنع نفسي وما اضحكش على جملته لدرجة ان صوت ضحكتي كان عالي وماخدتش بالي غير على صوته وهو بيقول
ضحكتك جميلة ما شاء الله بس جوا البيت انما برى البيت تكتفي ببتسامة و ضحكة الرقاصة دي تنسيها 
لا والله 
انا راجل غيور بغير على اهل بيتي 
اهل بيتك مين لمؤخذة ده انت ناقص تقولي قبل ما اخرج من البيت اخد أذنك 
لأ ده شيء مفروغ منه 
ده عند الست الوالدة الكلام ده
على فكرة عيب تغلطي في حماتك
لأ ماهو انت ماتعرفش ده انا عندي استعداد اغلط فيك انت شخصيا لو ما اختفتش من قدامي دلوقتي 
رد فعلي كان عدواني كتير هيشوفني قليلة الذوق ومش متربية بس ده عشان شايفين الحكاية من ناحية واحدة شايفين الظاهر بس شايفين رد فعلي الاوفر على كلامه بس اللي مش شايفينه ان رد فعلي ده مش رد فعل لكلامه ده رد فعل لفعل تاني فعل حصل زمان يوم مۏت بابا يومها لأول مرة حسيت بالخۏف وعرفت شعوره الأمان بالنسبة لي كان بابا وبابا ما بقاش موجود قلبي اتعلق بيه وكان طاير لفوق بجناحات بس مرة واحدة الجناحات دي اختفت وقلبي وقع واتفتت لمېت حتة واللي اتبقى منه أشلاء
استنيه يمشي بعد كلامي او حتى يتعصب وصوته يعلي وابقا اخيرا لقيت حجة ارفض بيها العريس الجديد ويبقا اسم جديد يحط ضمن قايمة العرسان المرفوضة يوسف 
ده اللي عقلي فكر فيه بس قلبي كان مستني يحصل عكس كده بس الغريب ان فعلا ده اللي حصل كأنه سمع صوت قلبي او يمكن هو سامعه فعلا من صوت ضربات قلبي العالية 
رد بنبرة هادية ونفس الابتسامة الأولى اللي شفتها على وشه وهو بيعرض عليا يساعد وقال
محاولة جميلة منك بس محاولة فاشلة عيونك ڤضحاك  
حسيت لوهلة انه كشف حيلتي رغم جملته المبهمة ورديت بتلعثم
تقصد اي
مال بجسمه على سور البلكونة من ناحيتي وسند بأيديه وكمل بنفس نبرة الصوت
الخۏف مطلوب بس الزيادة منه مش هيخلينا نعرف نعيش زي ما في خوف في أمان بس احنا اللي مش بندور عليه بلاش يا قمر لما الفرصة تيجي لحد عندك عشان تطمني ترفضيها انت بحجة انك خاېفة تطمني ليجي يوم والخۏف يرجع يسكن قلبك من تاني 
فلسفة وانا مش بحب الفلسفة وانت كده بتضيع وقتك معايا وواحد زيك اكيد مشغول بحاجات تانية 
ده الرد اللي لقيته مناسب ما انا اكيد مش هقوله انت صح مش هقوله اني خاېفة من اول دقيقة بعد مۏت بابا بس الخۏف ده اقل من بعد الثانية اللي عيونا اتلاقت فيها اكيد مش هقوله إني خاېفة احس بالأمان وبعدين الامان ده يتبخر مش هقوله انه الوحيد اللي حبيت قعدته ومادخلتش ورزعت باب البلكونة ورايا مش هقوله اني مش عايزاه يمشي ومايسمعش كلامي مش هقوله حاجات كتيرة جوايا اتخلبطت وماحدش هيعرف يرتبها غيره هو 
انا ماشي 
جملة قالها وكان نفسي ارد عليه واقوله
استنى ما تمشيش
بس فضلت ساكتة منطقتش 
بعدها حط ايده في جيبه وخرج السلسلة ورفعها قدامي
