أبواب العشق بقلم ايمان صلاح
عمرك فاهمه ...فكوها
سابها ومشي وهي بصت بندم وعيطت بحرقه .
ايمان_صالح
خالد وصل شقته وفتح الباب لقى الشقه كلها مليانه ورد وشموع قفل الباب بابتسامه وانبهار ودخل الاوضه لقاها زي الشقه كلها بس فيه ورد متزين على السرير واكل على السفره ومراته واقفه في استقباله وواقفه مبتسمه قرب من ابنه وباسه وهو نايم وقرب منها
_النهارده عيد جوازنا صح
هزت راسها بابتسامه وابتسم _كل سنه وانتي منوره حياتي
_وانت في حياتي يا حبيبي عملت ايه معاها
_هعمل ايه يعني مش انت قولتلي متأذيهاش
_اهه طبعا يا خالد حرام متعملهاش حاجه عشان بناتها
بصلها بغيظ _ما قلبك الطيب ده هو اللي كان هيخربلنا حياتنا
ابتسمت ومسكت أيده _طول ما انت معايا مفيش حاجه وحشه هتحصلنا وانا متأكدة مش انت اللي خططت اني اروح عند اهلي ولما عرفت أن بابا في المستشفى عملت اللعبه دي وخلتني عندهم عشان تكشفها
_اهه يعني كنت هسيبها تإذينا دايما واقف ساكت
_خلاص هي بكره تعرف غلطها
_انتي طيبه اوي هي دي اشكال هتتعظ المهم سيبك منها وقوليلي ايه الجمال ده
مسكها من أيدها ولفها وهي ابتسمت بخجل
_طيب يلا عشان تاكل
ابتسم _امال انا بعمل ايه دلوقتي
بصتله باستنكار_انت كده بتاكل
بصلها بحب وغمزلها _اهه باكلك انتي هو فيه احلى من كده
ايمان_صالح
رؤى كانت قاعده على السرير وصلتلها رساله بكره هعدي عليكي وننزل نختار الشبكه والفستان جهزي نفسك انا بلغت باباكي .
بصت للرساله وشردت هي قررت تدي ل ماجد فرصه واهي بتحاول تاني يوم جهزت نفسها بعد ما باباها بلغها طلعت لقيت مامتها واقفه خدتها ونزلت كان واقف في استقبلهم سلم عليهم وبعد شويه باباها نزل وركبوا العربيه ومشيوا وصلوا عند محل الدهب ودخلوا بهدوء وقفوا يختاروا وهي كانت في البدايه ساكته بس بعد ما ماجد
عرض عليها دهب وهي وقفت تختار بحماس بصت على دبله ولمعت عيونها بقوه وابتسمت ابتسامه واسعه
_انا هاخد الدبله دي
ماجد بصلها بحب وابتسم
_عجبتك
_اوي اوي يا ماجد
_ ماشي يا حبيبتي
قرب منها شويه وهمسلها
_جميله شبهك
بصتله بخجل وبصت في كل الاتجاهات بتهرب من عيونه ابتسم واتكلم
_يلا كملي اختاري شبكتك
_لا انا اختارت دي وبس
هز راسه برفض_لا يا حبيبتي انتي اختاري شبكتك يلا دي مش شبكه
ابتسمت بهدوء _خلاص اختارلي انت
ابتسم وقعد يختار الشبكه وهي معاه كمان ووالدها ووالدتها بيدعولهم إن ربنا يكملهم بخير
خرجوا برا المحل وباباها استأذن يروح
________________________________________
مكان والدها مشي وماجد بصلهم بهدوء
_يلا بينا
_هنروح فين
_هنختار فستانك يا حبيبتي
بصتله بخجل _لا انا هروح انا و ماما بس
_يعني انا مش هاجي معاكي
_لا مش هعرف اختار معاك انا معايا ماما
بصلها شويه بضيق من جواه وبعدها بص ل مامتها باحراج وهز راسه
_معلش يا طنط انا هتكلم مع رؤى كلمتين ممكن
_ماشي بس متتاخرش
خدها على جنب واتكلم بهدوء وهو بيمد أيده بفلوس
_بما انك مش عايزاني اروح معاكي اتفضلي
_ايه ده بس انا معايا فلوس
_ما انا عارف انه معاكي بس ده وجبي انا كنت عايز اجبلك الفستان بس بما انك مش موافقه خلاص يبقى انا اللي هدفع حسابه
_لا يا ماجد مستحيل اخد منك فلوس
بصلها وابتسم _انتي مش مستحيل تاخديه لا انتي مستحيل تمشي من غير ما تاخدى مني حق الفستان
_بس ده كتير اوي
_مفيش حاجه تغلى عليكي يا حبيبي
ابتسم وهي بصتله بحب وقلبها بينبض پجنون رجع عند العربيه وفتحلهم الباب ومشي ونزلهم عند اقرب محل بعد ما عصير وسابهم ومشي .
