اسكريبت دبلة ومليون خناقة كاملة بقلم أية الڤرجاني

الشهور بينهم بخناق مستمر كل حاجة كانت سبب لمشكلة وكل مشكلة كانت سبب لتحدي جديد بس رغم كل ده كانوا بيتعودوا على بعض أكتر الخناق بقى عادة والزعل بقى مؤقت والغلاسة بقت نوع من أنواع الاهتمامف
عامر بقى متعود على رزالتها ورنا بقت متعودة على طريقته اللي كلها تحكم وعند كان كل ما يحاول يفرض رأيه عليها ترد عليه بطريقتها المعتادة
مش عشان إحنا مخطوبين يعني هتبقى وصي علي!
وهو كان دايما يرد بنفس الأسلوب 
أنا وصي ڠصب عنك فاهمة
ورغم إن كلامهم كله شد وجذب بس كل واحد فيهم بقى عارف إن التاني بقى جزء من حياته
وفي يوم رنا دخلت البيت لقت والدتها قاعدة مع والدة عامر وبيتكلموا بحماس غريب أول ما شافتها أمها ابتسمت وقالت 
أخيرا جيتي كنا لسه بنرتب ترتيبات الفرح
رنا اتجمدت في مكانها عينيها وسعت وقالت بدهشة
فرح إيه!
والدتها ردت ببرود كأنها بتتكلم عن حاجة بديهية فرحك انتي وعامر مش معقول يعني تفضلوا مخطوبين العمر كله
رنا كانت لسه مستوعبة الصدمة لما تليفونها رن شافت اسم عامر فتحت المكالمة بسرعة وقالت قبل ما يسبقها
قولي إنك سمعت المصېبة دي
ضحك على الجانب الآخر وقال بنفس النبرة الساخرة المعتادة
سمعتها ولسه بحاول أستوعب زيك بس بما إننا في المركب سوا عندك خطة نهرب بيها ولا هنستسلم
رنا أخدت نفس عميق وبصت لوالدتها اللي كانت بتتكلم عن قاعة الفرح وبعدين ردت وهي بتحاول تتحكم في ضحكتها
أعتقد الاستسلام هو الحل الوحيد
قاعدين جنب بعض في الكوشة شكلهم عريس وعروسة في يوم العمر بس الحقيقة إنهم أكتر اتنين مهيئين لخناقة القرن بدل فرح الأحلام عامر بيتنحنح وهو بيظبط المنديل بتاع بدلته وبص لرنا اللي قاعدة مكشرة
عامر 
اقعدي عدل وافردي وشك ده فرح مش جلسة تحقيق
رنا ببرود 
أهو قاعده كده وعاجبني عندك مشكلة
عامر زفر وهو بيهمس
آه عندي أول عروسة تقعد مكشرة في الكوشة كأنها قاعدة في انتظار نتيجة الامتحانات
رنا رفعت حاجبها بتحدي
وأول عريس ينقط عروسته بالكلام كأنها شغالة عنده في المكتب!
عامر
طب نعدي الليلة دي على خير
رنا بابتسامة جانبية
لو بطلت تنقطني!
عامر ابتسم نص ابتسامة ومد إيده يمسك إيدها بس فجأة حس بحاجة بتتسحب من على دماغه! الطرحة لا لطوق آه الطوق طار من مكانه ووقع على وشه وهو شهق بصوت مسموع وسط الدوشة وبص لها پصدمة
عامر 
إيه ده! انتي بتهاجميني في فرحنا!
رنا اټصدمت وهي بتحاول تكتم ضحكتها
كنت بعدل الطرحة والله العظيم!
عامر مسك الطوق ورماه على جنب 
لما تحبي تعملي تعديل هندسي تاني عرفيني الأول عشان ابقى أخد ساتر!
رنا اڼفجرت ضحك بس الضحك قلب غيظ لما عامر قرر يرد الصاع وقام بهزار خبط على طرحتها تاني فوقعت أكتر وهنا بقت حرب
رنا قامت زقت عامر على خفيف عامر ضحك وقال إيه ده هتضربيني في الفرح
رنا 
متلمسش الطرحة تاني يا بني آدم!
