اختبار الحمل

وما فيش حد معانا ولازم انا اكون الاب والام
شيماء 
عندك حق يا حبيبتي واديك شايفه ميرا عامله ازاي دي ما بتعملش اي حاجه غلط من ورايا 
وفي الشارع ميرا قابلت صاحبتها
نيره 
ايه يا بنتي اللي أنتي عاملاه في نفسك ده ايه اللبس الواسع والحجاب اللي انتي لابساه ده
ميرا 
هو انت ساكته خالص كنت هقلع في مدخل البيت بتاعنا بس لقيت ناس واقفه فيه
نيره 
على فكره انا شايفه اللي انت بتعمليه ده غلط وما ينفعش خالص طالما مش عايزه تنزلي بقى حجاب يبقى ما تنزليش بيه انما تنزلي وتقلعي في الشارع ده غلط
ميرا 
انا باخد ماما على قد عقلها مش هي عايزه كده انا بحاول اسمع كلامها واعمل اللي انا عايزاه من ورا
نيره 
يلا بسرعه لاحسن شريف مستنينا في الفيلا بتاعته مش عايزين نتاخر عليه
ميرا 
ما تعرفيش الولد واحشني ازاي يلا بينا 
وانا كنت روحت الكافيه وقابلت سعاد 
صاحبتي
سعاد 
حركه سخيفه قوي اللي انت عملتيها دي ما كانش ينفع ان احنا نقولهم ما يجوش ده حسام زعل جدا
ساره 
يا بنتي ما انا قولتلك في التليفون ماما قالت ما فيش خروج معاهم فاضطريت ان انا اقول لك تقولي لهم كده
سعاد 
معلش يعني انتي محسساني ان مامتك مركبه كاميرا وهتشوفنا ولا تعرف يعني
ساره 
ربنا شايفني وعارف وانا لا يمكن اعمل اي حاجه غلط من ورا ماما انا خارجه عشان اروق اعصابي معاكي شويه خلاص الموضوع انتهى
سعاد 
بجد يا ساره انا بزعل من اول ما مامتك بتعمله معاكي عشان انتي ما بتحبيش تزعليها
ساره 
وانا واصله ومتاكده ان ماما پتخاف عليا علشان كده عمري ما زعلت منها يلا بقى تعالي لما نروح نشوف هنشرب ايه وفي شقه ماما روحت 
عندها
الام 
جرا ايه ي ست اسماء هو انا لازم ابعتلك 1000 مره علشان خاطر تيجي ولا ايه فين الفلوس اللي قولت لك عليها
اسماء 
يا ماما انت كل شهر عايزه مني مبلغ كبير وبجد انا مش عارفه اتصرفلك فيه ازاي كل شويه انت عارفه ان انا ورايا التزامات وبجهز بنتي
الام 
هو في ايه يا اسماء مش عايزه منك حاجه ياختي 
هو كل ما اكلمك في فلوس لازم تعملي 
الشويه دول
اسماء 
يا ماما بس انا عارفه ومتاكده ان انت الفلوس دي مش بتاخديها لنفسك بتديها ليحيى اخويا وحرام علي جوزي يبقى مسافر بره وانا واخده مرتبه وبديه لاخويا اللي بيشرب
الام 
بقولك ايه يا اسماء خلاص اتكلي على الله يا حبيبتي مش عايزه منك حاجه الله الغني عن فلوسك
اسماء 
طيب هقول لك حل حلو شوفي طلباتي كلها اللي انت عايزاها وانا عيني الاثنين حاضر هجيبلك اللي انتي عايزاه بس في المعقول برده 
وخرج اخويا يحيي
يحيي 
تجيبي ليها شقه ثانيه والشهر الجاي اصل انا نويت اتجوز ومش عايز منك اي مساعدات
اسماء 
وهو انا هعملها دي ازاي بقى ان شاء الله وبعدين اجيب لامك شقه ليه ما تجيب انت