أبواب العشق بقلم ايمان صلاح
المحتويات
ماركت
_طب غوري من وشي بقى
_ماشي يا لولي
_الا قوليلي صح اختك سما كانت مالها
ضيقت عيني واتكلمت_وانت مروحتش سألت عليها ليه ولا صح نسيت انك عندك مزه ونسيتنا خلاص
ضحك _مزة ايه وهبل ايه انتي صدقتي كلام الاهبل ده
_انت بتضحك وبتخبي عليا يا علي ما تقول إن فيه واحده بتقابلها وخلاص
_يا بنتي مفيش الكلام ده هي بنت كده وانا مش بكلمها اصلا وهي ماشيه ورايا
_طيب ما تتجوزها
ايمان_صالح
بصلي شويه وبعدها اتكلم_وانتي هتوافقي اني اتجوز
_وموافقش ليه انا اطول أن اخويا يكون عريس
_برضوا اخوكي ! المهم اختك مالها حد زعلها
_مقالتش حاجه بس غالبا هي ابنها متضايقها يعني الجواز حواراته
_عموما انا مرضتش اروح قولت اعرف منك واسيبها براحتها معاكي و تقولك بس طلعتي نيله اوي و معرفتيش تقرريها
_انا نيله يا علي
_اه يا اختي فيه حاجه
_انا ماشيه سلام
_استني
_نعم ايه تاني
_فيه فرح النهارده في البلد هتيجي
_اه إن شاءالله انت عارف ان العروسه
________________________________________
صاحبتي
ولو كده هجيب سما معايا
_خلاص تمام جهزوا نفسكم وقوليلي عشان اوصلكم
_توصلنا ايه يا علي ده بعدنا بشارعين
_انتي على طول معارضه كده وبعدين ايه يعني
_ماشي يا علي عايز حاجه تاني
_لا
مشي وانا دخلت السوبر ماركت خلصت وروحت دخلت بيتنا وكانت سما شايله احمد وماشيه بيه في البيت وبيعيط
_لسه بيعيط برضوا
_عنده مغص يا رؤى
_طيب اديه علاج مغص
_خد بس بياخد وقت عشان يعمل مفعول المهم جبتي الحاجات
_اهه خدي البامبرز اهو و جبت اللبن بتاع احمد و الاندومي اهو
_طيب هاتيه
جت تاخد الاندومي سحبته منها وجريت وانا بضحك
_لا انا هاخده ليا
_ده انتي نادله انا عايزه اندومي
_قولت لا
_طيب امشي من وشي عشان متزعليش
ايمان_صالح
ضحكت ودخلت المطبخ وبعدها طلعت كانت نيمت احمد قعدت قدامها وحطيت الاندومي
_خدي المعلقه والشوكه اهي ويلا كلي معايا
خدت مني وقعدتا ناكل وبعدها دخلنا الحاجات المطبخ وطلعت قعدت جنبها
_بقيتي احسن
_اهه الحمدلله
_طيب هو خالد زعلك
_لا اتخنقنا مع بعض كالعاده
_ما انتوا بتتخنقوا وتتصالحوا على طول اشمعنا المره دي ټعيطي
_عشان الخڼاقه زادت شويه المره دي وبس انا كده كده هروح بكره
_طيب جبتي معاكي لبس ليكي انتي وأحمد
_بقولك هروح بكره
_يستي عارفه عندنا فرح النهارده هتقومي تجهزي نفسك انتي وأحمد ونروح يلا
دخلت تلبس وتلبس ابنها وانا كمان دخلت عشان البس .
في بيت شاكر
كانت ماشيه بتضحك بشړ
_واخيرا خلصت منك كانت خڼاقه ايه ده انا مفيش مني عشان مش كل شويه تعمل فيها أن مفيش منها عشان معاها الولد .
