اسكربيت تزوجت عقيم فاحببته كامل بقلم اسراء ابراهيم

بخجل وبدات تلم الاطباق ودخلت المطبخ ووقتها فاتن خدت بالها من طارق اللي كان قاعد سرحان
فاتن بقلق مالك يا طارق يا حبيبي انت شكلك في حاجة شاغلاك حاجة حصلت بينك وبين سما 
طارق بتنهيدة بالعكس يا ماما سما بتتعامل معايا بحب واهتمام مخليني طول الوقت حاسس بالذنب 
فاتن پصدمة ليه كدة والبت طالما شايلاك في عنيها ايه اللي مزعلك بقي دي حاجة تفرحك
طارق بضيق والله حاولت كتير اقرب منها بس مش عارف كأن حاجة بتمنعني ڠصب عني الاقي نفسي بفكر في ايمان ڠصب عني الاقي نفسي بقارنها بيها وبقارن مشاعري ناحيتها بيها انا مش عارف اشوف سما لان ايمان محاوطاني
كانت سما واقفة وسامعة كل حاجة والدموع في عنيها اتمنت لو كانت مخرجتش من المطبخ وسمعت كل اللي قاله طارق عنها قلبها ۏجعها اوي وكانت حاطة ايديها علي قلبها وبتسمع باقي الحوار
فاتن بعتاب لا يا طارق اخس عليك سما متستاهلش منك كدة يعني بدل ما تعوضها عن حبها ليك واهتمامها بيك وانها وافقت بيك في عز ما ايمان سابتك لما عرفت باللي فيك لا يا طارق انت كدة هتضيع سما من ايديك وصدقني لو ضاعت منك هتندم ومش عشان هي بنت اخويا بس عشان بنت حلال وبتحبك فمتستاهلش منك كدة ابدا
طارق بندم والله بحاول يا امي وانا منكرش اني اوقات بحس اني مرتاح اوي معاها بس ڠصب عني برجع افكر في ايمان
فاتن بحدة لما عقلك يفكرك بيها فكره انت انها سابتك لما عرفت بعيبك وانك عايش مع بنت حلال راضية وموافقة تبقي جمبك وانك كدة هتضيعها من ايديك
سرح طارق في كلام امه بس رجع انتبه ليها لما قالتله بسخرية
فاتن بسخرية علي فكرة اتخطبت وهتتجوز قريب عرفت من جميلة صديقة ليا تبقي جارتهم انا عاوزاك تنساها بقي يا طارق وتنتبه لبيتك ومراتك فاهم ولا لا
طارق بان عليه الضيق لما عرف ان ايمان اتخطبت وسما كانت واقفة حزينة اوي وهي شايفة طارق متأثر بخبر جواز ايمان وكانت مش عارفة تعمل ايه
في البيت دخلت سما بهدوء من باب الشقة بعد ما وصلو وكانت هتدخل علي اوضتها علطول بس وقفها طارق بصوته
طارق بسرعة سما انتي كويسة اصلك من وقت ما كنا عند ماما وانتي ساكتة وسرحانة
سما بحزن اه كويسة تصبح علي خير
طارق بلهفة انتي سمعتي كلامي مع امي صح 
سما بحزن انا اسفة والله مكنتش قاصدة بس كنت خارجة وسمعتكم بتتكلمو
طارق بتوتر وعشان كدة زعلانة مني صح 
سما بهدوء لا يا طارق مش زعلانة منك لاني وافقت اتجوزك وانا عارفة انك لسة بتحب طليقتك بس زعلانة من نفسي لاني كنت فاكرة اني ممكن اخليك تنساها وتحبني بس الظاهر كنت غلطانة عشان كدة مش من حقي اني ازعل او اضايق بعد اذنك
طارق بسرعة استني يا سما لو سمحتي اسمعيني انا عارف ان ليكي حق تزعلي بس صدقيني ڠصب عني انا حاول انساها بس للاسف مفيش فايده مش قادر
سما كانت هتتكلم بس فونها رن فهربت من الكلام مع طارق وردت بجدية
سما بهدوء ايوة يا معتز الحمد لله انتي اخبارك ايه انا تمام اه اكيد طبعا نتقابل هناك سلام
قفلت سما وبصت لطارق اللي كانت عنيه بطلع شرار وباين عليه الڠضب
طارق بحدة
مين معتز ده اللي مهم عندك عشان تردي عليه واحنا بنتكلم
سما بتلقائية ده زميلي في الشغل وكان بيسألني هنزل امتي عشان في حجات مهمة عاوز ياخد رأييي
فيها بعد اذنك بقي عشان هصحي