اسكريبت لا اريد ان ينتهي بقلم احلام عاصم

تفتكريني تلاقيلي حاجه حلوه تبتسمي عليها حتى لو بينك و بين نفسك.
مسموح إني أقوله إني كل لحظه معاه حلوه حتى لو مكنتش ذي ما أنا بحب!
هنعمل إيه دلوقتي
هنتمشى.
نتمشى ل فين
أبتسم و هو بيشبك إيده في إيدي لآخر الدنيا.
كنا الأول ساكتين بس بعد كدا بدأ يعلق على حاجات و ناس شايفينها في الشارع نسيت كل الكلام إلي قولته لنفسي عشان مديهوش وش و أديني دلوقتي بتنمر و بحكي معاه و ضحكت مسمعه في مصر القديمة كلها.
أموت أنا في ثباتي على موقفي بمۏت من الضحك بجد عليه.
رايح فين
أقعدي هنا وراجعلك.
لاء هاجي معاك.
أبتسم و هو بيمسك إيدي طب تعالي.
وقفنا عند بتاع غزل البنات بصتله و أبتسمت عمو بدأ يلف غزل أحمر فقاطعه عايزه أبيض.
أتحركنا ف أداني الكيس بتاعي فأتكلمت و أنا مستغربه قولت ليه عايزه أبيض
عشان إنت بتحبيه ټموتي كدا و تبقى عكس الطبيعه.
ضحكت و أنا بسأله من جديد بجديه بس برضو عرفت إزاي
لما كنا مخطوبين و كنت عندكم في الشقه سيلا بنت أختك جابتلك إتنين غزل بنات ف أخدت الأبيض.
أتكلمت بحماس إنت إزاي فاكر التفصيله دي
أنا عمري ما نسيت تفصيله تخصك يا أحلام لأنك دايما كنت متميزة بتفاصيلك و طريقتك في حب الحاجة كل حاجة فيك عاطفيه يمكن أنا مش بقدرك بس بحبك بحبك بطريقتي.
بس مش دي الطريقه إلي بفضلها في التعبير عن الحب إنت أه لما أتعب بتنزل تجبلي الدواء فى لحظتها و بتفضل جمبي لحد ما أخف بس مبتقوليش حاسه بإيه
طب احسن دلوقتي محتاجه حاجه
أنا ضعيف في التعبير عن حبي بلساني.
بس أنا بحب أسمع.
دي فعلا مشكلتنا مشكلتنا إلي عمرنا ما اتكلمنا فيها لحد ما وصلنا لنهاية
لكل واحد فينا طبع و لكل واحد فينا طريقه في تقديم الحب و استقباله وارد إننا نكون مختلفين كل واحد محتاج طريقه معينه عشان يحس إنه محبوب كل واحد فينا احتياجه و تعبيره عن الحب مختلف طب ليه متكلمناش قبل كده في النقطه دي 
يمكن أنا لو قولتله إني بحب أسمع حبك بودني بجانب أفعالك كان زماني مطمنه
و لو هو قالي إنه فعلا محتاجني ك أم أخد بالي من أكله و شربه و معاد دواه و إني ده مش هيحسسه إني مستصغراه كان زماني أحن أم عليه
ليه نبقى عايشن تحت سقف واحد بس مش عارفين كل واحد محتاج يتحب بأنهي طريقه
يمكن لو من البدايه وضحنا احتياجتنا بشكل واضح مكنش الطريق نهايته قربت بشكل ده.
وقفنا قدام سينما فبصلي بحماس فأتكلمت يلا ندخل.
جبنا فشار و دخلنا فيلم كان فيلم بيحكي دراما رومانسي عن زوجين كانوا على وشك الانفصال بس حصل دروب خلاهم يتأكدوا إني مفيش حد فيهم هيقدر ولا يعرف يكمل لوحده فن إختيار الأفلام يا زين والله و أنا أصلا بتلكك.
خرجنا من الفيلم فخدني مكان على النيل مكان هادي القمر منه باين بشكل جميل سرحت فى القمر و في جماله ف أتكلم القمر بدر إنهارده.
أبتسمت و أنا لسه ببص على القمر نوره طاغي قادر يهدي التايه فى الطريق الضلمة و ينورله طريقه.
وصفتي تأثيرك على حياتي إنت بدر سمائي يا أحلام أنا من غيرك عبارة عن سما ضلمة مفيهاش حاجة مميزة سما عاديه عمرك تخيلت في يوم سما من غير قمر بالليل
بصتله و هزيت دماغي فإتكلم المفروض إنك إنتي إلي بتاخدي مني الآمان بس
على النقيض تماما طول الوقت أنا إلي باخده منك اصرارك إنك تنجحي علاقتنا طول الوقت مش ناسيه أنا عارفه إنك فقدت الأمل فيا عشان كده قولتي ننفصلو أنا مش حابب أضغطك و مستعد أعمل إلي يريحك حتى لو من بعده مش هشوف الراحة بس أنا محتاج فرصة تانيه لو خدتها صدقيني هكون أسعد راجل في الدنيا.
و لو مقدرتش تأخد مرادك
هكون أتعس و أغبى راجل في الدنيا.
يا مسكين!
بصلي برجاء و كأنه بيقولي خليني معاك هتمشي
و لأني حد مستحيل يمشي و يسيب حد بيحبه محتاجه أو لأني أكتشفت إني أضعف فعلا من إني أسيب زين بصتله بحنين مش عايزني أمشي يعني
أبدا بس إلي إنت هتعمليه أنا معاك فيه.
كيكة برتقال.
بصلي بإيرور إيه
أبتسمت و أنا سانده وشي على كف إيدي بغلب تشرب شاي بالنعناع جمب الكيكة
كل شئ برفقتك لا أريده أن ينتهي أبدا.
أحلام عاصم.