اسكربت بنات ناس إسراء ابراهيم

لكن احنا احنا ايونا رمانا عشان اتجوز واحدة ملت لسه حساته وخليته يستغني عننا ويرمينا في مدرسة داخلية
عزيزة بشفقةطيب اهدي انا اسفة انا مقصدش والله انا
نيرة بابتسامة باهتة ولا يهمك معلش لو اختي انفعلت عليكي بس هي حقيقي مضغوطة
عزيزة بابتسامة ولا يهمكم يلا غيرو هدومكم الدولاب عندكم وانا هحضر حاجة ناكلها او تتكسفو اعتبرو البيت بيتكم
مشيت عزيزة ووقتها نيرة ومكة ابتسمو لبعض بحزن وكأنهم بيشحنو طاقتهم
مكة پخوف تفتكري هيطلعو طيبين وهنرتاح اخيرا
نيرة بحزن الفكرة اننا مش لازم نتعود علي كدة ولازم نعرف اننا عاجلا اجلا هنمشي يا مكة لانهم مش هيستحملونا كتير
مكة بحزن بس انا ما صدقت لقيت حد ارتاح عنده ومبقاش خاېفة 
نيرة بابتسامة انا جمبك مټخافيش ابدا ومهما حصل انا مش هسيبك يا مكة فاوعي تخافي
ابتسمت مكة بحب ونيرة اللي اتنهدت بحيرة وهي مش عارفة الخطوة الجاية ايه
عدي شهر علي الاحداث اللي حصلت ولاول مرة مكة ونيرة يعيشو مرتاحين كدة وكانت نيرة بتساعد عزيزة دايما وقربو من بعض اوي وكانو مبسوطين اوي بعلاقتهم سوا كانت واقفة نيرة بتعمل الاكل ومكة معاها بتساعدها
مكة بقلق نيرة انا حاسة ان عم طه متغير شكله مضايق اوي وكان زعلان اول ما جه
نيرة باستغراب ليه كدة ممكن يكون حد ضايقه في الدكان هروح اشوف ماله طيب وارجع وانتي خلصي السلطة
خرجت نيرة عشان تشوف طه بس وقفت مكانها لما سمعت اسمها هي ومكة وعزيزة بتتكلم مع ابوها
عزيزة بضيق والناس مالهم بس يا بابا هما مالهم ان مكة ونيرة عايشين معانا يعني مش فاهمة
طه بحزن يا بنتي الناس معندهاش غير الكلام ونيرة ومكة اه من سنك بس برضه هما غرب عني وعايشين معانا واكيد الناس هتتكلم انا بس اضايقت من تلسينهم انهاردة وانا رايح الدكان
عزيزة بحيرة طب وهتعمل ايه يا بابا اكيد مش هنمشيهم يعني دول مالهمش غيرنا
طه بهدوء لا يا عزيزة طبعا اكيد مش همشيهم اهم حاجة بس انتي اوعي تجيبي سيرة ليهم وانا هتصرف واشوف صرفة في الموضوع ده
عزيزة بتنهيدة حاضر يا يا بابا اكيد يعني مش هكلمهم هي دي حاجة تتقال برضه
طه بابتسامة ربنا يباركلك يا بنتي يلا روحي متسيبهمش لوحديهم كدة عيب
رجعت نيرة بسرعة للمطبخ وهي بتمسح دموعها وحاولت تبان طبيعية لحد ما تشوف هتعمل ايه بعد اللي سمعته وعرفته وكان اهم حاجة عندها انها متكونش السبب في اذية الراجل اللي وقف جمبيهم
مكة بهمس وهما واقفين قدام باب الشقة هنروح فين بس يا نيرة ما احنا كنا ارتحنا هنا عاوزانا نرجع للشارع تاني
نيرة بصوت مهموم يا مكة مش وقته خلينا نمشي وبعدين نبقي نتكلم هبقي احكيلك اللي حصل
مكة نفخت بضيق ومشيت مع نيرة اللي فتحت الباب بهدوء وخرجو بسرعة للشارع من تاني وهما مش عارفين هيروحو فين فضلو ماشين لحد ما تعبو فقعدو في جنينة مفتوحة عالطريق السريع
مكة بعتاب ممكن افهم بقي ليه خلتينا نمشي من عند عم طه انا كنت مرتاحة هناك
نيرة بحزن بس هو مكنش مرتاح يا مكة احنا اه ارتحنا عنده بس اكيد مش هنرضاله انه يسمع كلام من الناس بسببنا
مكة باستفهام يعني ايه هو حد قاله حاجة انتي عارفة حاجة يا نيرة
نيرة بتنهيدة لما قولتيلي انه مضايق قولت اروح اشوفه واطمن عليه ووقتها سمعته بيتكلم مع عزيزة وعرفت ان اهل الشارع بيتكلمو عليه عشان احنا قاعدين معاه وعشان كدة قررت اننا نمشي 
مكة دموعها نزلت بحزن وهي بتغمض عنيها