ملفات ريناد يوسف كامله

جنيه يعني تعملوا كل اللي هنقولكم عليه وإلا اللي هيتراجع دلوقتي ملوش فلوس عندي وكمان يعتبر ان صداقتنا لاغيه. 
ماجد
وعلى ايه اللي يخلينا وصلنا هنا انزل يابني لما نشوف اخرتها. 
ونزلو الاتنين وابتدينا نستكشف المكان اللي كان عادي جدا مجرد بير! 
بصينا لبعض انا وفادي بخيبة امل وبعدها فادي قالي
معلش نكمل للآخر يمكن المتعه في الجزء اللي جاي. 
سمعت كلامه وطلعت الاربع قطع جلود والريشه والتليفون وسك ينه صغيره وابتديت بنفسي
غر زت السك ينه في دراعي وابتديت اغمس الريشه في الم اللي نزل مني واكتب بيه على الجلد الطلا سم اللي كانت عالتليفون ومن بعدي اتقدم فادي وعمل نفس الشيئ
بس انا اللي كتبتله على اللوحه الجلد بتاعته وبعد ماخلص فادي بصيت لسامح اللي قالي
متفكرش.. احنا اتفقنا على نزول البير بس متفقناش عالهبل اللي بتعملوه ده.
رد عليه فادي بعصبيه اول مره

________________________________________
يتكلم بيها وصوت خشن مش عارف اتكلم بيه ازاي
مش بمزاجك انت هتقبض يبقى تنفذ هي مغامره جاينها سوا وهنعملها كلنا سوا. 
سامح بصلي وبص لماجد ولما لقي الكل ساكت اتقدم عليا ومدلي دراعه وانا من سكات اخدت من د مه وكتبت الطلاس م 
وبعده اتقدم ماجد من سكات وخلصنا كتابة الطلاس م وجه وقت الخطوه اللي بعدها. 
وقفت وقولتلهم
ودلوقتي هنسجد عكس القبله. 
ردوا عليا ماجد وسامح سوا
نعم ياخويا 
ايه عادي هنركع ونسجد بس عكس القبله وهتقولوا ورايا اللي هقوله. 
ماجد
يعني ياخالد مش كده عشان خاطر الفلوس وعشان خاطر انت وفادي تكونوا مبسوطين ياخي ملعۏن ابو الفلوس على ابو اللي يطاوع ناس مجانين زيكم فحاجه. 
فادي
مش ياسامح دا مجرد ركوع وسجود ماهم لعيبة الكوره لما بيجيبوا هدف بيسجدوا عالارض فأي إتجاه المهم انهم بيسجدوا لربهم. 
زعق فيه ماجد
فادي لو سمحت متتكلمش في النقطه دي انت مسيحي فعادي عندك إنما إحنا لأ وكمان ياريت متفتيش في دينا.
رديت عليهم وقولتلهم
على فكره الموضوع ملوش علاقه بالكفر والايمان دي مجرد طقوس.
فادي
وعلي فكره الايمان في القلب مش بحركات ودلوقتي اركعوا ومفيش خروج من هنا غير لما نكمل كل الطقوس فالو عايزين تخرجوا من هنا قوام اعملوا كل اللي يقوله خالد. 
قال كل الكلام دا بنفس الصوت الخشن المخيف واللي خلى سامح وماجد نزلو علي ركبهم فورا وهو نزل وراهم وانا اتقدمت عليهم وركعت ومسكت التليفون وابتديت اقول في طلاسم وهما يرددوا ورايا لغاية ماخلصنا وسجدنا عالإرض ٥ سجدات متتاليه ومع كل رفعة راس كنا بنقول جمله مكتوبه في التليفون بترقيمها لغاية ماخلصنا وبعدها وقفت وهما وقفوا. 
فضلنا واقفين شويه نتلفت حوالينا انا وفادي وبعدها بصينا لبعض وفادي سألني
تمام كده ياخالد ولا فيه حاجه ناقصه 
تمام يافادي مفيش حاجه تانيه عملنا كل حاجه. 
فادي
طيب يلا بينا طالعين. 
سامح
وبالنسبه للبرديات اللي كتبناها دي ايه نظامها 
رديت عليه وقولتله
هتفضل هنا لأن دي طلبات هيتبت فأمرها لسه. 
ماجد
ماتسيبهم ياعم ويلا بينا انت هتعمل عقلك بعقل ورقة جلد معيز اطلع السلم قدامي اخلللص. 
وابتدا سامح يطلع السلم وماجد وراه والغريبه كانوا طالعين بسرعة الصاروخ واللي نزلناه في ساعه طلعوه فى تلت ساعه! 
وكل ماكان النور يظهر كانوا يضحكوا بفرحه.. وحتى انا كنت بضحك بفرحه بس مش عشان خارج زيهم لا عشان بصيت لتحت ونورت بالكشاف بعد ماطلعنا مسافه وشفت دخان كتيراسود بيطلع من حوالين الجلود ويلف بحركه دائريه واللي منه إتاكدت إن مشوارنا مراحش هدروإن اللي خططتله كله خلاص قيد التنفيذ دلوقتي. 
ورجعنا للعربيه اللي كان ابو ريان نايم فيها واول ماصحي على صوتنا وشافنا قدامه اتخض وقال
بسم الله انس ولا جان 
سامح
متخافش انس زي مادخلنا حفرتكم الخايبه طلعنا منها احنا بس نزلنا سحبنا عينات و عملنا تحليل في المعمل تحت وخرجنا. 
ويلا بقى سوق العربيه واطلع بينا من المكان المنحوس دا الواحد لسه مش قادر يتلم على اعصابه وبطنه قالبه من الريحه المعفنه اللي تحت دي. 
ورجعنا عالفندق وطول الطريق سامح وماجد يغنوا اغاني نصر كأنهم كانوا بيحاربوا عالجبهه ورجعواودا طبعا من فرحتهم بالفلوس
أما فادي فكان كل شويه يبصلي وانا ابتسمله اطمنه وابو ريان يبص لسامح وماجد بنظرات مريبه وحاسس