اختبار الحمل

قټلت بنتي بسبب اختبار حمل 
الجزء الاول 
بقلم هويدا زغلول 
قټلت بنتي بسبب اختبار الحمل اللي لقيته 
في شقتي
وقبل ما نبدا الحكايه اعرفكم بنفسي 
انا اسماء عندي 45 سنه وعندي بنتي 
عندها 19 سنه في يوم دخلت عليها اوضه النوم سمعتها بتقول
ساره 
يا بنتي خلاص انا هلبس الكوتشي ونازله اهو حالا يا ريت انتوا اللي ما تتاخروش عليا لا لا بلاش الكافيه ده نروح الكافيه اللي احنا متعودين عليه كلمي حسام بس شوفي قدامهم قد ايه 
وبعدها دخلت
اسماء 
مين حسام ده يا حبيبتي وجاي معاكي الكافيه بقى ان شاء الله يعمل ايه وفين الحجاب اللي انا قولت هتلبسيه
ساره 
يا ماما انا قلت لك هلبسه اول لما احس ان انا مقتنعه بيه انا مش عايزه البسه دلوقتي
اسماء 
ما فيش الكلام ده مش هتنزلي من البيت من هنا غير لما تلبسيه وما فيش خروج مع شباب انتي سامعه ولا لا
ساره 
انت هتكوني مرتاحه يعني لما اقولك حاضر ونعم وطيب واعمل كل اللي انا عايزاه من وراكي بطلي يا ماما الاسلوب اللي انتي بتتعاملي بيه معايا ده
اسماء 
كلامي خلص يا ساره هتتصلي بيها دلوقتي وهتقوليها ان انت مش هتخرجي مع اولاد وغير كده هقولك ما فيش نزول
ساره 
حاضر يا ماما هعملك اللي انتي عايزاه وبعدها طلعت عند سلفتي شيماء وفتحت ليا بنتها ميرا 
وكانت لابسه خمار
ميرا 
ازيك يا طنط عامله ايه
اسماء 
بخير والله يا ميرا الله اكبر ايه الجمال ده يا بنتي ده انتي بقيتي زي القمر
ميرا 
ربنا يخليك يا طنط اتفضلي تعالي ماما جوه وبعدها خرجت شيماء
شيماء 
ايه يا ست اسماء في ايه هو احنا هنشحتك علشان خاطر نشوفك ولا ايه بقالي فتره طويله قوي اقولك وحشاني وعايزه اشوفك
ميرا 
معلش يا ماما انا هنزل بقى علشان خاطر درس الدين بتاعي مش عايزه اتاخر عليه
شيماء 
تمام ماشي بس ما فيش اوبر هتركبيه لوحدك انت سامعه ولا لا تروحي المواصلات وترجعي المواصلات ولما تقعدي لو راجل اللي هيقعد جنبك احجزي الكرسي وادفعي ثمنه
ميرا 
حاضر يا ماما انت قولتي ليه الكلام ده كذا مره وانا عارفاه كويس قوي
شيماء 
ايه قلتي ليه كذا مره دي معناها اسكتي يعني كلامك ملوش لازمه بتاخدي بالك من كلامك
ميرا باست علي ايدها وقالت 
لا لا والله ماما خالص ما اقصدش حقك عليا انا اسفه وبعدها نزلت
اسماء 
بسم الله ما شاء الله على بنتك خفي عليها شويه يا شيماء البنت وملتزمه جدا وما بتقولكيش كلمه تزعلك
شيماء 
البنات لازم يتشد عليهم ما ينفعش ان احنا نسيبلهم الحبل كده
اسماء 
والله انا بحاول اتكلم مع بنتي كتير علشان خاطر تتحجب هي مش راضيه تسمع الكلام والموضوع ده مضايقني قوي
شيماء 
ازاي يعني امال بتصلي ولا بتعمل ايه انتي طبعا غلطانه ما ينفعش الكلام اللي انتي بتقولي عليه ده لازم تحاسبيها على كل حاجه هي بتعملها
اسماء 
اوعدك من النهارده هشوف وش ثاني اه ابوها مسافر