لمياء شاهين

من 7 سنين كنت حامل في شهر و أسابيع لما حصل لي إجهاض.. الانقباضات الشديدة بدأت وأنا في الشغل.. وعلى ما وصلت المستشفى كنت متأكدة إن في حاجة غلط.. وفعلا بمجرد الفحص أكدوا إني خسړت الجنين..
جوزي مجاش المستشفى.. ولما بلغته باللي حصل بعت لي رسالة قال فيها أنا عندي مشكلة كبيرة في الشغل.. هشوفك في البيت
روحت البيت الساعة 2 الضهر.. كنت تعبانة ومرهقة وقلبي مكسور.. لقيت جوزي في البيت.. في أوضة نومي.
مصرختش.. معيطتش.. طلعت تليفوني من شنطتي.. 
قعدت في فندق اليوم ده.. تاني يوم الصبح كلمت محامي..
بعد 3 أيام جوزي وأختي جم عندي الشغل.. بيحاولوا يعتذروا..
اختي قالت مش عارفه حصل كده ازاي.. أنا عمري ما كنت قاصده أجرحك
جوزي قال ممكن نروح لمتخصص علاقات لحد ما نحل اللي حصل
كان ردي عليهم انا عايزة اتطلق.. ومش عايزة أي حاجة منك.. لا البيت.. والا العربية.. والا أي حاجة من عفش البيت.. أنا بس عايزة أمشي
بعد أسبوعين أمي اتصلت بيا عشان تقولي اختك حامل.. قفلت الخط في وشها..
أبويا وأمي فضلوا يحاولوا يتواصلوا معايا عشان أبقى منطقية.. وحجتهم إن الطفل اللي هيتولد ده مش ذنبه يتولد في ظروف زي دي... والمفروض إن أنا أفكر في الأفضل للعيلة
رديت عليهم وقولت العيلة بالنسبالي ماټت 
عرفت إن أختي اتجوزت طليقي بعد 6 شهور بس من طلاقنا.. وفعلا خلفوا الطفل.. وبعده طفلين كمان..
لسنين طويلة أهلي كانوا بيبعتوا لي صور الأطفال.. بس أنا عمري ما فتحتهم.. كانوا بيعزموني على أعياد ميلاد الولاد والأعياد.. بس أنا عمري ما روحت..
نقلت من الولاية وسكنت على بعد ساعتين من بيت أهلي عشان أبدأ من جديد.. ومن 3 سنين بس قابلت واحد في كافيه..
كان طيب ودمه خفيف وعنده عيلة كبيرة بتحب بعضها.. اتجوزنا من سنتين.. وعيلته رحبت بيا كأني كنت معاهم من زمان..
أخته عندها 4 ولاد.. بيقولوا لي يا خالتو.. بنروح سوا الجنينه.. وناكل بسكوت.. ونتفرج على أفلام.. بحب الولاد دول أكتر من اللي كنت ممكن أتخيله.. وأخيرا حسيت إن عندي عيلة من تاني..
من 3 شهور بس..