اختبار الحمل
دفعوا فلوس في العزاء والحاجات دي ولازم ياخدوها
الام
بنتي ايوه طبعا حقهم الدولاب جوه في فلوس خدي الفلوس اللي انتي عايزاها وسديها ابوك سايب كل حاجه فيه 30 الف جنيه جوه
وبعدها دخلت وخرجت
اسماء
الدولاب فاضي مش فيه حاجه الفلوس راحت
فين
الام ازاي الكلام ده مافيش حد بيدخل
الشقه هنا خالص هتكون
الفلوس راحت فين بس وبعدها جه يحيي
يحيي
ايوه انا اللي اخذتها حد عنده قطرات في حاجه فلوسي واخذتها
اسماء
منين ان شاء الله المفروض الفلوس دي تبقى ورث وامك ليها فيها وانا كمان ليا فيها
يحيي
ليه يا حبيبتي بقى ان شاء الله هو انتي محتاجه فلوس ولا محتاجه فلوس علشان خاطر تقولي كده
اسماء
رد يا ماما انت رايك ايه في الكلام ده انا هروح الاسم وهبلغ عنك واخليهم يعملوا لك
تحليل ويسجنونك
الام
خلاص يقطع لسانك اتقطعت رجلك قبل ما تفكري تعملي في اخوك كده
اسماء
يعني انتي راضيه عن اللي حصل ده ازاي يعني يا ماما ياخد الفلوس دي من ورانا
الام
بقولك ايه امشي انتي اتكلي على الله دلوقتي
وبعدها مشيت وعدا كام يوم
وكان يحيي في اوضه ماما وفي الوقت ده ماما دخلت وقالت ليه
الام
هو انت بتعمل ايه يا حبيبي بتدور على ايه بس وانا اجيبه ليك
يحيي
الختم بتاعتك وكويس انك جيتي
تعالي امضي علي بيع الشقه دي
الام
اي الكلام ده ازاي يعني هو انت مش عارف
ان اختك ليها نصيب اي الشقه
يحيي
بقولك اي اختي دي كلها فلوس مينفعش اللي
بتقولي ده وبعدين امضي وانتي ساكته
لاحسن والله ما تعرفي هعمل فيكي اي
وبعدها مضيت وعدا شهر وكان جايب واحد
يحيي
تعالي اتفرج علي الشقه باذن الله تعجبك
الام
مين ده وبتعمل اي
يحيي
اي عايز فلوس ومحتاج ام ابيع الشقه
عندك اعتراض
الام
حرام عليك وانا اي اقعد في الشارع ولا
اعمل اي لا طبعا مافيش شقق هتتباع
يحيي
يبقي خلاص تجيبي فلوس من بنتك
واياك تعرف انك كتبتي ليا الشقه
الام
حرام عليك مش كفايه اللي هي
فيه عايز كمان ناخد منها
يحيي
بقولك اي يا وليه بطلي صداع بقي
الام
حاضر حاضر اللي انت عايزة
وبعدها فعلا بدأت كل شويه تطلب مني
فلوس لحد ما زهقت
باااااك
وفي مدخل البيت دخلت ساره ولقيت نيره وافقه
ساره
اي ده مالك يا بنتي وافقه كده ليه
وبعدين ايه اللي انتي عامله ده هدومك
مبهدله ليه ده
نيره
بحاول اظبط هدومي معرفش بس اللي فكه
الخمار ما تيجي تطلعي اقعدي معايا
الحلقه الاخيره
بقلم هويدا زغلول
ساره
لا انا هطلع عشان لو اتأخرت على ماما هتزعق لي يلا اطلعي انتي كمان عشان متتأخريش
ميرا
ااه طيب يا سارة بس هو انتي ليه مش محجبة زي كده هو لسه صغيرة يابنتي المفروض تلبسي الحجاب
سارة
بقولك ايه يا ميرا خليكي في حالك ياحبيبتي انا حرة البس الحجاب اقلعه دي حاجة ترجعي انا ماشي
ميرا
والله ليها حق طنط اسماء تشتكي لماما منك وتقولها انك مش عايزة تسمعي كلامها
سارة
اسمع كلامها في ايه يعني وبعدين هي ماما كانت عند مامتك امتى
