عشق مختلف

كنت عاوزة اتكلم معاك في موضوع مهم
عز بقلق خير يا مريم في ايه
مريم بابتسامة احنا لازم نسيب بعض يا عز
عز بقلق ليه بتقولي كدة يا مريم كل ده عشان مكلمتكيش 
مريم بمقاطعة لا يا عز مش عشان كدة بس عشان انا متأكدة انك مش بتحبني يا عز انا يمكن كنت قربت احبك واتعلق بيك بس اللي خلاني ابعد في علاقتنا هو معاملتك مع حلا
عز پصدمة وتوتر مالها حلا بس باللي بينا يا مريم صدقيني انا
مريم بهدوء انا عارفة انك متقصدش تجرحني يا عز وده لانك انت نفسك مش عارف انك بتحب حلا او يمكن عارف وحاسس بس احساس الذنب من ناحيتي مخليك مش عاوز تعترف لنفسك
عز بحيرة انا مش عارف بصراحة اقولك ايه بس حلا انا طول الوقت كنت بشوفها زي اختي واني انا اللي مربيها
مريم بتأكيد صدقني يا عز انا اتمني اقابل حد يحبني نفس الحب اللي بتحبه لحلا
عز بابتسامة انا بجد مش عارف اقولك ايه يا مريم حقيقي انتي انسانة جميلة وانا مش ندمان اني عرفتك
مريم بتشجيع اهم حاجة انك متضيعهاش من ايديك يا عز وتخليها تروح منك واقولك علي سر اصلا هي خسارة في الواد احمد ده
ضحك عز بخفة وقفل مع مريم ووقتها ابتسم بتلقائية وكأنه فعلا فهم حقيقة مشاعره ناحية حلا او بالمعني الادق دلوقتي قادر يعترف لنفسه انه بيعشقها
تاني يوم كانت قاعدة حلا بضيق وهي مستنية مكالمة احمد عشان تخرج معاه زي ما اتفق مع امها وشوية وجرس الباب ضړب فقامت تفتح وهي معتقدة انه احمد بس اتفاجأت بعز 
حلا بتوتر اهلا يا عز اتفضل ماما جوة 
عز بابتسامة انتي كنتي رايحة في حتة 
حلا بتنهيدة خارجة مع احمد وانا اصلا مستنياه من بدري و
عز بثقة لا مټخافيش هو مش جاي انا كلمته ونهيت كل حاجة معاه 
حلا پصدمة واستغراب نهيت كل حاجة ازاي انا مش فاهمة
عز بابتسامة جذابة وهو بيقرب من حلا يعني قولتله ان خلاص كل شئ قسمة ونصيب وانك هتتجوزي
حلا بتهتهة اتجوز مين وازاي
عز بهيام انا يا حلا اصل انا اكتشفت اني بحبك واني للاسف مش هقدر اسيبك لغيري
حلا پصدمة وفرحة وعتاب في نفس الوقت انت لسة مكتشف فجأة كدة انك بتحبني يا عز ازاي اصلا ثم مريم انت هتسيبها
عز بعشق مريم هي السبب في اني اعترف لنفسي اني بحبك انا كنت دايما بسأل نفسي ليه بعمل معاكي كدة ليه بتجنن لما بشوفك مع احمد وليه دايما بحس انك ملكي تخصيني انا وبس بس كنت اجبن من اني اعترف لنفسي اني بحبك
حلا بدموع فرحة انا كنت زيك لحد ما انت خطبت ووقتها اتأكدت انك مش شايفني يا عز كنت طول الوقت بستني اللحظة اللي تعترفلي بيها انك بتحبني صدقني انا حبيتك من قبل حتي ما اعرف يعني ايه حب
عز بسعادة تعرفي اني حبيتك اكتر دلوقتي واجمل احساس مريت بيه هو لما عرفت انك انتي كمان بتحبيني ومن قبل ما انا احبك وعشان كدة مش هتبعد عني تاني يا حلا
تمت