عامر بتحدي
طب ولو لمستها
رنا قامت ضړبته على دراعه ضړبة خفيفة بس هنا الدنيا ولعت عامر رد عليها بزقة خفيفة وهي ردت بقرصة وهو رجع شدها من دراعها بهزار وهوب الطرحة وقعت وبدلة العريس اتكرمشت ووسط كل ده الكاميرات شغالة والتصوير شغال والعيلة مصدومه
فجأة الشباب اللي معزومين بدأوا يهتفوا ويصفروا وقرروا يدخلوا في الحدث قاموا شدوا عامر وبدأوا يهزوه بهزار ورنا طبعا مقعدتش ساكتة قامت زقتهم وهي بتصرخ
رنا بخضه 
سيبوا جوزي يا حرامية! بتعملوا في الراجل اي
عامر وسط الدوشة
إنتي بتزعقي ليه ده أنا العريس المفروض أزعق مسمعش صوتك
رنا بتحلق طرحتها من الأرض
أهو أنا اللي بزعق عاجبك ولا لا مش شايف بقيت عامل ازاي
وهنا فجأة المزيكا اشتغلت والدي جي قرر إنه لازم ينقذ الوضع والزفة بدأت قبل ما حد يلحق يفهم اللي حصل
عامر وهو بيتشد للزفة وهدومه متكرمشة
إحنا رايحين فين
رنا وهي بتحاول تظبط شعرها 
واضح إننا بندخل التاريخ كأول عرسان يتزفوا متبهدلين ههههه لا دي من عندي
والكاميرات شغالة والضحك مالي القاعة وأهو فرح بقى تريند عالمي
الكوشة متبهدلة بوكيه الورد متقطع على الأرض طرحة العروسة مشقوقة من طرفها والورد اللي في شعرها متطير في كل حتة أما العريس.. فحدث ولا حرج البدلة كانت سودة وبقت رمادي الكرافتة في مكان مش معروف ومشابك الزرار طايرة وشكله عامل زي اللي كان في معركة مش فرح!
الفرح في قمته والمزيكا شغالة بس بدل ما الناس تهتف مبروك بيهتفوا وهم بيضحكوا
ادخلي برجلك اليمين يا عروسة بس سيبي العريس في حاله.. كفاية اللي حصل
العروسة داخلة وهي شبه عمود الإرسال.. شعرها واقف من كل ناحية الكوافير قاعد في جنب القاعة بيعيط بحړقة على اللي حصله لشغله وأم العروسة مغمى عليها في الكوشة من الصدمةوأبو العريس ماسك راسه ومستني الفرح يخلص بأي طريقة
عامر بص لرنا وهو بيحاول يظبط الكرافتة على دراعه بدل رقبته
حلو كده ولا تزغطيها شوية كمان
رنا رفعت حواجبها وهي بتبص على نفسها في مراية الموبايل
أنا مش عروسة أنا إعلان لمنتجات توصيل الكهرباء المباشر
وفجأة وسط الهيصة حد بيهتف من وسط الضيوف
حد يشغل أغنية مبروك بسرعة قبل ما العريسين يقلبوا بعض تاني خلينا نخص المسرحيه دي
المزيكا تشتغل والعريس والعروسة يبصوا لبعض.. وبعدين ينفجروا في الضحك وهوب.. يترزعوا على الكوشة وهم بهدلتهم مكملة بس المرة دي.. الضحك كان من القلب
وسط الضحك والهزار فجأة الكهربا تقطع والقاعة تبقى ضلمة والناس تهمس پخوف..
صوت من وسط الضيوف
إيه دا حد نسي يدفع الكهربا ولا إيه!
وفجأة نور الموبايلات ينور وكل الكاميرات مرفوعة واللقطة الأسطورية بتتسجل 
عامر واقف على الكوشة شكله مكركب بس ضحكته واسعة رنا جنبه مش فارق معاها الطرحة المشقوقة ولا المكياج اللي باظ بتضحك برضه وهما ماسكين إيدين بعض ومن وسط الزحمة حد بيهتف
عريس زي دا يتكهرب برضه!
الناس ټنفجر ضحك والأغاني ترجع تشتغل والنور يرجع مرة واحدة.. بس بدل ما الدنيا تهدى عامر فجأة يلاقي نفسه شايل رنا على كتفه زي أبطال المصارعة وهي بتصرخ
عامر نزلني يا بني آدم دي ليلة العمر مش حلقة في WWE
عامر يضحك يقرب من ودنها وهم بينزفوا وسط الناس ويهمس بصوت كله تحدي
هقولك إيه مبروك علينا.. حرب العصاپات الرسمية والفرح الخيالي 
والقاعة كلها تهتف بصوت واحد
مبروووووووك
النهاية