ميرا
قبل ما اخرج اروح الدرس كانت قاعده معاها وقالت لها انها بتتحايل عليكي عشان تلبسي الحجاب وانتي مش راضية بقولك ايه عن اذنك لحسن انا محافظة على مواعيدي اوي مع مامتي
وطلعت سارة وهي متغاظة من كلام بنت عمها ودخلت تقولي
هو انتي ياماما صحيح اشتكيتي لمرات عمي مني اني مش عايزة البس الحجاب هو انا مش اتفقت معاكي أن الحجاب ده حرية شخصية وانا لما اكون مقتنعه بيه هلبسه
اسماء
اسمعي ياسارة انا لا اشتكيت ولا حاجة انا بس لما شوفت البنت ميرا لبسه الخمار وشكلها حلو اتمنيت انك تبقى زيها وتلبسي الحجاب زيها
سارة
ياماما ياحبيبتي لعلمك بقا انا بشوف ان ميرا دي بتلبس الحجاب ڠصب عنها وهو ده اللي انا مش عايزة عشان خاطري ياماما سبيني على راحتي
اسماء
ماشي لما اشوف اخرتها معاكي وقولي لي بقا كنتي فين دلوقتي اوعي تكوني عملتي عكس اللي انا قولت لك عليه
سارة
والله ابدا ياماما انا حتى ماشوفتش غير سعاد وبس وقعد معاها شوية ورجعت بالله عليكي ياحبيبتي خلي عندك ثقه فيا شوية ماشي
اسماء
ماشي يا سارة لما اشوف اخرتها معاكي ايه
وفي شقة ميرا كانت في اوضتها بتتكلم في التليفون وقالت
ايوه يا شريف انا مشيت بسرعة عشان متاخرش على مامتي انت عارف انا لو كنت اتاخرت دي كانت ممكن تعمل فيا ايه
شريف
لا لا ياميرا الصراحة انا زعلان اوي لانك مشيتي بسرعه انا حتى ملحقتش اقعد معاكي كتير انتي كنتي مستعجلة اوي
ميرا
يا شريف الفيلا مشوارها بعيد وانا كان لازم امشي بسرعه عشان الحق ارجع البيت قبل ماما متلاحظ اني اتأخرت
شريف
خلاص اعملي حسابك المره الجايه انتي مش هتمشي غير بمزاجي انا وتيجي بدري شوية
ميرا
طيب ياحبيبي ان شاء الله مش هتأخر عليك المره الجايه
شريف
وياريت تيجي لوحدك بلاش تجيبي صاحبتك اللي اسمها سعاد دي معاكي اصل بحس انها كاتمة على نفسنا انا وانتي
ميرا
ههههه حاضر ياشريف المره الجايه هاجي لوحدي
ودخلت عليها امها في اللحظة دي وميرا كملت كلام وقالت
اااا طيب ياسعاد خلاص بقا يابنتي قولت لك المره الجايه مش هتأخر عليكي يلا سلام ياقلبي
شيماء
هو انتي مش كنتي مع سعاد دي من شوية ايه لحقتي توحشيها ولا ايه
ميرا
أصلها بتأكد عليا ميعاد الدرس اللي جاي واني متاخرش يعني وكده ما انتي سمعاني وانا بقول لها مش هتأخر
شيماء
طيب اسمعي البت اللي اسمها سارة بنت عمك ملكيش دعوة بيها خالص انتي سامعه ولا تقعدي معاها ولا تتكلمي معاها
ميرا
ليه ياماما هي عملت ايه يعني دي حتى سارة كويسة خالص وانا عارفاها
شيماء
اللي بقولك عليه تسمعية دي بت سايبة ومش بتسمع كلام امها ومش محجبة كمان
ميرا
حاضر ياماما اي حاجة تقوليها انا هنفذها علطول انتي عارفه اني عمري مابقدر اكسر لك كلمة ياحبيبتي
شيماء
شاطرة ياميرا ايوه كده ياحبيبتي انا كده فخورة بيكي اوي ربنا يحميكي يابنتي
وفي بيت شريف كان قاعد معاه واحد صاحبة وقاله