رؤى خرجت من المحل بعد ما اختاروا الفستان وجابت كل حاجه و روحوا البيت اتصلت ب اختها وحكتلها كل حاجه
سما _انا فرحانه ليكي يا حبيبتي ربنا يهنيكي يارب
_انا وانتي يا حبيبتي
قفلت معاها و ماجد كان بيرن عليها قلبها دق وابتسمت بسعاده فتحت وردت
_وحشتيني
ابتسمت بخجل وبعدها اتكلم _مش هتردي عليا ماشي المهم عامله ايه
_الحمدلله
_جبتي الفستان
_اهه جبته
_وعجبك
اتكلمت بحماس _عجبني اوي يا ماجد حلو شكله يجنن كده كان نفسي تشوفوا
اتكلم بلوم _ما انا كنت عايز اجي معاكي عشان اشوفوا
_ما انت هتشوفوا في الخطوبه إن شاءالله انا عايزاه يكون مفجاه
_انا عارف ان اي حاجه بتكون فيكي حلوه بحبك
ابتسمت بخجل واتكلموا مع بعض وبعدها قفلوا عدت الايام وجه يوم الخطوبه بسرعه رؤى كانت جاهزه لبست الفستان وكانت جميله اوي عرفت أن ماجد بره طلعت وكانت كل الناس موجوده قربت منه وهي قلبها بيدق وهو كمان بصلها بابتسامه وانبهار مسك أيدها وابتسم
_زي القمر يا حبيبتي انتي جميله ومحليه الفستان
ابتسمت بهدوء _وانت كمان حلو النهارده
بصلها پصدمه وابتسم _يعني انا حلو النهارده بس
ردت بتلقائية _انت حلو كل يوم
ابتسم قعدوا وجابوا الشبكه ولبسهالها
_بحبك يا رؤى
لبسته الدبله وابتسمت بسعاده _وانا بحبك
_ايه
_بحبك يا ماجد
كان لسه هيرد والمأذون وصل زي ما اتفقوا خطوبه وكتب كتاب بعد ما كتبوا الكتاب طلعوا كلهم وبقوا لوحدهم قرب منها
_واخيرا بقيتي مراتي حاسس اني كنت بعافر
سكتت ومردتش فبصلها وابتسم
_كنتي بتقولي ايه بره
_انا انا مقولتش حاجه
_لا قولتي
_لا مقولتش
_كده انا زعلان بجد
لف وشه بزعل مصتنع وهي قربت منه
_خلاص متزعلش انت بتتقمص بسرعه
_انا !
