حناني على أختي بقلم هويدا زغلول

بعد ما ضيعت حياتي علي اختي خلتني حامل ف شهور وانا معرفش 
الجزء الاول 
بقلم هويدا زغلول
وقبل ما نبدا الحكايه اعرفكم بنفسي هاله 
عندي 28 سنه وفي يوم كنت عند خالتي وقالت
الخاله 
فلوس منين يا حبيبتي ان شاء الله وانت عايزه فلوس في ايه مش كفايه اللي خالك عملوا فينا 
وقالنا ان ما ناخدش اي حاجه من الشقه مع ان ابوكي عنده بنات وبس
هاله 
هو احنا كل شويه نتكلم في الحوار ده يا خالتي لو المفروض حد ياخد يبقى المفروض عمتي مش انتي خالص لان الشقه بتاعه ابويا مش بتاعه امي
الخاله 
مش فاهمه كلامك ومش عايزه افهمه خلاص ولا عايزه منك حاجه ولا انتي تفكري تيجي تاخذي حاجه
هاله 
والله يا خالتي انا مش جايه اشحت منك ولا جاي استلف انا جاي اخد الفلوس اللي ماما كانت سايباها معاكي احنا لقينا ورقه ماما بتقول فيها انها كانت سايبه مبلغ معاكي
الخاله 
خلاص يا حبيبتي طلعي امك من تربتها بقى واساليها على الورقه اللي هي كاتباها دي 
انا معرفش حاجه عن الحوار ده خالص
هاله 
وهتروحي فين من ربنا بجد انا مش قادره 
اصدق ان فيه حد كده علي العموم يا خالتي 
الكفن ملوش جيوب وبعدها مشيت روحت 
شقه بابا وفتحت ساره
ساره 
ايه هاله عملت ايه بجد انا لو ما فتحتش العياده اللي انا نفسي فيها دي مش عارفه انا ممكن يجرالي ايه انا مش واخده شهاده كبيره 
علشان خاطر اعلقها على الحيطه
هاله 
اوعي تزعلي نفسك خالص انا هعملك كل اللي نفسك فيه ولو خالتك قبلت الفلوس انا لا يمكن اسيبك يا حبيبتي
ساره 
طب احنا ممكن ناخد حتى شقق ايجار بس انا احتاج شويه مصاريف بس علشان خاطر الحاجات اللي هجيبها
هاله 
خلاص يا ساره ما تشيليش هم الموضوع ده بكره هتكون عندك الفلوس باذن الله. وبعدها 
نزلت عند عبدو جزار المنطقه
عبدو 
معقوله ست الحسن والجمال نازله بنفسها عندنا غريبه يعني ما انتي بتقولي لحمتنا مش حلوه جايه دلوقتي تاخدي من عندنا ليه
هاله 
ازيك يا معلم عبده عامل ايه بصراحه انا مش جاي علشان خاطر اخد منك لحمه انا جايه علشان خاطر عايزه حاجه ثانيه انا عارفه ان انت بتطلع فلوس يعني سلف انا محتاجه مبلغ هو كبير شويه 100 الف جنيه وناويه اسدده باذن الله على طول
عبدو 
وماله يا ست الكل عيني ليكي انت عارفه ان فلوسي حاضره بس ان شاء الله هو انتي ناويه تسدي المبلغ ده منين من شغلك ده انت بتاخدي فيه كام ملطوش
هاله 
مين اللي قالك الكلام ده لا انا باخد منه مرتب كويس جدا وباذن الله هسد لك فلوسك دي انا عامله جمعيه والمفروض هقبضها 100 الف جنيه
يعني شهرين بالظبط والفلوس هتكون عندك
عبدو 
اه ولما انا اديك 100 الف جنيه واخدهم بعد شهرين 100 الف جنيه انا كده كسبان ايه انت عارفه انا بطلع ال 100 الف جنيه بكام ال 100 ب 150 على طول
هاله 
خبر ابيض طيب انا هتصرف ازاي واجيب الفلوس دي منين انا مش عارفه اعمل ايه
وجه محروس اللي شغال عندة
محروس 
جرى ايه يا معلم في ايه ده بيقولوا عليك ملك الجدعنه يعني ازاي يعني مش عايز تسلف بنت حتتنا المبلغ ده
عبدو 
مش عارف اعملك ايه يا محروس دايما بتجيلي على الچرح خش هات الفلوس من جوه
هاله 
لا ما انا مش هقدر اخد المبلغ ده لاني مش هعرف اسده بعد شهرين انا بعد شهرين مش هيكون معايا الا 100 الف جنيه وهيبقى لسه قدامي بتاع ست شهور عقبال ما اخلص الجمعيه
محروس 
معقول عايزه تكسفيني قدام المعلم