قعدت والجرس رن راحت فتحت الباب ودخلت ست من سنها وقعدوا
_يا مرحب يا ام سامح عامله ايه
_الحمدلله يا حبيبتي انتي عامله ايه
_الحمدلله ايه سبب الزياره دي
ابتسمت ابتسامه مصتنعه _اخص عليكي انتي عارفه انك حبيبتي وبجيلك دايما
_اهه طبعا يا اختي هتقوليلي
قربت ووشوشتها_الا قوليلي سما كان صوتها عالي مع خالد ليه وايه اللي حصل
لوت بوقها _بت قليله ادب بترد عليه وبجحت فيه
شهقت وضړبت على صدرها _يالهووي ده كله يطلع منها
_اومال ايه راح خالد كشحها بره
_وهي مجنونه بتبجح فيه ليه
_ما قولتلك متربتش اصلا
_طبعا انتي فرحانه
_ان جيتي للحق مبسوطه تستاهل اللي يجرالها
ردت بشماته وخباثه _فعلا أصلها فرحانه بالواد اللي جبته تحسي انه مفيش زيه مع أنه شكله وحش
اتكلمت بحقد_واد واد ايه ام واد دي ده انا بناتي التلاته برقبته
_بناتك !هو فيه في حلاوة بناتك وجمالهم وادبهم ده البلد كلها بتحلف بجمالهم طبعا طالعين ل امهم
قعدت شويه ونزلت وبعدها ام يمنى قامت لبست وراحت عند شقه خالد وخبطت وفتح الباب
_خير يا ام يمنى
_امال فين ام احمد
_عند بيت ابوها فيه حاجه
_لا أبدا كنت عايزاها بس لما تيجي هبقى اجيلها
_لا هي مش هتيجي
اتصنعت الصدمه_ايه
_قصدي يعني مش النهارده عايزاها فيه ايه
_ولا حاجه يا اخويا لما تيجي هبقى اجيلها عشان محتاجاها في موضوع ضروري
_قصدك الفلوس اللي خدتيها منها
لسه هتمشي رجعت تاني واتصنعت الصدمه _ايه ده وعرفت منين دي كانت قايلالي مقولش ليك هي قالتلك
جز على سنانه _اه قالتلي
_طيب حقك عليا يا اخويا اصل يعني أنا هردهم اول ما شاكر يشتغل
_إن شاء الله
ضحكت بشماته وهي ماشيه قفلت الباب واتكلمت
_قال هترجع تاني ده اكيد بېكذب ولا هترجع دلوقتي خليها هناك
________________________________________
بقى هي وابنها بعيد عننا
كانت رؤي خلصت لبس وطلعت لقيت اختها ماسكه ابنها وواقفه
_انتي لسه ملبستيش
عطتها الولد واتكلمت _هدخل البس حالا بس خدي ده
_ماشي يا اختي عدي الجمايل انا هاخده وانزل وانتي تعالي ورايا اه صح انا قولت ل بابا و ماما انجزي بس
خدته ونزلت وقفت شويه وعلي قرب منها
_انتي واقفه كده ليه
_مستنيه سما بتلبس
_اممم طيب وريني القمر ده
خده منها وفضل يلعبه شويه وبعدها اختها نزلت ومشيوا على الفرح دخلوا الفرح وسما و رؤى سلموا على العروسه وبعدها وقفوا في الفرح رؤى كانت واقفه بتضحك وفرحانه اوي وبتصور العروسه و سما بترقص ابنها وبتلعبوا فجاه وصل رساله ل رؤى فتحت الموبيل لقيت مسدچ مكتوب فيها انتي زي القمر النهارده بتمنى تكوني ليا في الوقت ده عشان اقول لكل الدنيا أن القمر ده ليا لوحدي .