_خلاص بقى انا بحبك
كانت لسه هتطلعها بسعاده
_انتي احلى حاجه حصلتلي في حياتي كلها
إيمان_صالح
_يعني ايه يا ماما خلاص كده بقت على اسمه خلاص رؤى راحت مني
كان علي بيتكلم بعصبيه ف مامته اتكلمت
_مية مره اقولك تصرفاتك غلط وبعدين خلاص مكنتش اخر واحده يعني ارجع بقى
_لا هي اخر واحده فعلا ومش راجع انا مسافر
اتكلمت بصدمه_مسافر رايح فين
_رايح في داهيه انا مش راجع تاني
قفل معاها وهو جهز شنطته وسافر فعلا وهو مقهور
رؤى كانت بتعدي الطريق وماسكه
________________________________________
الموبيل وبتضحك فجاه جت عربيه وخبطتها وجريت وقعت في الأرض والناس جت شالتها و ماجد كان بينادي عليها بقلق
_رؤى ايه حصلك ايه الدوشه دي
_ايه يا استاذ حضرتك مين
_انت اللي مين ده موبيل مراتي وكانت بتكلمني دلوقتي
_حضرتك صاحبة الموبيل ده اتخبطت بالعربيه وراحت على مستشفى .....و تعالى بسرعه عشان تتعرف علي اللي خپطها
ماجد سرع العربيه وراح على بيتها هو كان رايحلها اصلا اخد أهلها وراحولها دخلوا المستشفى بسرعه وجري على الدكتور
_خير يا دكتور طمنى على رؤى
_الحاله لسه داخله دلوقتي صح
_اه
_هنكشف عليها ونطمنكم بس حد يروح يتعرف على اللي خبطوها
ماجد هز دماغه وخد والداها ومامته قعدت على جنب
ټعيط وتدعي راحوا يشوفوا مين خپطها ودخلت كان الصدمه ليه لما لقي
_ساره
_ا انت
_انتي بتعملي ايه هنا
_حضرتك تعرفها يا استاذ
اتكلم بغيظ _ ايوه المفروض أن الهانم دي صاحبتها و
بص على اللي واقف وقرب پغضب _ والحيوان ده حاول يتعرض ل رؤى قبل كده
بصله بغل و كان عايز يضربوا بس ابو رؤى بعدوا عنه هو والعسكري و اتكلم
_خلاص سيبوه احنا هنعمل فيهم محضر يا ماجد وانتي مش انتي المفروض صاحبتها هانت عليكي بالسهوله دي
_اه بنتك تستاهل اللي حصلها
_وانتي كمان تستاهلي اللي يحصلك
عملوا فيهم محضر واتسجنوا وماجد ووالد رؤى رجعوا والدكتور طمنهم عليها وقالهم في خدوش وكدمات في وشها وكسر في أيدها .
بعد فتره دخلوا عندها وامها قربت منها بلهفه
_انتي كويسه يا حبيبتي
اتكلمت بالم _الحمدلله يا ماما
_الف سلامه عليكي يا حبيتي
_الله يسلمك يا بابا
ماجد قرب منها وحط أيده على شعرها _الف سلامه عليكي يا حبيبي بس مټخافيش اللي عملوا كده خدوا جزاتهم
_هي مش كانت حاډثه عاديه
_لا يا رؤى
_امال مين
_هقولك مين بس لما تكوني كويسه المهم اننا اطمنا عليكي يا حبيبي والحمدلله انها جت على كده
ماجد مشي هو ووالدها عشان يروح يغير ويرجع وقال عنده شغل جه تاني يوم الصبح دخل لقى مامتها قاعده تحت رجلها وسانده راسها ورايحه في النوم صحاها بهدوء
_فيه حاجه يا حبيبي
_لا يا طنط انتي بس حضرتك روحي لو هترتاحي شويه ولا حاجه
_هو انا هيكون فيه راحه وهي كده
_هي كويسه الحمدلله وانا معاها متقلقيش ولو هتجيبلها هدوم يعني
_يعني هتكون معاها
_اكيد ومش هسيبها والله
ابتسمت ومشيت وهو قعد جنبها وهي شويه وبدأت تفتح عيونها بالم قرب منها بلهفه
_انتي كويسه دلوقتي
_اهه انت كنت فين سألت عليك
_كان عندي شغل وللأسف مكنش حد هيعرف يعمله غيري وكمان جبت الحاجات دي
_مكنتش تعبت نفسك
