اغرب صدفة بقلم اسراء ابراهيم

يأكل معاهم سميحة جت قعدت جمبه وكل شوية تبصله لكن أمير كان باصص في طبقه
سميحة بصوت رقيق_ أخبار الشغل إيه يا ميرو
أمير كح أول ما سمع ميرو وأهله كتموا الضحك بالعافية
أمير_ ميرو اها الشغل كويس شكرا على سؤالك
وقال _ هطلع ألبس عشان منتاخرش عالميعاد
سميحة في سرها_ مستعجل أوي عليها دي أكيد عملاله عمل
وأهله طلعوا يلبسوا هما كمان
سميحة قررت تروح لأمير تتكلم معاه وخبطت على اوضته ودخلت
أمير كان لبس وبيحط برفان اللي ريحته خطفت قلبها وسلبت عقلها
أمير_ خير يا سميحة ومش روحتي تلبسي ليه
سميحة قربت منه وقالت _ عايزة اتكلم معاك ضروري
أمير_ اتفضلي بس بسرعة
سميحة_ أنت ليه اتغيرت معايا ومبقتش زي الأول كنت دايما جانبي وواقف معايا وكنت بتهتم بيا ودايما مع بعض ده كله نسيته معقولة مش حبيتني ولو شوية صغيرة
أمير_ ومين قال إني مش بحبك لو مكنتش بحبك مكنتش اهتميت بيكي ولا وقفت جمبك لأنك ياسميحة أنتي أختي اللي أمي مش جابتها لأني كان نفسي في أخت ألبي ليها كل طلباتها وادلعها واشجعها بس أمي مخلفتش بنات فأنا اعتبرتك أختي الصغيرة الامورة بس أنتي إللي فسرتي اهتمامي بيكي غلط أنتي أختي وبس يلا بقا روحي البسي عشان تشوفي عروسة اخوكي
سميحة طلعت وهى مليانة ڠضب وزعلانة 
سميحة في سرها_ هتشوف يا أمير هتكون ليا لو بالڠصب أنت محبتنيش بس أنا حبيتك وأنا مش هسيبك لحد 
وبعياط_ ليه محبنيش أنا صدقني أنا بحبك يا أمير ليه مش حاسس بيا 
ومسحت دموعها وقالت_بس ميمنعش إني اروح أشوف المحروسة اللي سرقتك مني
ودخلت اوضتها تلبس عشان تروح معاهم
خلصوا وركبوا عربية أمير وفي طريقهم لبيت سولافا
سولافا بتجهز الضيافة مع مامتها وكانت لبست والجرس رن وآدم راح يفتح واستقبلهم ورقية دخلت رحبت بيهم وسولافا دخلت بعدها بالضيافة وقعدت جنب أخوها وأمها
ماجدة بصت لماجد وقالتله بصوت واطي_ بسم الله ما شاء الله جميلة أوي
ماجد_ فعلا ربنا يسعدهم
سميحة قاعدة مضايقة وعمالة تبص ليها بقرف وسولافا خدت بالها منها وأمير باصص لسولافا نظرات حب
سولافا مكسوفة منه_ يابني بص الناحية التانية هيغمي عليا
ماجد_ احم احنا جايين النهاردة ولينا الشرف إننا نطلب إيد بنتك سولافا لابني أمير
رقية_ وأنا يسعدني إني أدي بنتي ليكم ولراجل هيحافظ عليها وبصت لأمير لأنه محترم وجدع بجد وانتم عيلة طيبة
ماجدة_ تسلمي يا حبيبتي كلك ذوق
رقية_ طب أشوف رأي سولافا
أمير بص لسولافا ومبتسم
سولافا_ اللي تشوفيه يا ماما
ماجد_ يبقى على بركة الله بكرة هنلبس الدبل وآخر الأسبوع يبقى كتب الكتاب والفرح بعد لما تخلص آخر ترم ليها في الجامعة
أمير كان طاير من الفرحة إن صدفة تعمل كده في حياته..ماجدة قامت سلمت على رقية وراحت حضنت سولافا وسميحة كانت ماسكة دموعها بالعافية وسلموا عليهم وقاموا عشان يمشوا..سميحة قربت من سولافا وداست على رجليها..سولافا اتالمت وبصت ليها
سميحة_ سوري مخدتش بالي وقربت عليها
بكل شرر وقالت_ مش هسيبك تتهني بيه فاهمة
سولافا بصت ليها پصدمة وسميحة كملت _ لأني مبسبش حاجة تخصني وملكي بس عشان أنا طيبة هسيبك تعيشي الدور يومين بس مش هخلي فرحتك تكمل 
وبصت ليها بقرف ومشيت
سولافا واقفة مصډومة ومش عارفة تعمل إيه معقولة الكلام اللي سمعته ده معقولة في حد في قلبه الحقد والشړ ده كله وبس مش عارفة تعمل إيه تقول لأمير ولا تنهي الموضوع قررت تدخل تصلي استخارة وتدعي إن ربنا يبعد عنها كل شړ ورقية قعدت في الصالون ومبسوطة عشان
بنتها وأخيرا هتفرح بيها وآدم دخل يذاكر وسولافا قاعدة بتفكر ولكن قررت تسيبها على الله وتقوم تنام وبكرة تشوف إيه اللي هيحصل
