اسكريبت بقلم نيرة السيد

اقعد معاك من البداية مارفضك وخلاص وبردو من غير اسباب 
مش عارف يمكن طمعانة في حتة الجاتوه 
اسمع يا 
يوسف عندي 26 سنة خريج آداب انجليزي بس مش بشتغل بشهادتي وعندي تلت مطاعم بديرهم بنفسي و 
مش مهم 
وليه قلة الذوق 
انا قليلة الذوق
بس زي القمر 
انا ماسمحلكش تتكلم معايا بالطريقة دي 
تسمحي ولا ماتسمحيش انا قاعدلك 
هو بالعافية 
بالحب 
حب اي اللي جاي تتكلم عليه 
انا كمان بحبها زيك
هي مين دي 
ام كلثوم اطمني انا مذاكر كويس 
انت داخل امتحان 
لأ داخل حياتك
وانا ايه يخليني اوافق انك تكون جزء منها 
فرصة مش طالب غير فرصة تعرفيني فيها من قريب زي ما انا عارفك وعارف تفاصيلك 
وانت تعرف عني اي 
اعرف كتير اعرف مثلا انك بتحبي الورد المجفف عن الطبيعي ولونك المفضل البينك عشان بيخلي بشرتك افتح وپتكرهي القهوة والشاي ومابتقبليش حد يغلط في عصير القصب اخر يوم في امتحاناتك احسن عندك من يوم فرحك 
معلومات عادية ممكن اي حد يجيبها من على الفيس او تويتر 
بس ماحدش غيري يعرف انك بتظبطي المنهبة عشر مرات رغم انك بتصحي من اول رنة بس مش بتتحركي من على السرير غير بعد الرنة العاشرة 
اعرف كمان ان اختيارك للمعلقة اللي هتاكلي بيها اهم عندك من الاكل اللي هتاكليه
وانك عمرك ما استخدمتي القصافة عشان تقصي ضوافرك لانك دايما بتقرقضيهم ومع ذلك بتجيبلهم سيرم للتطويل وعندك عين رموشها اطول من رموش العين التانية ودي حاجة مضايقاك
ومابتحبيش حد يقولك براحتك وانت متعصبة لانك بتسمعيها شتيمة وتتعصبي زيادة واخر الليل عقلك بيطرح عليك أسئلة العلم عجز عن اجابتها زي البيضة الاول ولا الكتكوت
و بترفضي العرسان عشان ماحدش فيهم عرف يفهمك ويطمن الهواجس اللي بتدور في دماغك من ناحية الجواز واعرف كمان ان لما بتتوتري بتلفي نهاية الطرحة على صباعك فعتقادك إنك كده هتهدي زي ما بتعملي دلوقت 
كنت بسمع وانا كل ذرة جوايا مذهولة ومستغربة
من كلامه ده كأني كتاب مفتوح قدامه
وهو خلص كل ورقه قراية ولخصه في الكام سطر دولحسيت بلخبطة وتوهة
مش عارفة افرح عشان في حد
حافظني بالشكل ده ولا كالعادة اخاڤ يكون فخ
و اقع فيه والنهاية مش هتكون 
مرضية بالنسبة لي 
بس كان لازم اسأل 
انت عرفت الحاجات دي منين! 
مش قلتلك مذاكر كويس 
رد والابتسامة مش مافارقة وشه
وشه وملامحه الهادية اللي لما ركزت فيهم
حسيت ب مش عارفة حسيت بأيه
بس كل اللي اعرفه اني حابة اكمل القعدة دي ماعرفش ده سحر ولا غباوة مؤقتة بس كان عندي احساس إني مش عايزة اللحظة دي تخلص 
انت اكيد مخاوي او راكبك جن 
انا شاري 
شاري
انا مش بس شاريانا كمان غاوي 
اكيد غاوي تعب لانك لو فاكر بعد كل الكلام ده هتبهرني وتخليني اوافق عليك يبقا ضيعت وقتك 
كڈب دي الكلمة اللي سمعتها جوايا بعد ما قلت الجملة دي وكأن الحقيقة واقفة قدامي
وبتقول في وشي
انت وقعت
حتى هو عارف اني بكذب اصل
دي مش نظرة حد مصدق
دي نظرة نظرة حد بيحب 
وانا مش عايز ابهرك انا
عايز حاجة تانية 
ختم جملته بغمزة منه
مش عارفة دماغي راحت لبعيد ولا هو فيه قلة ادب في الموضوع 
شوفت نيتك سودة ازاي انا كنت عايز اقولك انك نسيت تحطي سكر في الشاي 
ابتسمت عشان ماحطتش السكر فعلا 
بس مش عشان نسيت
لأ عشان كسلت لأني عارفة اني مافيش عريس بيقعد معايا بيكمل دقيقتين على بعض وبكون رفضاه
ماعملتش حسابي ان الكلام هياخدني معاه
ونفضل نتكلم ساعة!!