انا مش عارف انت عايز ايه من البت دي دي يعني لا هي من عيلة غنية وانت بترسم عليها عشان فلوسها ولا حاجة ايه بقا
شريف
الصراحة ياض يا وليد البنت فعلا مش غنية ولا حاجة بس حلوه اوي وعجباني وداخله مزاجي جدا
وليد
ااه انا عارفك ياشريف طبعا لما بتحط حد في دماغك ربنا يسترها بقا انت شكلك كده مش هتعدي البنت دي من تحت ايدك كده
شريف
يابني ده انا شريف والاجر على الله اصبر بس انت واتفرج على اللي هيحصل
وعدت الايام وانا فضلت مراقبة بنتي في اللي هي بتعملة ولقيت في يوم سعاد عندها وقالت لها
يابنتي انتي هتفضلي قفل كده علطول ماتفكي كده ده حسام ھيموت ويكلمك متعرفيش عمال يزن عليا ازاى
سارة
هوووش وطي صوتك يا سعاد لحسن ماما تسمعك وبعدين انا قولت لك كذا مره انا مليش دعوة بالولد ده انتي عارفه اني مليش في الكلام ده خالص
سعاد
انتي هتفضلي جبانة كده طول عمرك ياشيخة بطلي بقا وفكيها كده قولت لك كذا مره مامتك مش هتشوفك ولا هتعرف حاجة
سارة
انا قولت لا يعني لا ياسعاد وخلاص مش هنتكلم تاني انا مش عايزاكي تفتحي معايا حوارات عن اللي اسمه حسام ده تاني
وبعدها دخلت عليهم وقولت لها
ازيك ياسعاد عامله ايه الله انتي شكلك خاسة كده ليه ايه يابنتي انتي مبتاكليش ولا انتي عامله زي صاحبتك اللي كل لما اقولها كولي تقولي مليش نفس
سعاد
والله ياطنط الثانوية العامة والمذاكرة دول صدو نفسنا عن كل حاجة انتي عارفه ليل نهار مذاكرة لحد لما بنهلك
اسماء
بس لازم تاكلو وتتغذو عشان تعرفو تكملو وتركزو كويس في المذاكرة اسمعي انا هدخل اعمل لكم شوية سندوتشات تاكلوها
سعاد
تسلم ايدك مقدما يا طنط بس مش عايزينك تتعبي نفسك والله انا شوية كده وهمشي علطول اصلي هاروح عند بابا النهاردة
اسماء
هو انتي حاليا قاعده عند مامتك يعني ياحبيبتي ربنا معاكي
سعاد
شكرا ياطنط والله بقيت من هنا لهنا لحد لما تعبت منهم جدا ومبقتش بحب لاروح هنا ولا هنا
اسماء
طيب وانتي لما مش عايزة تروحي عند باباكي ومامتك هاتروحي لمين انتي
سعاد
ماهو انا عايشة مع جدتي ياطنط من اول لما بابا انفصلوا وكل واحد فيهم اتجوز وانا عايشة مع تيتة اهي واخده بالها بس ساعات بيوحشوني
اسماء
معلش ياسعاد وعلى العموم انا موجودة لو احتاجتي اي حاجة اطلبيها مني ياحبيبتي
سعاد
ربنا يخليكي ياطنط ولا يحرمنا منك ابدا وشكرا ليكي
سبتهم ورحت المطبخ اكمل الاكل اللي بعمله ولقيت الباب بيخبط وكان يحي اخويا ولما شوفته قولت
اهلا يا يحي في ايه انت جاي ليه هي ماما كويسة ولا تعبانة
يحي
لا ماما كويسة ياختي اطمني انا بس جاي لك عشان اعرف انتي عملتي ايه في الموضوع اللي قولت لك عليه
اسماء
موضوع ايه تقصد الشقة اللي قولت لي عليها انا معملتش حاجة ومش هعمل يا يحي واللي عندك اعمله
يحي
طيب لما ارمي لك أمك في الشارع ابقي اتكلمي
اسماء
اخس عليك ياواطي بقا بعد اللي امك عملته عشانك وفضلتك عليا تقول كده انت ايه يا اخي ايييه اتقي الله
