أخويا وامي هويدا زغلول 

اخويا بيضرب أمي 
الحلقه الاولي 
بقلم هويدا زغلول 
اخويا ضړب امي في الشارع علشان يرضي مراته 
واللي حصله كان صډمه
وقبل ما نبدا الحكايه اعرفكم بنفسي انا 
ياسمين متجوزه وعايشه في بيت جوزي وفي يوم 
كنت قاعده ولقيت الباب بيخبط وفتحت
الام 
ازيك يا ياسمين يا بنتي عامله ايه وحشتيني قوي هو انا ينفع اقعد عندك كام يوم
ياسمبن 
ماما يا خبر طب ما اتصلتيش بيا ليه يا حبيبتي وانا كنت جيت خدتك اه طبعا يا ماما تعالي تفضلي جوه
الام 
ربنا يخليكي ليا يا حبيبتي بقولك معلش يا ياسمين يا سكر هادي عليا في الشارع وڠصب عني يا بنتي ڠرقت هدومي
ياسمين 
طب ادخلي على الحمام يا ماما وانا هجيبلك غيره واجي على طول فانا بعدها دخلت الحمام وخرجت حطيتلها الاكل وبعد ما خلصت
الام 
الحمد لله تسلم ايديك يا حبيبتي لما ادخل بقى علشان خاطر اغسل المواعين دي
ياسمبن 
الكلام اللي انتي بتقوليه ده يعني انا اكون قاعده وانت تقومي تغسلي المواعين لا طبعا والله ما يحصل انا هغسلهم هو مالك يا ماما في ايه
الام
ما فيش يا حبيبتي انت عارفه ان الانسان تقيل وانا حاسه ان انا تقيله قوي على اخوك ونفسي اشوفك كده يفرح يومين بمراته ودخل يحيي
جوزي
يحيي 
اولى ست الكل عندنا ما انا برده بقول اديت منور ليه ازيك يا حبيبتي عامله ايه اخس عليكي كده تاكلي من غيري
الحما 
ازيك يا يحيى حبيبي عامل ايه ربنا يعلم والله يا ابني انا بحبك ازاي بس معلش عشان الدوا بتاعي اكلت لقمه ما تزعلش
يحيي 
ايه يا ماما الكلام اللي انت بتقوليه ده ده انا بعاتبك عادي حب والله مش اكثر ايه ياسمين مقلتيش يعني انك رايحه تجيبي ماما
ياسمبن 
عملت ايه انا مفاجاه وجت هي لحد البيت بجد ما تعرفش انا فرحانه ازاي وبعدها الباب خبط 
وكان يس اخويا
يس 
ازيك يا يحيى اخبارك ايه ايه يا ماما ايه اللي جابك هنا مش تتصلي بيا تقوليلي انك جايه
يحيي 
ايه يا يس مالك بيت ابنها برده وجت فين انا مش شايف يعني ان فيها مشكله 
انا مش زي اخوك ولا ايه
يس 
لا طبعا زي اخويا وربنا يعلم انا بحبك ازاي بس ما تزعلش مني تقعد في بيت اختي زي ما هي عايزه بس تنام في بنت ابنها معلش يعني مش هيجي راجل غريب ويصرف عليها
ياسمين 
طريقه الكلام اللي انت بتتكلم بيها دي من امتى واحنا بنعتبر يحيى غريب يعني ودلوقتي انت شايف انه ما ينفعش يصرف عليها
يس 
يا ست ماما بنتك بتعايرني علشان خاطر جوزها دفع فلوس عمليه ابويا علشان تعرفي بنتك عامله ازاي
يحيي
ايه يا جماعه اختك ما تقصدش الكلام ده انا اللي عايز مامتك تقعد عندي شويه وشاف ان ما فيهاش مشكله يعني لما تقعد يومين هنا
الام 
لا لا خلاص يا حبيبي عشان ياسين ما يضايقش انا هقوم اجيب شنطه هدومي