بصت للرساله بدهشه حاولت تعرف مين الرقم ده ومعرفتش دخلت على التروكولر ومظهرش حاجه بعدت أفكارها وهي بتبص لقيت علي واقف بعيد وجنبه بنت وبيهزر معاها فيه حاجه جواها خلاها تروح عنده وتعرف هي مين قربت منه بس كانت البنت لفت وشها ومشيت وقفت جنب علي
_مين دي الكانت واقفه معاك ومشيت ليه
بصلها واتوتر وبعدها اتكلم بتردد _هه لا ابدا دي واحده اعرفها وكانت بتسألني على حاجه وكده
_اهه طيب وهي مين
_مش هتعرفيها تعالي نقف مع سما بدل ما هي واقفه لوحدها كده
راحوا وقفوا معاها ورؤى مستغربه هو اتوتر كده ليه ومين دي فيه حاجات كتير بتحس ان علي بيخبي عليها أو ليحاول ده بس فيه ايه هي متعرفش
في بيت والد ووالده رؤى كانوا قاعدين مع بعض
_الا قولي يا ابو سما هنعمل ايه في مصاريف البيت والبت الفتره الجايه
_ولا حاجه ربك يدبرها من عنده
_بس يا اخويا المصاريف كتيره وجامعة البت كتير اوي ومش عارفين هنكمل الترم ده ازاي
_فيه فلوس من الأرض جايه ووقتها نمشي بيها حالنا لحد المحصول ما يطلع
اتكلمت بحزن_بس المحصول لسه فيه فتره كبيره لحد ما يطلع يا حاج
_إن شاءالله ربنا يفرجها متشيلنيش الهم يا وليه
فكرت شويه _طيب بس يا حاج خد الدهب بتاعي ده وبيعه يساعد معانا شويه
اتكلم برفض _انتي اټجننتي يا وليه دهب ايه انتي كلمتيني في الموضوع ده قبل كده وانا رفضت دهبك لا
حاولت تقنعه عشان يوافق واتكلمت بهدوء_ بس يا حاج
_ولا كلمه الدهب ده تنسيه واقفلي عن الموضوع ده عشان بناتك جايين اهم مش عايز فضايح
سكتت بحزن وهي عايزه تعمل اي حاجه عشان بيتهم وحالهم دخلت رؤى وقعدت جنبهم و سما كمان وشغلوا الشاشه وقعدوا يحكوا عن الفرح وجماله وام رؤى بتدعي ربنا يرزق بنتها بالزوج الصالح ويصلح حال بنتها التانيه
تاني يوم كانت واقفه ام يمنى في الشارع مع بناتها وواقفه قصاد السوبر ماركت شايله بنتها على أيدها والاتنين التانين في السوبر ماركت واقفه بتفكر وفرحانه خلاص خلصت منها واقفه سرحانه وبتبص لقيتها واقفه قدامها
_عامله ايه يا ام يمنى
بصتلها پصدمه وشهقت _ايه ده انتي رجعتي
رؤى رجعت المدينه هي و علي وكانت واقفه مع صاحبتها تحت و هتطلع صاحبتها مشيت وهي كانت هتمشي بس سمعت صوت من وراها
_وحشتيني اوي
بصتله بصدمه_ انت
يتبع.....
لقيته وقف قصادي وهو مبتسم ابتسامته غريبه فيها لمعه اول
________________________________________
مره اشوف ابتسامه كده بصتله پصدمه
_ماجد انت تاني !