يحي
سبنا لك انتي التقوى ياختي وانجزي بدال متلاقي امك في الشارع اديني قولت وحذرت اهو سلام ياوختي
ومشي وانا قولت
روح ياشيخ منك لله يا يحي انا مش عارفه هو ليه الشيطان لاعب في دماغه كده ربنا يهديه
وبعدها بكام يوم راحت ميرا لشريف الفيلا وقال لها
معقوله جمالك ده يا ميرا متعرفيش انا بحبك اد ايه ونفسي بجد تبقى ليا
ميرا
وانا كمان ياشريف انا كنت عايزة اقول لماما واعرفها انك انت هتيجي تتقدم لي بس قولت استني شوية لحد حتى لما ادخل الكلية
شريف
لا لا اوعي تجيبي سيرة دلوقتي وبعدين ياحبيبتي انا اصلا مستني لحد لما بابا وماما يرجعو من الخارج وبعدها هعرفهم عليكي واجيبهم واجي اتقدم لك
ميرا
بجد ياشريف خلاص انا هستني بقا لحد لما مامتك وباباك يرجعو من السفر
شريف
طيب بقولك تعالي لما افرجك على الدور التاني ده هيعجبك اوي وكمان تشوفي الديكورات يمكن حاجة مش تعجبك نغيرها يلا بينا
وطلعت معاه فوق وبعدها بشهرين كنت بروق شقتي ولقيت اختبار حمل في اوضتة سارة اټجننت وقولت لها
بت ياسارة انتي يابت ايه ده
سارة بارتباك
ده ده ياماما اصل ااا انا هفهمك واقولك
اسماء
هتقولي ايه يا كلبة ياواطية ياقليلة الادب يازباله انتي حامل يابت حامل وفضلت الطم واقولها مين اللي عمل فيكي كده انطقي
سارة
لا لا ياماما انتي فهمتي غلط انا هفهمك كل حاجة استني بس وانا هاقولك ياماما ارجوكي بلاش تظني فيا كده
اسماء
اظن بس ده انا هموتك دلوقتي ياكلبة ونزلت فيها ضړب ضړب لحد لما لقيت ډم بينزل من مناخيرها وبوقها خۏفت عليها وطلبت الإسعاف وجم اخدوها على المستشفى وهناك قولت للدكتور
ارجوك يا دكتور شوف بنتي أصلها وقعت اتزحلقت والله يخليك متقولش لحد انها حامل
الدكتور
ارجوك سبيني اشوف الحاله وبعدين متقلقيش مش هاقول حاجة قدام حد
وجات شيماء وميرا وشيماء قالت لي
في ايه يا اسماء مالك انتي عملتي ايه في سارة
اسماء
كنت بضربها وبعدين وقت وجابت ڼزفت من بوقها
شيماء
طيب ليه عملتي كده بس اقولك بنتك دي تستاهل
وبعد شوية خرج الدكتور وقالي
لوسمحتي يامدام عايزك في كلمتين
ودخلت معاه وقالي
على فكرة البنت مش حامل ولا كانت حامل البنت لسه عذراء تقدري تدخلي تتكلمي معاها
ودخلت عند سارة لوحدي وقولت لها
حقك عليا ياحبيبتي بس انا عايزة اعرف اختبار الحمل ده بيعمل ايه عندك
سارة بتعب
انا هحكي لك كل حاجة ياماما في يوم جات لي ميرا وانتي بره وقالت لي
#فلاش باك
ميرا
سارة الحقيني ارجوكي ياسارة انا مش عارفه اعمل ايه في المصېبة اللي انا فيها دي
سارة
في ايه ياميرا مالك
ميرا
انا حامل ياسارة ده اختبار حمل جبتة ولقيت نفسي حامل
سارة
ينهارك اسود ومنيل ياميرا حامل ازاى ومن مين انطقي
ميرا
حامل من شريف ده واحد بيحبني يا سارة وكان قايلي انه عايز يتجوزني ورحت له الفيلا بتاعتهم وقالي تعالي لما افرجك على اوضتة النوم وبعدها حصل اا......