لما اتأخرتي علينا ليلى صاحبتك قالت انك هنا بتدوري عليها استأذنت من عمك اني اجيلك وعشان ماينفعش ادخل اوضتك ونبقا فيها لوحدنا جيت لك من بلكونة بيتنا إحنا 
فضلت باصة لسلسلة بحزن وشغفي ليها راح وهو لاحظ حزني ده بس ابتسم وقال بهزار
لأ ما هو مش هفضل مشعلق ايدي في الهوا كده كتير لو مش عايزة السلسلة قولي 
خدت السلسلة من ايده ودخلت اوضتي بهدوء غريب بس اتفاجأت ب ليلى قاعدة على السرير مستنية واللي عرفت منها انه هو اللي طلب منها تستنى في الآوضة عشان مش عايز نكون انا وهو لوحدنا فرحت انه عمل كده واحترامي ليه ذاد 
كويس انك لقيتي السلسلة هاتي البسهالك 
كانت بتحاول تفتح معايا كلام عشان تشيل الحرج بينا بس سبتها وقعدت على السرير بفتور
هتصدقيني يا ليلى لو قلت لك انا خلاص مابقتش عايزة البسها
ابتسمت هصدقك
ضميت حواجبي باستغراب من ردها وابتسامتها لأنها اكتر واحدة عارفة تعلقي وحبي لسلسلة دي واصل لحد فين 
ما تستغربيش يا قمر بعد عشرة العمر دي كلها مش صعب عليا اكون فهماك وفاهمة احساسك حتى لو انت توهتي عنه 
واي بقا احساسي ده اللي انا تايهة عنه ياست العبقرية
قعدت جمبي على السرير وخدت من ايدي السلسلة ولبستها وانا مش فاهمة هي عايزة توصل لايه
فاكرة يا قمر يوم ما طلبت منك تخلعي السلسلة اجربها عشان عجبتني كان ردك عليا اي ساعتها
اول مرة اعرف ان قلبك اسود يابت يا ليلى وبعدين احنا في اي ولا في اي
ردي عليا بس كان ردك اي ساعتها 
رفضت طبعا وقلتلك ماقدرش اخلعها من رقبتي دي هي دي الأمان بالنسبة لي بعد بابا
طب ودلوقت  
اتنهدت بحزن وانا برد
بقيت شيفاها سلسلة عادية 
وده مالفتش نظرك لحاجة
ليلى بالله انا دماغي ھتنفجر من الصداع مش وقت فوازير نيلي وشريهان بتاعتك دي
خبطتني بأيدها في دماغي بهزار وقالت
عشان ياقمر كنت محتاجة تحسي بالامان محتاجة تطمني وكنت بتدوري على الأمان ده في السلسلة اللي سبهالك عمي بس ياقمر الأمان عمره ما بيتجسد في جماد وامانك كان في عمي مش السلسلة عشان
كده عمرك ما اطمنتي وفضلتي خاېفة من فكرة ان السلسلة تضيع عشان فاكرة ان هي اللي بتطمنك 
طب ليه دلوقت بقيت شيفاها سلسلة عادية
عشان لقيتي امانك يا قمر لقيتي يوسف يوسف هو امانك والسلسلة مجرد سلسلة 
حسيت بمشاعر كتير جوايا وحسيت بردو اني تايهة رغم ليلى اللي بتحاول توريني الطريق وتدلني عليه بس انا لازلت خاېفة اخد اول خطوة فيه فضلت اني افضل مكاني ساكنة ماحولتش ادور على الأمان
زي ما يوسف قال وكأني حبيت الاستسلام في كل مرة 
وبعدين يا قمر 
بعدين اي مش فاهمة
هتفضلي ترفضي في العرسان لحد امته حتى يوسف كمان هترفضيه
اشمعنا يعني يوسف اللي عملتليه استثنى ما انت طول عمرك معايا ومعارضتنيش اشمعنا المرة دي
لأ السؤال مش كده اشمعنا هو
ماشي ياختي اشمعنا هو
عشان كل مرة قولتي فيها على