فقت من افكاري وقلت بهدوء
بس انت ماتعرفش عني كل حاجة 
احب اعرفها بس المرة دي تكون منك وانت خطيبتي ودبلتي مزينة صباعك 
يمكن الحاجات دي ماتعجبكش انا كلي عيوب 
ومين قال اني بدور على حد مثالي عشان اتجوزه ومين عارف مش يمكن عيوبك دي تتطلع مميزات بالنسبة لي 
وليه تدخل علاقة هترهقك من البداية وتبذل فيها مجهود لمجرد انك تفهمني وتفهم دماغي الصعبة عشان اي
هرد عليك ببيت شعر لعنترة إبن شداد كنت كل ما أيأس واحس اني هخسرك مع كل عريس بيتقدملك وأقرأه مش بس بيكون عندي طاقة اخلص شغل اسبوع في يومين لأ ده عندي طاقة اقف بيها في وش اي حد يمنعني انك تكوني من نصيبي 
واي هو البيت ده
لأقاتلن عن التي أحببتها
حتى أراها في رحابي تنعم 
اوعي تمشي من غير ما تسيب اثر وكمان يهمني اعرف رأيك 
گ
سميه عبدالسلام 
الثاني
بتدوري على اي
السلسلة بتاعتي كانت معايا هنا مش عارفة راحت فين ولازم اطلع عشان عريس الغفلة انت مين!
كنت بدور عليها في البلكونة لحد ما سمعت صوته ورديت وانا مش منتبهة ولا واخدة بالي بس لحظة واستوعبت وجوده في البلكونة اللي جمبي بصيت له وانا مستنية رده وڠصب عني ركزت مع ملامح وشه الغريبة عليا بس كانت مريحة كأنها مغناطيس او طاقة سحرية بتجذبك ليها بس الطاقة دي خلصت لما شفت ابتسامته على وشه وكشرت انا وبعدها نطق
بشمهندس يوسف حسن جارك الجديد وساكن في الشقة اللي قصادكم و 
لأ احنا مش هنتعرف انا اقصد انت بتتكلم بتاع اي
عايز اساعد
لأ شكرا 
بعدها فضلت ادور على السلسلة في كل ركن في البلكونة وانا عندي امل اني هلاقيها إزاي بس تضيع مني ودي اخر حاجة بابا حبيبي سبهالي قبل ما يمشي ازاي اسيبها تضيع وافرط فيها 
معقولة يكون ده اخر نصيب ليها معايا هتمشي وتختفي هي كمان زي ما سبق وصاحبها سابني ومشي هتوجع قلبي تاني زي ما قلبي اتكسر يوم مۏت بابا بس يا ترى الۏجع المرة دي عشان السلسلة ولا عشان صاحب السلسلة مابقاش موجود عشان خلاص مافيش بابا يقولي
فداك العالم كله مش بس السلسلة يا قمر
على فكرة انا لسه موجود 
رديت بعصبية
ايوة مستني اي
ابتسم ولا فارقله عصبيتي ونبرة صوتي اللي عليت شوية
مستنيك 
افندم!! 
عصبيتك دي وحشة ونيتك دي اوحش انا اقصد يا محترمة اني مستنيك تخلصي لف في البلكونة وتقوليلي بتدوري على اي يمكن اعرف اساعدك 
بدون مقدمات او تردد رديت مرة واحدة وانا برمي كلامي في وشه وماعرفش خرج مني إزاي وانا بقوله بصوت مخڼوق من كتمي للعياط وعيون بتلمع ودموع بتهدد انها تنزل
تعرف ترجع حد من المۏت
حسيته اتجمد من كلامي وسكت يستوعب السؤال عشان يلاقي رد
لأ ماعرفش بس بعرف اعمل حاجات تانية 
بصتله بأستنكار وسألته
بتعرف تعمل اي
بعرف اعمل شاي 
لحظة ذهول بعدها ضحكت على جملته وهو كمل
خلي الحزن لأصحابه 
ولو انا أصحابه هتقول اي
هقولك مستحيل تكوني أصحابه عشان ملامحك الجميلة دي لا يمكن يليق عليها الحزن 
ملامحي كلها استغراب بس مش منه مني انا عشان واقفة مع حد غريب اول مرة اشوفه ويسمعني كلام غزل من غير ماهزقه ولا انزل على خده الحلو ده بقلم ينزل يطرقع على وشه 
انا طبعا مش قصدي اعاكس عشان لو ناوية ټضربي
ولا حاجة 
عرفت ازاي اني ناوية اعمل كده فعلا
من الكف الخماسي اللي بتجهزيه 
طب خد بالك في الكلام معايا بعد كده ولا عنك ماخدت