سارة
يخربيتك طيب ليه كده ياميرا ليييه عملتي في نفسك كده دي مامتك فاكرة انك البنت الشريفة اللي مفيش حد زيها
ميرا
انا كان ڠصب عني والله يا سارة انا مش عارفه اعمل ايه في اللي انا فيه ده انا لما رحت قولت له مرضاش وقالي انا لا يمكن اتجوز واحده سلمتني نفسها
سارة
ينهار اسود انا مش عارفه انتي ليه تعملي كده انتي مكنتيش خاېفه من ربنا وانتي بتعملي كده
ميرا
خلاص بقا يا سارة ارجوكي شوفي لي حل اعمل ايه
سارة
انتي تعرفي مامتك عشان تتصرف وتشوف هتعمل ايه مع الولد الندل ده
#بااااااااااك
سارة
وبعدها يا ماما مشيت ونسيت اختبار الحمل عندي وانا نسيت ارميه انا اسفه ياماما اني خبيت عليكي
اسماء
معقوله ميرا اللي امها بتحلف اخلاقها تعمل كده طيب يا شيماء انتي وبنتك المهم ياحبيبتي متزعليش مني
سارة
انا مش زعلانة منك ياماما والله انا عمري ما زعل منك ابدا بس لازم تعرفي اني عمري ما بعمل حاجة غلط ولا بعمل حاجة من وراكي
وخرجت من عند سارة وقولت لشيماء
بنتك حامل ياشيماء وانا مش هعرف حد بس لازم تتصرفي وتشوفي حل في المصېبة اللي هي عملتها
شيماء
انتي بتقولي ايه يا اسماء بنتي انا حامل ردي عليها يابت صحيح الكلام اللي طنط اسماء بتقوله ده انطقي
ميرا
إن ان انا هاقولك ياماما انا بس اااا وراحت اغمى عليها وجبنا الدكتور وقال لنا
فعلا البنت حامل ودي قاصر ولازم تعملو محضر رسمي
وبعدها بلغت شيماء جوزها لانه مسافر هو كمان مع جوزى ورجع من السفر وبلغ عن شريف اللي اتقبض عليه وقال
انا مستعد اكتب عليها ونخلص من الموضوع ده
شيماء
خلاص يبقا تكتب عليها هنا قدام الظابط احنا مش ضامنين اننا نخرج من القسم وانت هتعمل كده
وفعلا كتبو كتاب ميرا في القسم وعند اخويا طرد امي في الشارع وانا بلغت عنه ورجع لأمي شقتها
اما سارة بنتي الحمد لله اتحجبت ولسه پتخاف من ربنا وبتعرف دينها كويس
ياريت كلنا نحافظ على بناتنا ومش معنى اننا نقفل عليهم يبقا كده هما مش هيعملو الغلط بالعكس اللي عايزة تعمل حاجة غلط هتعملها احنا بس نربيهم كويس على الأخلاق وهما هيطلعو محترمين وبيخافو ربنا قبل ما ېخافو مننا
وبكده تكون خلصت حكايتي
