اميره محمد

بتحبى البلطجى اللى كل يوم و التانى يثبتك !
و ماله البلطجى مش يمكن عند ربنا أحسن منك!
يعنى البلطجى أحسن منى!طب يا أستاذة سديم قوليلي أيه اللى شيفاه مبهر فيه!
أبتسمت بخجل ديما بيقولى يا ست البنات و يثبتنى بيحسسنى إنى أجمل واحدة و كمان شخصية شريفة يعنى مثلا لما عرف إن دى آخر عشرين جنية معايا خدهم و سابلى خمسة جنية بذمتك شوفت شخص طيب كدا!
لوى شفايفه بسخرية لا طبعا .
رجعت خصلة من شعري لورا و كمان متفتكرش إن بعد جوازى منه هسيبه! لا دا أنا هغيره أو هو يغيرنى يخلينى مثبتاتيه قد الدنيا .
تصدقى بالله أنا أقتنعت إنك متخلفة.
ولا أتلم و الله محدش قالك تسمع كلام جدك و تطلب أيدي .
كان يوم أسود قال بتحبي البلطجى قال دا جدك ليه حق يجوزك لأى حد مرمى فى الشارع أحسن ما تجيبي لاسم العيلة العاړ بسبب قلبك المعتوه دا.
لسه هرد لكن فجأة سمعنا صوت زعيق لفينا لمصدر الصوت هو فيه أيه!
بيقبضوا على قرة عينك .
أبتسمت بفخر و أنا ببص شايف حتى و هو بيتقبض عليه نبيه و بيقاوم هذا هو ذوقى متقلقش يا قرة عيني هستناك حتى لو خدت مؤبد.
منك لله يا سديم.
بصلى يزيد بقرف و دخل !! أبتسامة متسعة ظهرت على شفايفى بأنتصار يزيد جاري من زمان تقريبا الحارة كلها عرفت إنى بحبه إلا هو ! بقا ناقص أروح أتقدمله

أنا بقا ! لحد ما جيه أخيرا و أتقدم مش هنكر إن كنت مبسوطة لحد ما عرفت أنه متقدملى رغبة من جده مش عشانى بما إن جده صاحب جدى أوى..
أنت عبيطة يا سديم! يعنى كان ناقص تروحى تتجوزيه و يوم ما جيه أتقدم مش عايزاه أنت عبيطة!
يعنى مش عايزة يكون ليا كرامة! دا بكل بجاحة بيقولى أنا متقدملك عشان جدى !
و أنت هتعملى أيه بقا يا فالحة لو بالفعل أفتكر إنك بتحبي البلطجى ! دا أنا لو منه مبصش فى وشك.
شربت شوية من الشاي هبقى كسبت كرامتى يا بنتى كله إلا كرامتشي.
ضحكت لو يزيد قالها دلوقتى بحبك هتقوله كل اللى فات إشاعات أنا بحبك أكتر يا واد.
المرة دى مقدرتش أمسك ضحكتى و ضحكت بصوت عالى و لسه بلف لمحته خرج للبلكونة قفلت المكالمة بسرعة و لقيته فجأة رفع حاجبه 
أيه قفلتى ليه خليك على راحتك.
أتجاهلت كلامه و وقفت سألته بجدية
يزيد هو أنت لغيت فكرة جوازك منى أكيد صح!
شرب شوية من القهوة اللى فى أيده لأ .
رفعت حاجبى نعم! حتى بعد ما عرفت !
أبتسم أنت معرفتيش!
لأ فيه أيه
أسكتى مش أنا و أنت كتب كتابنا الأسبوع الجاى!
فتحت بوقى پصدمة نعم!!! كتب كتاب مين لمؤخذة !
حضري نفسك يا سديمى .
دخل أوضته تانى و أنا فضلت متصلبة مش فاهمة حاجة كتب كتاب مين !! كتب كتابي أنا و هو !!!!! محسنش بنفسي غير و أنا بقتحم المطبخ و بتكلم بعصبية 
هو بجد اللى سمعته دا كتب كتابى أنا و يزيد الأسبوع الجاى !
سابت ماما الأكل و قالت بأبتسامة أيوة يا حبيبتى .
يعنى أيه الكلام دا أنا عندى دراستى .
ضحكت بسخرية دراسة أيه يا أم ملحق ! 
فضلت متنحة شوية هو دا اللى يتعافى المرء بأمه !!!! بلعت إهانتى و كملت 
بعيدا عن چرحك لمشاعري أنا دراستى ثم دراستى ثم دراستى يا ست الكل و مش هوافق على العبط دا كله و يا أنا يا الظروف بقى.
مساء الفل الظروف هى