أمير وصل البيت هو وعيلته ودخلوا وهما مبسوطين ماعدا سميحة هى اللي مضايقة ودخلت على اوضتها
ماجدة_ بجد أنا مبسوطة أوي سولافا جميلة وطيبة أوي ومبسوطة إنها من نصيبك وأمها طيبة أوي وست ذوق بجد
أمير باس إيد مامته وقال_ ده بسبب دعواتك ليا يا جيجي
ماجد_ محدش يدلع حبيبتي غيري ياض أنت
أمير بضحك_ على فكرة أنا ابنها مش واحد من الشارع وابنك أنت كمان لو مش واخد بالك
ماجد_ أنت أحلى ابن ربنا يسعدك يا حبيبي ويفرحك
أمير_ تسلم يا جوجو يا حبيبي
سامي_ وأنا مش أحلى ابن ولا إيه
ماجدة مسكته من خدوده_ أنت أحلى وأجمل ابن يا روحي
سامي_ عارف يا ماما يا عسل 
ودخل اوضته يذاكر وينام وأمير طلع اوضته وهو مش مصدق إن بكرة خطوبته على حبيبة قلبه واترمى عالسرير وهو مبتسم وبيفتكر شكلها وانها كانت مكسوفة
ماجد مسك إيد ماجدة_ يلا يا أحلى حاجة في حياتي ومنوراها ويلي احتليتي قلبي وقاعدة مربعة فيه ندخل اوضتنا
ماجدة_ يلا يا حبيبي يا أبو عيالي يلي واخد قلبي وعقلي يا أجمل إنسان في حياتي
سميحة قاعدة في اوضتها وبتفرك من الغيظ_ صدقيني يا سولافا مش هسيبك تتهني بيه هو ليا لوحدي وأنا اللي حبيته قبلك وهيكون ليا لوحدي بس مش مشكلة اسيبك تفرحي يومين وبعد كده هشقلب حياتك
تاني يوم بيجهزوا للخطوبة وكانت واحدة بتجهز سولافا اللي قلقانة وخاېفة من كلام سميحة بس قاعدة بتستغفر وتدعي اليوم يعدي على خير
وأمير كان بيجهز ومبسوط ومش مصدق امتى يروح ويشوف قمره وأهل أمير كلهم جهزوا وركبوا وفي طريقهم للبيت وسميحة كل شوية عمالة تتنح في أمير وأمير ولا معبرها أصلا وصلوا بيت سولافا والشبكة في ايده وطلعوا والمعازيم كانت موجودة 
وسولافا لسه في غرفتها وقلبها بيدق ومبسوطة
آدم دخل لأخته عشان يطلعها لعريسها
آدم_ إيه القمر ده ربنا يبارك هتخطفي عقله بجمالك ده
سولافا_ يا حبيبي أنت اللي عيونك جميلة
آدم_ تسلمي ياقلب اخوكي بس انتي فعلا جميلة 
وخدها طلعها برا
أمير أول ما شافها وقف وسرح في جمالها وقال في سره أروح أخبيها عن عيون الناس يعني ولا اعمل إيه بحلاوتها دي ولا اخطڤها واجري 
سولافا راحت وقفت جنبه وهى مكسوفة
أمير وطى عليها_ وقال إيه القمر ده بس
سولافا بكسوف_ تسلم ده من ذوق حضرتك
ماجدة_ يلا عشان نلبس الدبل يا عرسان
أمير مسك الدبلة ورايح يمسك ايدها
سولافا قالتله_ ممكن تخلي مامتك هى اللي تلبسني الشبكة
أمير_ ابتسم وقال من عنيا
سولافا_ تسلم عيونك
أمير بص لمامته وقال_ تعالي يا ست الكل لبسيها الشبكة
ماجدة بحب وفرحة_ حاضر يا حبيبي من عنيا
وراحت لبست سولافا الشبكة والزغاريط اشتغلت وأمير لبس نفسه دبلته
أمير قال لسولافا_ تخليها دايما في ايدك أنا مبسوط أوي إن دبلتي في ايدك
سولافا_ حاضر مش هخلعها أبدا
أمير_ يحضرلك الخير
وفجأة دخل خطيبها السابق 
سولافا بزعيق_ أنا مش خطيبتك كنت يا سمير ولا سمحت اطلع برا 
سميحة كانت واقفة مصډومة إن الخطوبة هتتفركش 
سمير بص يشوف مين اللي ضربه لقي أمير وعينه حمرا من الڠضب
أمير بغضب_ أنا ساكتلك من بدري عشان أنا بيت الناس المحترمة دي إنما تتمادى في الغلط وتتكلم على خطيبتي كده لأ عندها كده وتقف لأنها خط أحمر فاهم 
سولافا كانت واقفة بټعيط وأمير كان مضايق أوي لأنه مش عارف يروح ويطبطب عليها
ماجدة ورقية حضنوا سولافا وبيهدوها_ خلاص بقا أمير ضربه ومشي
سمير
نزل وركب عربيته ولسه هيمشي بيها لقي حد بيخبط على شباك العربية
سمير نزل الازاز وقال_ نعم وأنتي مين مش فاضي ليكي
سميحة_ أنا جاية لمصلحتك
سمير رفع حاجبه
وقال_ مصلحتي!
سميحة بسرعة_ ولمصلحتي أنا كمان أنت عايز سولافا وأنا عايزة أمير خلينا نساعد بعض
سمير بتفكير_ ماشي هاتي رقمك وهتصل عليكي بكرة وهفهمك نعمل إيه
سميحة_ ماشي وادته