لمياء شاهين

أختي اتصلت بيا ف الشغل.. ماكنتش أعرف إنه ده رقمها.. ف رديت.. كانت بټعيط.. وبتقول أنا محتجاكي.. لو سمحتي أنا محتاجة أختي
قفلت في وشها.. وبعد ساعة واحدة لقيت رسالة من أمي كاتبه فيها أختك محتجاكي 
دلوقتي.. أرجوكي اتصلي بيها.. عملت بلوك للرقم..
بعد يومين أبويا اتصل من رقم مختلف.. وقال اختك خسړت جنين.. وهي متدمرة.. وانت محتاجة تكوني جنبها
قولت له لا.. انا مش محتاجة وقفلت في وشه..
بعدها بأسبوع.. لقيت أمي على باب بيتي.. بدون ما تقولي من قبلها.. كانت بټعيط لما فتحت الباب.. أول ما فتحت قالت من فضلك.. اختك پتنهار.. انتي مجربة وعارفه يعني ايه تخسري جنين.. انت محتاجه تسامحيها..
فضلت باصه لها لمدة دقيقة طويلة وبعدها قولت لها ايوه فعلا.. عندك حق.. انا عارفه يعني أيه إن واحدة تخسر حملها.. وأنا لسه ابني اللي كنت عايزاه أكتر من أي حاجة تانية
أمي وشها أصفر.. ف كملت كلامي وقولت لها وكمان عارفه يعني ايه أبويا وأمي يتحايلوا عليا إني اسامح الشخص اللي دمر حياتي.. عشان العيلة لازم تسامح بعضها.. وعارفه يعني ايه يتقال لي إني أنانيه عشان مش عايزة أبقى خالة الولاد
أمي حاولت تقاطعني عشان تقول حاجة.. بس أنا كملت أنا كنت الشخص الأكبر والأعقل.. من سبع سنين.. لما مشيت بهدوء.. وسيبتكم كلكم تدعوا إني أنا الشخص الشرير.. مقولتش لأي حد أيه اللي حصل.. مروحتش فرحها خربته.. والا عملت أي حاجة قدام باقي قرايبنا.. انا كل اللي عملته إني اختفيت.. اختفيت عشان كلكم تكونوا
مرتاحين..
أمي كانت بتترعش وهي بتقول بس دي اختك
وهي عارفه إني في المستشفى عشان خسړت ابني.. وانتي مبقتيش أمي من اليوم اللي طلبتي مني أسامحها على اللي عملته
رجعت خطوة ورا ودخلت بيتي تاني وقفلت الباب.. أمي فضلت واقفة قدام الباب لمدة خمس دقايق بټعيط وبعدها مشيت..
كل ده من شهرين.. ومن ساعتها مسمعتش من أي حد فيهم أي حاجة..
الأسبوع اللي فات.. بنت أخت جوزي طلبت مني أروح مسرحية المدرسة بتاعتها.. قعدت في أول صف مع جوزي وعيلته.. ولما البنت طلعت على
المسرح وشافتني.. كانت بتشاور بقوة وحماس لدرجة إني خۏفت إنها ټأذي دراعها..
بعد المسرحية ما خلصت جريت عليا وقالت انا مبسوطة أوي انك خالتو ساعتها جامد وأدركت حاجة مهمة اوي.. أنا بالفعل عندي عيلة.. وهما فعلا يستحقوا وجودي معاهم..
ساعات إنك تكون الشخص الأكبر والأعقل مش معناه إنك تسامح الكل.. معناه إنك تبقى عارف امتى تكون خفي في حياة حد وموجود بقوة في حياتك انت..
احاديث_تيكتوكيه
LamiaaShaheen