اسكربيت عشقي الابدي بقلم اسراء ابرهيم

لمس قلبها وخلاه يدق جامد
نادية كانت في اوضتها رايحة جاية پغضب ومعاها رباب اللي كانت بتحاول تهديها قبل ما اياد يجي وقالتلها بتنهيدة
تعبتيني يا نادية ما تقعدي بقي خيلتيني
نادية وقفت مرة واحدة وردت علي رباب بغيظ وقالتلها 
عايزاني اهدي واقعد وابني جايبلي مصېبة انا مش عارفه ايه اللي جراله انا اللي غلطانة مكنش لازم اخليه يقعد كل ده برة ما الشغل هنا قد كدة بس اقول ايه انا السبب
رباب قامت ووقفت قدام نادية وقالتلها بهدوء وعقل 
اسمعي من ابنك يا نادية انتي عارفة ان اياد عصبي ومش بيحب حد يقوله اعمل ايه فهميه براحة عشان يسمعلك وعرفيه الاصول ايه
كانت لسة نادية هترد بس قاطعها دخول اياد اللي كان عارف ان امه مش هتتقبل موضوع جوازه من ديما بسهولة كدة فاتنهد بضيق واتكلم
خير يا امي حضرتك طلبتي اني اجيلك ليه
ردت نادية پغضب وهي بتشاورله علي الباب وبتقوله بعصبية مقدرتش تتحكم فيها 
انت كمان ليك عين تسألني عايزاك في ايه بعد المصېبة اللي داخل عليا بيها
رباب حركت راسها بيأس وقالت لنادية بغمزة 
احنا قولنا ايه بس يا نادية
ابتسم اياد بسخرية ورد علي رباب مرات عمه وقالها 
وليه يا طنط سيبيها تطلع اللي جواها مرة واحدة انا كنت عارف ان جوازي من ديما لازم هيكون في مشكلة عشان كدة جيبتها معايا وقولت تتعرف عليكم
اضايقت نادية من رد اياد البارد عليها وقالتله بعصبية 
انت هتجنني يابني جيبت مين معاك دي واحدة مالهاش اهل يربوها عشان كدة سايبينها كدة لاي حد
اياد رد بڠصب وهو بيقعد قدام امه ومرات عمه 
امي لو سمحتي متتكلميش عليها كدة
نادية بصت لرباب پصدمة ورجعت بصت لاياد وقالتله بحدة
تمام يا اياد بس انا بعرفك البنت دي لو اتجوزتها انسي ان ليك ام واعتبر نفسك قاعد في اوتيل وتقعد هنا يومين انت وهي وبعدين خدها وارجع مكان ما جيت ووقتها مش عايزة اشوف وشك تاني فعلا يا خسارة تربيتي فيك
خرجت نادية بعد ما قالت كلامها وسابت اياد اللي غمض عينه پغضب وحط وشه بين ايديه بحيرة وهو مش عارف يعمل ايه وحست بيه رباب اللي قامت من مكانها وقعدت جنبه وطبطبت علي كتفه وقالتله بهدوء
معلش يا حبيبي متزعلش من امك انت عارف ان قلبها ابيض وبيصفي بسرعة
رفع اياد وشه وهو بيتنهد بضيق ورد علي رباب وقالها بحيرة
انا مش عارف هي معارضة جوازي من ديما ليه انا بحبها وهي كمان بتحبني ليه متوافقش وتخليني اختار شريكة حياتي
ابتسمت رباب وردت علي اياد بعقل وحكمة وهي بتبصله بثقة
مش هتفهم ليه غير لما تكون اب يا اياد احيانا احنا كأمهات وابهات لما بنشوف عيالنا ببختارو غلك وماشين في طريق اخرته سد بتصرف بتلقائية وبنحاول نمنعهم ميكملوش عشان ميتعبوش في الاخر وامك بتحبك وخاېفة عليك من اختيارك
قام اياد بعصبية واتكلم بانفعال وهو بيبص لرباب 
وتخاف عليا ليه انا مش صغير وانا اللي هتحمل نتيجة اختياري ثم مالها ديما هي حتي محاولتش تتعرف عليها عشان تعرف هي كويسة ولا لا
اتنهدت رباب وردت بهدوؤدء وهي بتشاور لاياد يقعد 
اقعد الاول واسمعني كويس يا اياد انت عارف اني طول عمري صريحة ومش بحب اللف والدوران
انت يا حبيبي عشان بتحبها فمش شايف انها مش مناسبة ليك وعمرك ما هتشوف ده لكن انا كأم لو حطيت نفسك مكانها الاقي خالد جايلي بعد سفر غربة 8 سنين وجايبلي واحدة في ايديه لا ليها اهل ولا اصل وبيقولي ده
انا هتجوزها طيب ازاي ومطلوب