همسات من عوالم مجهولة بقلم محمد ابراهيم عبد العظيم

إيديها علشان أقيس لها النبض لما شافتني إبتسمت وقالت لي بصوت مبحوح 
_إنت جيت يا مراد يا أبني وحشتني أوي.. كده تغيب عني ده كله.
بصيت للعجوز اللي فهمت من نظرته لي إنها بتخطرف رجعت بصت للست وانا ببوس إيديها 
كان ڠصب عني يا حبيبتي الشغل بقى واخد كل وقتي.
سحبت إيديها من إيدي وردت عليا بنبرة عتاب 
_الشغل يمنعك تيجي تشوف أمك ولو خمس دقايق بس تطمن عليها.. أنا زعلانة منك أوي.
لسه كنت هرد عليها عيني جت على التسريحة لقيت صورة في برواز.. صورة لشاب في العشرينات الخالق الناطق أنا!!. 
الشاب فيه ملامح كتير مني.
العجوز نطق وقالها 
براحة على نفسك يا زبيدة مراد لسه جاي وتعبان سيبيه يرتاح.
وقام مسكني من إيدي وقالي 
تعالى يا حبيبي أوديك أوضتك ترتاح هناك شوية أمك بقت كويسة لما شافتك.
حسيت إن فيه حاجة غلط انا مش فاهم إيه اللي بيحصل كل اللي عملته إني قومت معاه فعلا ومشيت لبرة الأوضة مسكت موبايلي وفي الإيد التانية الشنطة..
لما خرجت سمعت العجوز من ورايا بيقول وهو بيقرب عليا 
أوعى تمشي وتسيبنا يا مراد متعملش فينا كده تاني من بعدك أمك تعبت اوي ومستحملتش.. ولما راحت مقدرتش على فراقها انا كمان.
ومحدش سأل فينا من ساعتها!.
جسمي إتخشب من كلامه ولقيت هبو شديد بشكل مفاجئ.. والهواء حواليا بيقل خصوصا لما لقيت أكتر من ١٣ مكالمة فائتة من دكتور هيثم.. 
وباعت لي رسالة على الواتس فتحتها وقرأتها في اللحظة دي حسيت إن قلبي هيقف من الړعب.. 
لما قرأت كلام دكتور هيثم!.
لما خلصته لقيت النور قطع!!.
بتوتر وخوف فتحت الكشاف ووجهته حواليا لقيت الشقة كلها مكركبة والتراب مسيطر عليها وشميت ريحة بشعة من كل مكان حواليا وكأن المكان إتبدل بيا في لحظات!!.
كنت واقف قصاد أوضة النوم اللي كنت فيها من لحظات وجهت الكشاف جوة مرة تانية لقيت هيكل عظمي على السرير وعليه غطا مترب..
كل اللي عملته إني نزلت من الشقة وأنا بجري وصوت العجوز ورايا بيتردد 
متنسناش تاني يا مراد أبقى تعالى زورنا!!.
تمت.
همسات_من_عوالم_مجهولة