اسكريبت بقلم ريهام حمدي

حوالي 4 شهر وانا بتجاهل اي احاسيس جوايا أو مشاعر حتي لو بضعف اوقات واعيط بس مباخدش اي خطوه تجاه اكرم جزء بيكابر وجزء بيعيط واهي ماشيه ركزت ف مذاكرتي وحاولت اشغل كل وقت ف يومي بس برضه بفتكر مواقف لاكرم وابتسم تلقائي حتى احلامي مستحوذ علي جزء كبير منها اعتراف اعترفته لنفسي بس مقدرتش اقوله لحد وف يوم قررت اخرج مع صحابي بليل استأذنت بابا مع تأكيد ليه اني مش هتاخر لبست فستان صك اسود وفيه نجوم سيلڤر وطرحه سودا صغيره متعدتش رقبتي وطبعا ميكب كعادتي 
روحنا كافيه جميل علي النيل 
اتبسطت وشوفت اعجاب ف عيون ناس كتير بس شوفت نظرة اسف وزعل من اكرم كانت كفيله توترني وأيدي ترتعش اخدت شنطتي ودخلت التويليت وانا بتنفس بسرعه وإحساس بالخۏف مبهم جوايا لعنت الميكب لأن لولاه كنت غسلت وشي يمكن كنت هديت شويه غسلت ايدي وانا بطمن نفسي أن كل حاجه كويسه
خرجت ملقتش صحابي مسكت الفون اتصل بيهم بس قبل ما اتصل واحد جه قصادي 
صحابك فوق منتظرينك 
بصيتله باستغراب هو حضرتك تعرفني !
ابتسم ببساطه لا هما بلغوني اقولك أنهم فوق تقريبا عاملين ليكي مفاجأه 
ابتسمت وطلعت للدور اللي فوق يدوب سلمتين ومحستش غير بمنديل علي وشي وبعدها غبت عن الوعي
بعد مده 
حاولت افتح عيني بس الرؤيه كانت مشوشه بس اتفاجئت ب اكرم ادامي حسيت أنه حلم ف ابتسمت وانا بغمض عيني من تاني 
بصلي بسخريه ي عيني ملاك نايم ف وسط الزباله 
فتحت عيني وأدركت أنه مش حلم وببص حواليا للمكان المقزز و الضلمه 
واكرم وشه متبهدل وكدمه زرقا ف خده
انا اي

اللي جنبي هنا
رد بغيظ أمي 
انا كنت طالعه لصحابي و.
طبعا وهما هيلاقوا حد أعبط منك يضحكوا عليه ويخطفوه
هو انا اتخطفت !
ضحك تخيلي واناجيت انقذك والحمدلله اتكتفنا احنا الاتنين 
بما اننا اتخطفنا وھنموت بسببك وكدا مش عايز تقول حاجه 
بسببي ! ولا بسبب الميكب الأوفر والهدوم الضيقه المليانه استرس ولا اكنك عروسة المولد 
انا عروسة مولد ي اكرم !
اهي سابت المشكله ومسكت ف التفاهات 
بجد وحش الفستان 
بص بعيد جدا مش حابب حتي ابصلك 
قررت اعانده لعلمك بقا مليون واحد ف الكافيه كانوا بيبصولي 
دا شئ مخزى ليكي للاسف مش ف صالحك خالص 
سكت ودموعي نزلت 
اتنهد بضيق بطلي عياط من يوم ما عرفتك وانتي كل مشكله ټعيطي ع أساس تصعبي علي اللي عملك المشكله ! انتي اصلا سبب المشاكل 
عياطي زاد ومردتش عليه 
ابتسم وبصلي إن شاء الله لو طلعنا من المكان دا هنفخك ع دموعك اللي ملهاش صحاب دي 
يعني ممكن منطلعش من هنا 
كله بايد ربنا 
اكرم 
رفع عينه وبصلي 
بماننا ممكن منطلعش ومش هشوف تاني ف انا يعني كنت عاوزه اعترفلك بحاجه
اتفضلي 
بصيت ف الأرض بزعل انت كنت صح ف رايك وانا اللي غبيه بعاند لمجرد اني افرض رأيي انا اسفه
يعني
زودتي الميكب وأڤورتي ف لبسك اكتر طول الشهور الي فاتت بسبب غبائك 
اعمل ايه بحبك 
طلعت مني تلقائيه وشتمت نفسي عليها مليون مره 
ضحك ي غبيه هانم اللي بيحب مبيعاندش كدا يخربيت كدا حتي غبيه ف مشاعرك 
بصتله بمكر ثم انك عرفت أن زودت ميكب اذاي 
بصلي ومردش عرفت أنه كان بيراقبني ومنسنيش ضحكت ومبصتلوش تاني فضلت استغفر علي امل نخرج من المكان دا
الدنيا دي ممكن تنتهي ف لحظه من غير اي مقدمات انت اللي بتختار عاوز تنهي حياتك علي ايه! 
ربنا كرمنا والبوليس انقذنا وخرجنا لقيت بابا وصحباتي بيعيطوا لأنهم مشيوا وفكروني هحصلهم 
حضنت بابا وانا اخيرا رجعلي احساس الامان 
حمدالله علي سلامتها ي عمي محمد 
الله يسلمك ي اكرم ومتشكر انك حاولت تحمي منه 
مفيش شكر بنا ي عمي انا.. انا عاوز اتجوز منه 
ابتسم وبصلي بس ي بني انتو سبق واتخطبتوا ومتفقتوش 
لا مهو مفيش خطوبه ولا حاجه احنا هنكتب الكتاب علطول 
بصتله بزهول لا انا ..
خبطني ف كتفي وهمس لو موافقتيش هقوله انك قولتيلي جوا انك بتحبيني 
تنحت ها!
وهقوله انك كنتي
حطيت ايدي ع بوقي ي نهار لا محصلش 
ها ي منون ايه رايك 
مم موافقه ي بابا 
غمزلي شطوره ي قلبي حاليا مفيش دبله تخلعيها ولا ملكش دعوه اللي فلقتيني بيها 
ابتسمت من غير ټهديد والله انا اصلا مش هعرف اكمل غير بيك 
موعوده بيك تبقي انت بختى وقسمتى وموعوده بيگ من قبل ما تقابل معاگ
تمت 
R H
ريهام حمدي