عشقت رحيم بقلم اسراء ابراهيم

وانتي واقفة
ملك
المهم انتو تعيشو مبسوطين
روضة سابت إيدها ببطء وطلعت من الأوضة وقبل ما تقفل الباب بصتلها بنظرة ۏجع وقالت
انا اسفة يا ملك بس مش هقدر اسكت واسيبك تدمري حياتك انا هحكي لرحيم علي كل حاجة
ملك وقعت على السرير وهي بټعيط بصوت مخڼوق وقلبها بيتقطع لانها خاېفة من رد فعل مرات عمها عفاف لما رحيم يعرف الحقيقة
..........................
تاني يوم كان الكل قاعد على السفرة تحت عند الجدة محاسن وملك كانت قاعدة في جنب ووشها شاحب وعيونها منفخة من كتر العياط طول الليلاما روضة فكانت قاعدة جنب هشام خطيبها وقلبها بيخبط في صدرها ناوية تتكلم مهما حصل بس متنية رحيم اخوها ينزل
وشوية و نزل رحيم وآخر واحد دخل على السفرة بص على الكل ببرود بس أول ما عينه جت على ملك قلبه وجعه فرجع بسرعة يبص في الأرض وراح قعد جنب عفاف امه
محاسن بنبرة هادية
تعالوا يا ولاد كلو لقمة حلوة الدنيا مش مستاهلة خصام وزعل.
روضة بصت لرحيم بنية إنها تتكلم فاخدت نفسها بالعافية
بس قبل ما تفتح بوقها فجأة رحيم رفع عينه وبص عليهم كلهم وصوته خرج بحدة وقصد
رحيم ببرود 
على فكرة أنا قررت حاجة وأول مرة أخد قرار صح في حياتي ومش هارجع فيه
الجدة محاسن باستغراب
خير يا ابني
رحيم وهو عينه في عين ملك
أنا ناوي أخطب منار بنت خالتي الأسبوع الجاي هروح أنا وأمي ونطلبها رسمي.
اللي حصل بعدها كان صدمة الكل سكت حرفيا والدنيا وقفت حتى صوت النفس اتقطع.
ملك عينيها اتزغللت ودموعها كانت واقفة على طرف رموشها بتحاول بكل قوتها تمسك نفسها فعضت على شفايفها ومنعت شهقة كانت هتطلع
اما روضة اتسمرت مكانها أول ما سمعت عن ارتباطه بمنار اتخضت وبصتله پصدمة
روضة بصوت مبحوح
إيه رحيم بتقول إيه انت بجد هتعمل كدة
عفاف ضحكت ضحكة كلها شماتة وبصت لملك بنظرة سخرية 
أيوه يا حبيبي عين العقل بنت خالتك بنت ناس ومتربية وأهلها ناسنا واللي زيها تشيلك فوق راسها
ملك دموعها نزلت وحاولت تهدي نفسها ولما سمعت روضة بتتكلم وكانت هتقول كل حاجة مدت إيدها ومسكت إيد روضة تحت السفرة وشدتها جامد فروضة بصتلها پصدمة وعنيها بتدمع
روضة بصوت مخڼوق وهي بتقرب منها بهمس
ملك سيبيني أتكلم ماينفعش كدهرحيم لازم يعرف
ملك شدت إيد روضة أكتر وبنظرة كلها قهر ودموع هزت راسها ب لا.... بلاش بالله عليكي اسكتي
روضة عضت على شفايفها وهي بتحاول تمنع نفسها بالعافية قلبها بيتقطع وهي شايفة ملك بټموت قدامها حرفيا
رحيم لاحظ حركة روضة وملك فقلبه وجعه للحظة بس رجع شد نفسه وبص قدامه ببرود
رحيم
أنا خلاص مابقتش مستنى حد اللي باعني يبعد وميرجعش واللي هونت عليه هيهون عليا.
ملك دموعها نزلت ڠصب عنها راحت مسكت منديل من جيبها ومسحت دموعها بسرعة
الجدة بحزن
طب استنى يا ابني وفكر
رحيم وهو بيضحك بمرارة
فكرت يا تيتة فكرت كتير بس خلاص منار كويسة وأمي بتحبها وأهو اللي فات ماټ.
عفاف ابتسمت بارتياح وبصت لملك پشماتة
أيوه يا حبيبياهو كده الكلام ربنا يتمملك على خير
ملك بصت لعفاف بنظرة كلها ۏجع وبعدين بصت لروضة بنظرة رجاء
ملك بهمس وهي بتعض شفايفها
بلاش بلاش تحكي لو بتحبيني اسكتي
روضة دموعها نزلت وهي مکسورة فبصت لرحيم وقلبها بيتقطع
روضة في سرها
إزاي إزاي هتتجوز غيرها وهي هنا قدامك وانت مش شايف غير قهرك
رحيم وقف فجأة وقال بحدة
أنا شبعان هطلع فوق عندي شغل.
مشي رحيم وملك فضلت قاعدة مكانها ماسكة دموعهاو عفاف فرحانة وبتبص ليها بقرف وشماتة
اما روضة فقاعدة مشلۏلة مكانها والدموع نازلة من غير ما تحس
روضة في سرها
قسيت يا رحيم