حكاوي زين بقلم رحمة طارق

ومرة واحدة زين ساب إيد مامته فجأة ووقف جنبي. كفاية كفاية الي انتوا بتعملوا فينا دا.
كل حاجة وقفت على صوته وانا بصيت له فعرفت هو هيعمل اية وقبل ما أنطق اتكلم بصوت عالي 
كل دا كدب احنا منفصلناش أصلا. غضمت عيني على صوت شهقاتهم وفتحتها على صوته 
أيوة محدش يستغرب كنتوا فاكرين اية أننا عيال مع أول مشكلة عبيطة هنسيب بعض ونرمي كل حاجة ورا ضهرنا الإنسانة الي أنت مش راضية بيها دي يا أمي دي مستحملة معايا بقالها تلت سنين ظروفي وضيق الحال ومقالتش لا الشخص الي قدام حضرتك دا يا طنط بيحاول على قد ما يقدر يسعد بنتك والظروف مش مساعدنا ولا حتى انتم مصعبتش عليك يا أمي إني أنهي الجوازة الي بقوم أنام أحلم بيها وبشتغل زي الحمار علشان كل حاجة تخلص بسرعة مصعبتش عليك بنتك يا حماتي وهي بتحكيلك على فستان فرحها الي نفسها فيه مصعبناش عليكم 
بصلي ووجعتني نظرته وصوته لما قال 
اسف يا طنط إني مش عارف ابقى زوج الأحلام لبنتك الوحيدة اسف يا أمي لأني بحب إنسانة بجد ونفسي أكمل معاها حقكم عليا بس الموضوع مش بإيدي والله.
وخرج من المكان كله فجريت وراه بسرعة.
انت رايح فين وسايبني والله لو ما وافقوا بعد كل دا لنتجوز ڠصب عنهم حرام عليك زوري وجعني من العياط. 
ابتسم وغمض عيونه علشان مشفش الدموع فيهم. 
حقك عليا أنا متزعلش كدا بالله. اتنفس بصوت عالي كل حاجة هتخلص دلوقتي.
هتسيبني وتسمع كلام امك يا زين! 
بعد الخطبة دي هسيبك أنت غبية طيب هتعمل اية وبتبصلي كدا لية أنا خفت. هتجاريني في الي هيحصل حالا بذكاء. طب أيه هو ال..وقبل ما 
أكمل الجملة وقع على الأرض قدامي مغمى عليه !الحقوني يا جماعة يا ماما يا طنط يا ناس.
كلهم جريوا عليا وانا قاعدة جنبه في الأرض 
يالهوي ابني أيه الي حصل 
رفعت راسي دلوقتي ابنك ھتموتوه قبل ما نتجوز الراجل حتى هيروح مني في عز شبابه علشان تتبسطوا كويس.
بابا كان هيتكلم فغمزتله فهم وشد ايد عمو.
هكلم الإسعاف.
ووقفوا بعيد وماما وطنط قعدوا جنبي وماما قربت مني 
مټخافيش أبوك بيكلم الإسعاف.  
أنا ايوة أنت كل دا علشان أرضيك وأنت عارفة إني بحبك بس برضو بحبه وعاوزه أكمل معاه يا حبيبي يا زين دا أنا بقوم أنام أحلم بيوم فرحي فيه قربت وهي بټعيط خلاص والله انا موافقة. 
لا مفيش موافقة فيه موافقة وبتحبيه. موافقة وبحبه يا حبيبتي والله.
بصيت لزين بحزن فوق يا زين ماما بقت بتحبك يا حبيبي حتى لو بتكدب هي خلاص موافقة.
والله ما بكدب وانا هلاقي زيه فين 
يبقى مش فاضل غير طنط بس دي حاجة مش في إيدي الحب دا قضاء ربنا. 
أنا كمان بحبك مدام هو بيحبك. 
دلوقتي بتحبيني فاكرة يا طنط لما قولتي على أكلي يسد النفس 
ما دي الحقيقة.
غمضت عيني اه يا حبيبي اه امك مش بتحبني مش ذنبي يا حبيبي مش ذنبي لو مت مۏت وأنت بتحبني ماشي 
خلاص انا هبقى أعلمك تطبخي حلو والله. 
بصتلها بفرحة بجد أيوة بس يقوم.
مسحت دموعي وبصتلهم طب اقفوا علشان أكبر في ودنه يمكن يفوق. 
وقفوا فميلت على ودنه ما تقوم يا شهيد الحب انت استحلتها ولا اية خمس ثواني كمان وهفضحك.
فتح عيوني رحمة حبيبتي. كتمت ضحكتي فاق الحمدلله يلا اتجوزني.
دخلنا شقتنا فضلت أجر فستاني بغيظ حتى يارب مشلنيش زي الأفلام لله الأمر من قبل ما ومن بعد.
وقفت قصاده نعم يالي كسرت قلبي كسرت قلبك إية دا أنا اتجوزتك ملكش دعوة دي كسور داخلية عاوز إيه 
فاكرة يوم عيد ميلادي لما قولتلك نتجوز ونهرب أيوة. 
ساعتها قولتلك كدا علشان مكنتش عارف أرد على كلامك يومها لأنك مكنتيش مراتي. يا ظالمة! وأنا الي كنت ناوي أصلح كسورك 
وقفت كسوري كلها قرب كسر كسر.
رحمة_طارق
حكاوي_زين