مسك أيدها بهدوء _فين التعب ده اي حاجه في سبيل راحتك بكون مرتاح
_ربنا يخليك ليا
_ويخليكي ليا يا روحي يلا كلي بقى
_مش قادره بجد
_لا كده مينفعش يلا ناكل انا وانتي عشان مكلتش من امبارح
بدأوا ياكلوا مع بعض وهو كان بيأكلها الباب اتفتح ودخلت مامته بعد ما خبطت ومعاها بنوته رؤى جت تبعد مسك أيدها بمعنى متبعديش وكمل اكلها مامته قعدت قدامهم
_الف سلامه عليكي يا رؤى
_الله يسلمك يا طنط
_لا طنط ايه انا ماما قوليلي يا ماما
ابتسمت بهدوء_حاضر يا ماما
_تعالي يا نهله سامي عليها
بصتلها شويه واتكلمت بغيظ_الف سلامه عليكي
بصتلها بتعجب وبصت ل ماجد _الله يسلمك
ماجد اتكلم _دي نهله بنت خالتي وزي أختي بالظبط
_بس انا مش
اختك يا ماجد انت نسيت اللي كان بينا
بصتلها رؤى ورفعت حاجبها بدهشه
_ايه هو اللي كان بينكم بقى يا ماجد
مامته اتكلمت بسرعه_مفيش حاجه بيقولك هي زي اخته بس نهله بتحب تهزر
رؤى بصتلها بشك وهي كانت بتبصلها بغيظ قربت رؤى من ماجد وحطت أيدها على كتفه واتكلمت بالم مصتنع وهي بتبص على نهله
_اه الحفني يا ماجد
اتكلم ماجد بلهفه _فيه ايه مالك يا حبيبتي اجيب دكتور
_لا يا حبيبي اسندني بس عشان تعبانه
_الف سلامه عليكي يا روحي اتعدلي بس
سندها وقعدت كويس وبصت ل نهله بابتسامه صفرا وقربت من ماجد
_تسلملي يا حبيبي ربنا يخليك ليا
بصلها پصدمه وبعدها ابتسم بمكر
_ويخليكي ليا يا روحي
نهله بصتلهم بغيظ وخرجت ومامته خرجت وراها وهي بتضحك و رؤى حطت راسها بخجل على صدره
_انتي بتتكسفي دلوقتي من شويه كنتي ا
خبطته في صدره _بس بقى
_بس احلى حاجه في الموضوع ده اني اتاكدت انك بتغيري عليا
_لا مبغرش
_بجد واللي عملتيه مع نهله ده كان ايه
_متفكرنيش قولي هي كان قصدها ايه باللي كان بينكم
_مفيش هي كانت بتحبني وانا كنت شايفها زي اختي بالظبط وحبيتك انتي وبس
_والله
_وحياتك عندي
_ملكش دعوه بيها خالص فاهم ولا تكلمها ولا تشوفها
_لا متقلقيش بعد اللي عملتيه فيها مش هتشوفي وشها تاني ويلا بقى عشان شويه كده وهتخرجي وتنوري حياتي تاني .
بعدها رجعت البيت ويوم بعد يوم بقت افضل عرفت اللي حصل من صاحبتها وعرفت أنهم اتسجنوا في قبل الفرح بيوم وصلتلها رساله من ماجد
بكره عروستي هتكون زي القمر وهتكون احلى عروسه في الكون وهتنور بيتي خلاص
ابتسمت بفرحه وبعتتله
_وحبيبي هيكون احلى عريس في الكون .
جه الفرح وفعلا كانت جميله بالفستان الابيض كانت واقفه في الكوافير وهو دخل ووقف وراها وهي كانت لسه الناحيه التانيه كل ما يبص عليها تبعد وشها وتلف وتضحك وهو يلفلها وبعدها مسكها وبصلها
_اخيرا احلى عروسه في الدنيا كلها يا حبيبي
الفرح كانوا واقفين بيسلموا مع المعازيم بفرحه كبيره
وكان كلهم فرحانين بيهم .
خالد كان واقف هو وسما _طالعين حلوين اوي و رؤى كمان حلوه اوي
_زيك يا روحي ما انتي كنتي حلوه اوي زيها كده
_حبيبي انت لسه فاكر يوم فرحنا
_طبعا يا روحي هو ده يوم يتنسي ده كان احلى يوم في عمري
_ربنا يخليك ليا انت وابننا يا حبيبي
خدوا ابنهم وباباهم ومامتهم راحوا يتصوروا مع العريس و العروسه صوره جماعيه ماجد كان واقف جنب رؤى وهمس في ودنها
_ بحبك
ابتسمت بخجل ومسكت أيده
_بعشقك .