ابتسم بهدوء _وحشتيني اوي اليومين دول بس عارفه كان شكلك حلو في الفرح كان نفسي اجي واكلمك و
سكت وبصتله بذهول ايه البني ادم الغريب ده هو هو عرف منين و عايز مني ايه انا مبقتش فاهمه حاجه ايه الحيره دي
_انت عايز مني ايه
ضحك واتكلم بهدوء _تصدقي مش عارف بس فيه حاجه فيكي بتشدني كده كل ما ببعد ببقى عايز اقرب تاني فيكي حاجه غريبه و
سكت شويه وبعدها اتكلم
_ومختلفه
معرفتش اتكلم أو ارد عليه كلامه لخبطني وربكني ارتبكت
_ا انا انا لازم امشي حالا
_هشوفك تاني
مشيت بسرعه وانا محتاره ايه ده انا مالي فيا ايه
طلعت على سرير السكن وساره صاحبتي قعدت جنبي
_كنتي فين كل ده يا بنتي انا مستنياكي من بدري
اتكلمت وانا سرحانه _كنت معاه
_مع مين علي
فوقت من الحاله اللي انا فيها _لا علي ايه ده واحد كده ومشي
_يعني مش علي
بصتلها بتركيز _مالك ومال علي ها
اتوترت _لا مفيش حاجه هيكون فيه ايه قوليلي هتحضري محاضرة بكره
_اممم اهربي اهربي المهم اه هروح بكره عايزه اقعد في الجامعه بس بعيد عن المحاضرات بس مش هحضر
_خلاص اشطا ننزل مع بعض وانا كمان مش عايزه احضر
_طيب وسعي كده انا عايزه انام
_طيب نامي يا اختي نامي
خرجت وسابتني وانا كنت بحاول انام وبفكر يا ترى ده عايز يوصل ل ايه
نمت وتاني يوم صحيت على الموبيل مسكته ورديت
_صباح الخير يا لولي
_يادي زفت صباح النور انتي فين
_هكون فين يعني نايمه
اتعصب_انتي بارده كده ليه انتي لسه نائمه لحد دلوقتي
_اه عايز ايه
_مش عندك محاضره
_اه بس مش هحضرها
_فعلا فعلا بارده انا ماشي
_طيب استنى انا اصلا هنزل الجامعه
_خليكي انا عندي محاضره وبعد المحاضره شغل
_يعني هتسبني امشي لوحدي
_اه عادي سلام
قفل معايا وانا بصيت بذهول يا ابن الايه يا علي قومت لبست وطلعت ناديت على ساره
_يلا يا بنتي عشان ننزل
طلعت بلهفه _هو علي تحت انا خلصت اهو
ابتسمت بسماجه_لا يا اختي هو مش تحت انا نازله معاكي بس
_اومال هو راح فين
_كان عنده محاضره ومتأخر .
_اممم ماشي انزلي بقى وانا هخلص واجي وراكي
بصتلها بصدمه_انتي نادله مش كنتي هتنزلي معايا
شوحت بإيدها_ما انا لسه مخلصتش
ضيقت عيوني _بقى كده طيب اعرف صاحبك وعلم عليه
نزلت الجامعه وقبلت بنات وقعدنا مع بعض شويه
في الشارع كانت واقفه ام يمنى مع سما
_ايه انتي فكرتي مش هاجي ولا ايه
اتكلمت بتوتر وبتحاول تداري اللي قالته _لا طبعا انتي كنتي وحشاني حتى انا بس اتفاجات فكرتك هتقعدي النهارده
مع مامتك مش اكتر
ابتسمت بهدوء _لا انا كنت قايله ل خالد اني راجعه النهارده
هزت راسها واتكلمت بخبث_اهه هو أول امبارح كان فيه صوت عالي في شقتكم ليه
هزت راسها بنفي_لا مكنش فيه ده كان صوت التليفزيون
_تليفزيون بس كان زي ما يكون خالد پيتخانق
_ لا مكنش پيتخانق ده احنا حتى كنا قاعدين بنهزر مع بعض
بصتلها پحقد وابتسامه صفره _اهه انتي صح خليكي ناصحه وحيلي عشان ميبصش بعيد
_يبص بعيد ازاي يعني لا طبعا خالد بيحبني
ابتسمت بخبث وقربت منها _انا عارفه طبعا انه بيحبك بس عارفه لو الراجل مرقبتيهوش دايما وقربتي منه هيبص بره
وخصوصا خالد ده كان قبل ما يتجوزك ا ولا بلاش
بصتلها ومركزتش في كلامها _اومال
متابعة القراءة
